ខេត្តបាត់ដំបង៖ បុរសម្នាក់បានធ្វើឲ្យមហាជនភ្ញាក់ផ្អើលយ៉ាងខ្លាំង ដោយសារតែមានជម្លោះជាមួយភរិយានៅឯខេត្តកំពង់ឆ្នាំង ហើយជិះម៉ូតូមកចង.កសម្លាប់ខ្លួននៅក្បែរជើងភ្នំមួយកន្លែងត្រង់ចំណុចទឹកចេញ ស្ថិតក្នុងភូមិបេងស្អាត ឃុំភ្នំព្រឹក ស្រុកភ្នំព្រឹក នៅម៉ោងប្រមាណ៩ព្រឹកថ្ងៃទី០៨ កុម្ភ: ជាទីជម្រកដែលខ្លួនធ្លាប់ស្នាក់នៅធ្វើកម្មករកាប់ដំឡូងមីឬកាច់ពោត។…
ខេត្តបាត់ដំបង៖ បុរសម្នាក់បានធ្វើឲ្យមហាជនភ្ញាក់ផ្អើលយ៉ាងខ្លាំង ដោយសារតែមានជម្លោះជាមួយភរិយានៅឯខេត្តកំពង់ឆ្នាំង ហើយជិះម៉ូតូមកចង.កសម្លាប់ខ្លួននៅក្បែរជើងភ្នំមួយកន្លែងត្រង់ចំណុចទឹកចេញ ស្ថិតក្នុងភូមិបេងស្អាត ឃុំភ្នំព្រឹក ស្រុកភ្នំព្រឹក នៅម៉ោងប្រមាណ៩ព្រឹកថ្ងៃទី០៨ កុម្ភ: ជាទីជម្រកដែលខ្លួនធ្លាប់ស្នាក់នៅធ្វើកម្មករកាប់ដំឡូងមីឬកាច់ពោត។
សមត្ថកិច្ចបានឲ្យដឹងថា ជនរងគ្រោះឈ្មោះ ប៉ាត លីន ប្រុសអាយុ២៧ឆ្នាំ មានស្រុកកំណើតនៅភូមិពាមទន្លា ឃុំពោធិ៍ ស្រុកកំពង់លែង ខេត្តកំពង់ឆ្នាំង។ សមត្ថកិច្ចបានឲ្យដឹងទៀតថា បុរសនេះបានយកខ្សែអង្រឹងចង.កខ្លួនឯងនៅលើដើមឈើក្បែរចង្កេះភ្នំ ហើយត្រូវអ្នកភូមិប្រទះឃើញក៏មានការភ្ញាក់ផ្អើលតែម្ដង។ បើតាមការផ្ដល់ព័ត៌មានថា មុនពេលកើតហេតុប៉ុន្មានថ្ងៃ ជនរងគ្រោះរូបនេះមានជម្លោះជាមួយភរិយានៅឯខេត្តកំពង់ឆ្នាំង តែមិនដឹងយ៉ាងម៉េចស្រាប់តែបុរសបែរជាជិះម៉ូតូមកសម្លាប់ខ្លួននៅស្រុកភ្នំព្រឹកទៅវិញ.?
សាក្សីដែលបានដឹងរឿងនេះខ្លះៗបាននិយាយថា បុរសនេះបានធ្វើដំណើរពីស្រុកកំណើតមកដល់ស្រុកភ្នំព្រឹក ជាកន្លែងកើតហេតុ កាលពីថ្ងៃទី០៦ កុម្ភ:។ ប្រភពដដែលបានប្រាប់សមត្ថកិច្ចថា កន្លងមកជនរងគ្រោះពិតជាធ្លាប់ធ្វើចំណាកស្រុក មកស្នាក់នៅចំណុចកើតហេតុខាងលើ ដើម្បីធ្វើជាកម្មករមែន។ ប៉ុន្តែពេលជនរងគ្រោះមកលើកក្រោយនេះ មុនពេលធ្វើអត្តឃាតគេបានឭជនរងគ្រោះនិយាយថា ខ្លួនមានជម្លោះជាមួយប្រពន្ធនៅឯស្រុកកំណើត តតែមិនបាននិយាយលំអិតអំពីជម្លោះនោះទេ ស្រាប់តែនៅព្រឹកថ្ងៃទី០៨កុម្ភ: បុរសនេះចង.កសម្លាប់ខ្លួនបង្កឲ្យមានការភ្ញាក់ផ្អើលតែម្ដង។
សមត្ថកិច្ចបានចុះទៅកាន់កន្លែងកើតហេតុដើម្បីសួរនាំនិងពិនិត្យសពជនរងគ្រោះភ្លាមៗដែរ ក្រោយពីទទូលព័ត៌មាននេះ។ សមត្ថកិច្ចបានឲ្យដឹងថា ជនរងក្រោះបានប្រើប្រាសខ្សែអង្រឹងរបស់ខ្លួន ក្នុងការធ្វើអត្តឃាតនេះ។ បើតាមការពិនិត្យតាមបច្ចេកទេស គឺជនរងគ្រោះពិតជាបានធ្វើអត្តឃាតខ្លួនឯងមែន ហើយក៏មានលេចឭថា ជនរងគ្រោះបានឈ្លោះប្រកែកជាមួយប្រពន្ធនៅឯស្រុកកំណើតដែរ មុនពេលជិះម៉ូតូមកធ្វើអត្តឃាតនៅស្រុកភ្នំព្រឹកនេះ ដោយមិនជាប់ពាក់ព័ន្ធនិងបទល្មើសអ្វីឡើយ។
ចែករំលែកព័តមាននេះ