ព្រឹតិការណ៍ពិភពលោកសំខាន់ៗកើតឡើងថ្ងៃទី០៧ មេសា
ឆ្នាំ១៩៩៤
-ជនជាតិដើមរបស់ប្រទេសរ្វ៉ាន់ដា នៅក្នុងទីក្រុងគីហ្គាលី ឈ្មោះទូតស៊ីស ត្រូវបានគេសំលាប់រង្គាល ។
ឆ្នាំ១៩៩៤
-ជនជាតិដើមរបស់ប្រទេសរ្វ៉ាន់ដា នៅក្នុងទីក្រុងគីហ្គាលី ឈ្មោះទូតស៊ីស ត្រូវបានគេសំលាប់រង្គាល ។
ឆ្នាំ១៥២១
-អ្នករុករកជនជាតិព័រទុយហ្គាល់ លោកហ្វែរឌីណង់ ម៉ាហ្កេឡាន បានធ្វើដំណើរទៅដល់កោះស៊ីប៊ូ របស់ប្រទេសហ្វ៉ីលីពីន ។
ឆ្នាំ១៧៩៥
-ប្រទេសបារាំងបានអនុម័តយក“ម៉ែត្រ” ជាខ្នាតកំរិតរង្វាស់ប្រវែងរបស់ប្រទេស។
ឆ្នាំ១៨២៧
-លោកចន វ៉កឃ័រ គីមីវិទូជនជាតិអង់គ្លេស បានដាក់លក់ឈើគូសជាលើកទី១ បន្ទាប់ពីលោករកឃើញ និងផលិតបាន ។
ឆ្នាំ១៩០៦
-ភ្នំភ្លើងវេស៊ូវីវូស ដែលមានអាយុប្រមាណ២៥.០០០ឆ្នាំ បានផ្ទុះនៅទីក្រុងណេផល បណ្ដាលឱ្យស្លាប់មនុស្ស១០០នាក់ ។
-ក្នុងកិច្ចប្រជុំនៅទីក្រុងអាលហ្កេស៊ីរ៉ាស ប្រទេសអេស្ប៉ាញ ដែលបើកធ្វើតាំងពីថ្ងៃទី១៦មករាមក បានសំរេចឱ្យប្រទេសបារាំង និងប្រទេសអេស្ប៉ាញមានអំណាចគ្រប់គ្រងលើទឹកដីប្រទេសម៉ារ៉ុក ។
ឆ្នាំ១៩៣៩
-ប្រទេសអ៊ីតាលីបានចូលឈ្លានពានប្រទេសអាល់បានី ក្នុងពេលមានសង្គ្រាមលោកលើកទី២ ។
ឆ្នាំ១៩៤៣
-នៅក្នុងទីក្រុងតេរេបូវលីយ៉ា ប្រទេសអ៊ុយក្រែន កងទ័ពអាល្លឺម៉ង់បានបញ្ជាឱ្យជនជាតិជ្វីហ្វប្រមាណ១.១០០នាក់ដោះសំលៀកបំពាក់ចេញសល់តែខោទ្រនាប់ រួចបណ្ដើរឆ្លងកាត់ទីក្រុងនេះរហូតដល់ជិតភូមិឈ្មោះផ្លេបា នីវកា ក៏បាញ់សំលាប់នៅក្នុងរណ្ដៅហើយកប់តែម្ដង ។
ឆ្នាំ១៩៤៥
-នាវាចំបាំងយ៉ាម៉ាតូ របស់ប្រទេសជប៉ុនដែលជានាវាចំបាំងធំបំផុតមិនធ្លាប់មានបានលិចនៅជិតកោះអូគីណាវ៉ា ។
-ទីក្រុងវីសូកូ ត្រូវបានរំដោះចេញពីការគ្រប់គ្រងរបស់កងទ័ពយូហ្គោស្លាវី ដែលជាបក្សកុម្មុយនីស្ដប្រឆាំងអំណាចអាកស៊ីសអាល្លឺម៉ង់ ។
ឆ្នាំ១៩៤៦
-ឯករាជ្យភាពរបស់ប្រទេសស៊ីរី ចេញពីបារាំងត្រូវបានទទួលស្គាល់ជាផ្លូវការ ។
ឆ្នាំ១៩៤៨
-អង្គការសុខភាពពិភពលោក ត្រូវបានបង្កើតឡើងដោយអង្គការសហប្រជាជាតិ។
ឆ្នាំ១៩៥៦
-ប្រទេសអេស្ប៉ាញបានលះបង់ដែនដីអាណានិគមនិយមនៅម៉ារ៉ុក ។
ឆ្នាំ១៩៦៣
-ប្រទេសយូហ្គោស្លាវីត្រូវបានប្រកាសជាសាធារណរដ្ឋសង្គមនិយម ដែលមានលោកចូស៊ីប ប្រូសទីតូ ជាប្រធានាធិបតីអស់មួយជីវិត ។
ឆ្នាំ១៩៧១
-លោកប្រធានាធិបតីអាមេរិក រីឆាដ និចសុន បានប្រកាសពីការសំរេចចិត្ដបង្កើន តួលេខនៃកងទ័ពអាមេរិកដែលដកចេញពីប្រទេសវៀតណាម ។
ឆ្នាំ១៩៧៧
-រដ្ឋអាជ្ញារបស់ប្រទេសអាល្លឺម៉ង់ លោកសេកហ្វ្រីដ ប៊ូបាក និងអ្នកបើកបររថយន្ដរបស់លោកត្រូវបាញ់សំលាប់ពេលដែលរថយន្ដឈប់នៅចំណុចភ្លើងស្ដុប ។
ឆ្នាំ១៩៧៨
-លោកប្រធានាធិបតីអាមេរិកជីមមី ខាទ័រ បានលុបចោលកម្មវិធីអភិវឌ្ឍន៍គ្រាប់បែកណឺត្រុង ។
ឆ្នាំ១៩៨៥
-មេដឹកនាំសហភាពសូវៀត លោកមីខា អ៊ីល ហ្គ័របាឆេវ បានប្រកាសពីការផ្អាកបញ្ជូនគ្រាប់មីស៊ីលរយៈចំងាយមធ្យមចូលទៅទ្វីបអឺរ៉ុប។
ឆ្នាំ១៩៩៤
-ជនជាតិដើមរបស់ប្រទេសរ្វ៉ាន់ដា នៅក្នុងទីក្រុងគីហ្គាលី ឈ្មោះទូតស៊ីស ត្រូវបានគេសំលាប់រង្គាល ។
ឆ្នាំ២០០៣
-កងទ័ពសហរដ្ឋអាមេរិកបានចូលកាន់កាប់ទីក្រុងបាដាដ ហើយ២ថ្ងៃក្រោយមករបបសាដាម ហ៊ូសេន បានដួលរលំ ។
ឆ្នាំ២០០៩
-អតីតប្រធានាធិបតីប៉េរូ លោកអាល់ ប៊ែរតូហ្វ៊ូ ជីម៉ូរី ត្រូវបានគេកាត់ទោសឱ្យជាប់ពន្ធនាគារ២៥ឆ្នាំដោយសារការចេញបញ្ជាឱ្យសំលាប់មនុស្ស និងចាប់បង្ខាំងមនុស្សយ៉ាងច្រើន ៕
ចែករំលែកព័តមាននេះ