យោងតាមភ្នាក់ងារសារព័ត៌មាន Business Times កាលពីថ្ងៃព្រហស្បត្តិ៍ កន្លងមកបានឲ្យដឹងថា ខណៈដែលសេដ្ឋកិច្ចក្នុងតំបន់អាស៊ីមានការអន់ថយ វិនិយោគគិនត្រូវបានបង្ខំឲ្យសម្របខ្លួន ហើយវិធីមួយដែលពួលគេបានប្រទះឃើញគឺងាកទៅចាប់អារម្មណ៍លើកន្លែងផ្ទុកទិន្នន័យ ។ សារព័ត៌មាន…
យោងតាមភ្នាក់ងារសារព័ត៌មាន Business Times កាលពីថ្ងៃព្រហស្បត្តិ៍ កន្លងមកបានឲ្យដឹងថា ខណៈដែលសេដ្ឋកិច្ចក្នុងតំបន់អាស៊ីមានការអន់ថយ វិនិយោគគិនត្រូវបានបង្ខំឲ្យសម្របខ្លួន ហើយវិធីមួយដែលពួលគេបានប្រទះឃើញគឺងាកទៅចាប់អារម្មណ៍លើកន្លែងផ្ទុកទិន្នន័យ ។
សារព័ត៌មាន Nikkei Asia បានរាយការណ៍មកថា ប្រមាណពាក់កណ្តាលនៃវិនិយោគិនទាំងនេះកំពុងតែចាប់អារម្មណ៍លើការវិនិយោគលើអចលនទ្រព្យសម្រាប់ធ្វើជាកន្លែងផ្ទុកទិន្នន័យ ។
យោងតាមការស្ទង់មតិក្នុងពេលថ្មីៗរបស់ Urban Land Institute and PwC បានឲ្យដឹងថា វិនិយោគិនកំពុងតែចាប់អារម្មណ៍លើកន្លែងផ្ទុកទិន្នន័យទាំងនេះព្រោះវាអាចរកផលចំណេញាបានមកវិញច្រើន ។
និន្នាការនេះមិនត្រឹមតែកើតមានឡើងក្នុងតំបន់ទេ ប៉ុន្តែអាជីវកម្មជួលអចលនទ្រព្យសម្រាប់ធ្វើជាកន្លែងផ្ទុកទិន្នន័យកំពុងតែរីកចម្រើនទូទាំងពិភពលោកព្រោះតែប្រជាប្រិយភាពនៃការផ្តល់សេវាដែលតភ្ជាប់នឹងបច្ចេកវិទ្យា Cloud កំណើននៃការពឹងផ្អែកលើពាណិជ្ជកម្មលើប្រព័ន្ធអេឡិចត្រូណិច និងការមើលវីឌីអូលើអ៊ីនធើណែតជាដើម ។
ក្រុមហ៊ុន Alibaba Cloud បានជំរុញដល់និន្នាការនេះដោយបើកដំណើរការកន្លែងស្តុកទិន្នន័យទីពីរក្នុងរយៈពេល១០ខែ ក្នុងប្រទេសឥណ្ឌូនេស៊ី ។
រដ្ឋមន្ត្រីទំនាក់ទំនងនិងព័ត៌មាន Radiantara របស់ឥណ្ឌូនេស៊ីបាននិយាយថា ទស្សនៈវិស័យសេដ្ឋកិច្ចឌីជីថលឥណ្ឌូនេស៊ីមានទិសដៅយ៉ាងច្បាស់លាស់ ។ គោលដៅគឺពន្លឿននិងបង្កើនការលូតលាស់នៃក្រុមហ៊ុនបង្កើតថ្មីទាំង១ពាន់ក្រុមហ៊ុន និងជួយប្រជាជន៨លាននាក់ចេញពីវិស័យចាស់ៗដូចជានេសាទ និងកសិកម្ម ឲ្យចូលទៅជំនាន់ឌីជីថលវិញ ។
កន្លែងផ្ទុកទិន្នន័យរបស់ Alibaba និងក្រុមហ៊ុនដទៃក្នុងតំបន់គឺជាកន្លែងវិនិយោគដ៏ល្អសម្រាប់វិនិយោគិន។ និន្នាការនេះថែមទាំងបានចាប់ផ្តើមនៅហុងកុងផងដែរ ។
ក្រុមហ៊ុនអចលនទ្រព្យដូចជា Colliers បានជួបប្រទះភាពរវល់យ៉ាងខ្លាំងក្នុងហុងកុងដើម្បីស្វែងរកអចលនទ្រព្យដែលអាចជួលចេញជាកន្លែងផ្ទុកទិន្នន័យ ។ ការិយាល័យចាស់ៗ និងហាងទំនិញលក់ដុំដែលត្រូវបានបោះបង់ចោលគឺជាគោលដៅសំខាន់ជាងគេសម្រាប់ក្រុមហ៊ុនអចលនទ្រព្យ ៕
ចែករំលែកព័តមាននេះ