ហាងឆេងការលក់ផ្ទះបន្តហក់ឡើងដូចរន្ទះ ខណៈម្ចាស់ផ្ទះទម្លាក់តម្លៃ
ហុងកុង៖ យោងតាម South China Morning Post ដែលបានរាយការណ៍កាលពីថ្ងៃទី៧ ខែកុម្ភៈ កន្លងមកបានឲ្យដឹងថា ការលក់ផ្ទះបន្តនៅហុងកុងបានកើនឡើងកាលពីសប្តាហ៍មុន…
ហុងកុង៖ យោងតាម South China Morning Post ដែលបានរាយការណ៍កាលពីថ្ងៃទី៧ ខែកុម្ភៈ កន្លងមកបានឲ្យដឹងថា ការលក់ផ្ទះបន្តនៅហុងកុងបានកើនឡើងកាលពីសប្តាហ៍មុន…
ហុងកុង៖ យោងតាម South China Morning Post ដែលបានរាយការណ៍កាលពីថ្ងៃទី៧ ខែកុម្ភៈ កន្លងមកបានឲ្យដឹងថា ការលក់ផ្ទះបន្តនៅហុងកុងបានកើនឡើងកាលពីសប្តាហ៍មុន ព្រោះម្ចាស់ផ្ទះបានចាប់ផ្តើមលក់បញ្ចុះតម្លៃកាន់តែច្រើនឡើង ហើយធនាគារបានព្យាករណ៍ថា តម្លៃផ្ទះនឹងធ្លាក់ចុះយ៉ាងខ្លាំងនៅខែមីនា ផងដែរ ។
ចំនួនទិញលក់ក្នុងគម្រោងធំៗទាំង ៥០ដែលត្រូវបានតាមដានដោយ Ricacorp Properties បានរក្សាត្រឹម ១០០ យូនីតអស់៤សប្តាហ៍ជាប់ៗគ្នាមកហើយ និងបានកើនដល់១៣៨យូនីតនៅដើមខែកុម្ភៈ កន្លងមកនេះផងដែរ ។
លោក David Chan ដែលជាប្រធាននៅ Ricacorp Properties បានឲ្យដឹងថា ម្ចាស់ផ្ទះលែងទាមទារតម្លៃខ្ពស់ពេក ហើយតម្លៃផ្ទះជាមធ្យមទាបជាងតម្លៃទូទៅប្រមាណពី ៥ទៅ១១០%ផងដែរ ។ លោកបានបន្តថា «អតិថិជនដឹងថាតម្លៃផ្ទះមានទាបជាងមុនដូច្នេះពួកគេមានចំណាប់អារម្មណ៍ស្វែងរកផ្ទះទិញ» ។
CLSA, Citibank និង JPMorgan បាននិយាយថា តម្លៃផ្ទះនឹងកើនឡើងដល់ទៅ ១៥% រវាងខែមេសា និងខែធ្នូ បន្ទាប់ពីតម្លៃផ្ទះបានធ្លាក់ចុះអស់ ៩%កាលពីខែកក្កដា ។
ប៉ុន្តែលោក Chan បាននិយាយថាចំនួនទិញលក់នឹងមានទាបជាងមុនក្នុងសប្តាហ៍នេះនិងសប្តាហ៍ក្រោយព្រោះអតិថិជននិងអ្នកលក់ជាប់រវល់ទៅសួរសុខទុក្ខញាតិមិត្តបងប្អូនក្នុងកំឡុងពេលបុណ្យចូលឆ្នាំប្រពៃណីចិន។
យោងទៅតាមទិន្នន័យដីបញ្ជីដែលបានចេញកាលពីសប្តាហ៍មុនបានឲ្យដឹងថា តម្លៃលក់អចលនទ្រព្យសរុបដែលរួមមានទាំងផ្ទះ អចលនទ្រព្យពាណិជ្ជកម្ម និងឧស្សាហកម្មនៅខែមករាបានកើនដល់កម្រិតខ្ពស់ជាងគេដែលស្មើប្រមាណ ៧០.៥៣ប៊ីលានដុល្លារ ឬច្រើនជាងខែធ្នូដល់ទៅ ៦៣.៨% ។
ព្រោះតែតម្រូវការមានការធ្លាក់ចុះ ក្រុមហ៊ុនអចលនទ្រព្យកំពុងតែផ្តល់កម្មវិធីពិសេសដើម្បីបង្កើនការលក់ ។ ឧទាហរណ៍ ក្រុមហ៊ុន Wheelock Properties និង Nan Fung Development បានធ្វើការលក់បញ្ចុះតម្លៃដល់ទៅ ១% ដល់អតិថិជនដែលចាប់អារម្មណ៍លើគម្រោងសរុបចំនួន ៧ ក្នុងកំឡុងពេលបុណ្យចូលឆ្នាំប្រពៃណីចិនជាដើម ៕
ចែករំលែកព័តមាននេះ