ខេត្តសៀមរាប ៖ សេចក្តីរាយការណ៍ឱ្យដឹងថា កម្លាំងការិយាល័យអន្តោប្រវេសន៍ សហការកម្លាំងការិយាល័យវិទ្យាសាស្ត្របច្ចេកទេសនៃស្នងការដ្ឋាននគរបាលខេត្ត បានចុះទៅពិនិត្យសាកសពជនបរទេសម្នាក់ កាលពីវេលាម៉ោង១០ និង៣០នាទីយប់ថ្ងៃទី០៨ កុម្ភៈ ស្ថិតនៅចំណុចភូមិគ្រឹះឡាលូនដឺអង្គរខុនដូមីនៀម…
ខេត្តសៀមរាប ៖ សេចក្តីរាយការណ៍ឱ្យដឹងថា កម្លាំងការិយាល័យអន្តោប្រវេសន៍ សហការកម្លាំងការិយាល័យវិទ្យាសាស្ត្របច្ចេកទេសនៃស្នងការដ្ឋាននគរបាលខេត្ត បានចុះទៅពិនិត្យសាកសពជនបរទេសម្នាក់ កាលពីវេលាម៉ោង១០ និង៣០នាទីយប់ថ្ងៃទី០៨ កុម្ភៈ ស្ថិតនៅចំណុចភូមិគ្រឹះឡាលូនដឺអង្គរខុនដូមីនៀម ភូមិទ្រាំង សង្កាត់ស្លក្រាម ក្រុងសៀមរាប ។
ជនរងគ្រោះមានឈ្មោះ MACLEAN MALCOLM IAN ភេទប្រុស ជនជាតិអង់គ្លេស កាន់លិខិតឆ្លងដែនលេខ ៥៥៨៣៤៥១៦៥ (ទិដ្ឋាការស្នាក់នៅប្រភេទស្វែងរកការងារ) ។ បើតាមតាមការសាកសួរពីបងបង្កើតបានរៀបរាប់ប្រាប់ថា ពួកគាត់ទាំងពីរនាក់បងប្អូន បានធ្វើដំណើរមកកាន់ប្រទេសកម្ពុជា កាលពីអំឡុងខែមិថុនា ឆ្នាំ២០១៨ តាមច្រកព្រលានយន្តហោះអន្តរជាតិសៀមរាប និងស្នាក់នៅបន្ទប់លេខ៥០៤ភូមិគ្រឹះខាងលើ ។ នៅថ្ងៃទី០១ មករា ២០១៩ ជនរងគ្រោះបានចាប់ផ្តើមមានជំងឺជាជាប្រចាំ រហូតដល់វេលាម៉ោងប្រហែល១០ និង៣០នាទីយប់ថ្ងៃទី ០៨ កុម្ភៈ នោះ ក៏បានស្លាប់តែម្តង ។
ផ្អែកតាមការពិនិត្យរបស់កម្លាំងសមត្ថកិច្ចជំនាញ ពិនិត្យនៅលើខ្លួនសាកសពឃើញមានស្នាមដំបៅនៅលើ
ថ្ពាល់ និងសរីរាង្គកាយមានសភាពស្គមស្គាំងមើលឃើញតែឆ្អឹង ។ តាមការពិនិត្យរបស់លោកវេជ្ជបណ្ឌិត
អ៊ិត ឆបឆរ័ត្ន គ្រូពេទ្យអមតុលាការបានសន្និដ្ឋានថា ជនរងគ្រោះស្លាប់ដោយជំងឺមហារីក ។
ចែករំលែកព័តមាននេះ