ប្រទេសបារាំង-អីុតាលី ៖ ប្រទេសបារាំងកាលពីថ្ងៃទី៧កុម្ភៈ បានហៅឯកអគ្គរដ្ឋទូតរបស់ខ្លួនប្រចាំអីុតាលីទៅស្រុកពិគ្រោះយោបល់ ក្រោយសេចក្ដីថ្លែងការណ៍នានាវាយប្រហារបារាំងខ្លាំងៗ របស់បណ្ដាអ្នកទទួលខុសត្រូវអីុតាលី ដែលនោះជាភាពតានតឹងកម្រមានរវាងប្រទេសទាំង២ ក្នុងសហភាពអឺរ៉ុបដែលបង្ហាញឲ្យឃើញភាពប្រេះស្រាំរបស់អឹរ៉ុប ខណៈសល់ពេលប៉ុន្មានខែទៀតដល់ការបោះឆ្នោតអឺរ៉ុប។ អ្នកទទួលខុសត្រូវអីុតាលី២រូប…
ប្រទេសបារាំង-អីុតាលី ៖ ប្រទេសបារាំងកាលពីថ្ងៃទី៧កុម្ភៈ បានហៅឯកអគ្គរដ្ឋទូតរបស់ខ្លួនប្រចាំអីុតាលីទៅស្រុកពិគ្រោះយោបល់ ក្រោយសេចក្ដីថ្លែងការណ៍នានាវាយប្រហារបារាំងខ្លាំងៗ របស់បណ្ដាអ្នកទទួលខុសត្រូវអីុតាលី ដែលនោះជាភាពតានតឹងកម្រមានរវាងប្រទេសទាំង២ ក្នុងសហភាពអឺរ៉ុបដែលបង្ហាញឲ្យឃើញភាពប្រេះស្រាំរបស់អឹរ៉ុប ខណៈសល់ពេលប៉ុន្មានខែទៀតដល់ការបោះឆ្នោតអឺរ៉ុប។
អ្នកទទួលខុសត្រូវអីុតាលី២រូប គឺរដ្ឋមន្ត្រីមហាផ្ទៃលោកMATTEO SALVINI និងឧបនាយករដ្ឋមន្ត្រីលោកLUIGI DI MAIO ជាអ្នកនយោបាយនៃរដ្ឋាភិបាលប្រជានិយមអីីុតាលី ក្រោយបារាំងកោះហៅឯកអគ្គរដ្ឋទូតរបស់ខ្លួនទៅស្រុកវិញនិយាយភ្លាមៗថា ត្រៀមជួបជាមួយប្រធានាធិបតីបារាំង លោកEMMANUEL MACRONនិងរដ្ឋាភិបាលបារាំង។ លោកSALVINI មេខ្លោងនៃក្រុមស្ដាំនិយមជ្រុលអីុតាលីអះអាងថា យើងពុំចង់ឈ្លោះជាមួយនរណាម្នាក់ឡើយ ហើយសង្គ្រាមប៉ាកាយើងមិនចូលចិត្តទេ។
ទោះបីយ៉ាងណាសម្រាប់ក្រុងប៉ារីសនៅតែអន់ចិត្តខ្លាំងចំពោះការដៀមដាម។ ប្រភពផ្លូវការបារាំងមួយនិយាយប្រាប់AFPថា យើងពុំកាត់ផ្ដាច់ការចរចា តែយើងនិយាយយ៉ាងច្បាស់ថា យើងពុំសប្បាយចិត្ត ចំពោះការបង្កហេតុនិងការជ្រៀតជ្រែកទាំងនេះ។
មេដឹកនាំអីុតាលី២រូបបានបង្កើនការដៀមដាមចំពោះរដ្ឋាភិបាលបារាំង ដោយសម្ដែងការអបអរចំពោះចលនាសង្កម របស់ពូកអាវកាក់លឿងបារាំង ដែលធ្វើបាតុកម្មហិង្សារាល់ថៃ្ងសៅរ៍ ដោយអំពាវនាវឲ្យលោកប្រធានាធិបតីMACRON លាលែងចេញពីតំណែង។ អ្នកទាំង២រហូតដល់ចោទលោកMACRON ថាដឹកនាំប្រឆាំងប្រជាជនខ្លូនទៀតផង៕
ចែករំលែកព័តមាននេះ