យោងតាមអ្នកវិទ្យាសាស្ត្រមកពីសាកលវិទ្យាល័យ Tev Aviv University ប្រទេសអុីស្រាអែលបានឱ្យដឹងថា បណ្តាជនដែលទទួលទានអាហារពេលព្រឹកឆ្អែតដូចជាអាហារថ្ងៃត្រង់អាចធ្វើឱ្យកម្រិតអ័រម៉ូនអាំងស៊ុយលីន និងកម្រិតគ្លុយកូសថយចុះ ។ បញ្ហានេះនឹងធ្វើឱ្យអត្រាប្រឈមនឹងជំងឺបេះដូង ទឹកនោមផ្អែម ការលើសឈាម ការលើសខ្លាញ់កូឡេស្តេរ៉ូលថយចុះ ។ បន្ថែមពីលើ
យោងតាមអ្នកវិទ្យាសាស្ត្រមកពីសាកលវិទ្យាល័យ Tev Aviv University ប្រទេសអុីស្រាអែលបានឱ្យដឹងថា បណ្តាជនដែលទទួលទានអាហារពេលព្រឹកឆ្អែតដូចជាអាហារថ្ងៃត្រង់អាចធ្វើឱ្យកម្រិតអ័រម៉ូនអាំងស៊ុយលីន និងកម្រិតគ្លុយកូសថយចុះ ។ បញ្ហានេះនឹងធ្វើឱ្យអត្រាប្រឈមនឹងជំងឺបេះដូង ទឹកនោមផ្អែម ការលើសឈាម ការលើសខ្លាញ់កូឡេស្តេរ៉ូលថយចុះ ។ បន្ថែមពីលើនេះទៀត ចំណង់ក្នុងការទទួលទានអាហារសម្រន់ផ្សេងៗក៏មានតិចតួចផងដែរ ហើយដូច្នេះ ហានិភ័យនឹងការធាត់លើសទម្ងន់ក៏ត្រូវបានកាត់បន្ថយ ។
ក្រោយពីការពិសោធលើក្រុមអ្នកស្ម័គ្រចិត្តជាស្ត្រីរយៈពេល១២សប្តាហ៍ ក្រុមអ្នកសិក្សាស្រាវជ្រាវដែលដឹកនាំឱ្យលោកស្រីសាស្ត្រាចារ្យ Daniela Jakubowicz បានរកឃើញថា ក្រុមដែលទទួលទានអាហារពេលព្រឹកឆ្អែតចុះទម្ងន់ជាមធ្យមបាន ៨,៦៦គីឡូក្រាមខណៈក្រុមដែលទទួលអាហារពេលល្ងាចឆ្អែតចុះទម្ងន់ត្រឹម ៣,២២គីឡូក្រាមប៉ុណ្ណោះ ។ យោងតាមលោកស្រីសាស្ត្រាចារ្យJakubowicz បកស្រាយថា បញ្ហានេះក៏ព្រោះ ក្រុមអ្នកទទួលទានអាហារពេលព្រឹកឆ្អែត កម្រិតអ័រម៉ូនបញ្ជាការស្រេកឃ្លានរបស់ពួកគេថយចុះច្រើនធៀបនឹងក្រុមដែលទទួលទានអាហារពេលល្ងាចឆ្អែត ។
ចំណែកអ័រម៉ូនអាំងស៊ុយលីន គ្លុយកូសនិងខ្លាញ់ Triglycerideក៏បានថយចុះគួរឱ្យកត់សម្គាល់ផងដែរ ។ លោកស្រីបានបន្តថា ៖«ការទទួលទានអាហារត្រឹមត្រូវខុសពេលវេលាមិនត្រឹមតែមិនជួយបញ្ចុះទម្ងន់ខ្លួនប៉ុណ្ណោះទេ តែថែមទាំងអាចផ្តល់ផលអាក្រក់ដល់សុខភាពទៀតផង ។ ការសិក្សារបស់យើងបានរកឃើញថា បណ្តាជនដែលទទួលទានអាហារពេលល្ងាចឆ្អែតខ្លាំង កម្រិតសារធាតុខ្លាញ់ក្នុងរាងកាយរបស់ពួកគេពិតជាកើនឡើង »។
លោកស្រីបានស្នើសុំឱ្យជនទាំងឡាយគួរកាត់បន្ថយការទទួលទានអាហារផ្សេងៗក្នុងពេលភាពងងឹតឈានចូលមកដល់ដើម្បីបញ្ចៀសនូវរាល់បញ្ហាសុខភាពដែលបង្កដោយការទទួលទាន ។ សាស្ត្រាចារ្យរូបនេះបានបន្ថែមថា ៖ «ការទទួលទានតាមទំនើងចិត្តនៅមុខម៉ាស៊ីនកុំព្យួទ័រ ឬមុខទូរទស្សន៍ជាពិសេសក្រោយពេលសម្រាកពីការងារនឿយហត់ពេញមួយថ្ងៃគឺជាកត្តាប្រឈមចម្លងមួយដែលនាំធាត់លើសទម្ងន់ ។ វាមិនត្រឹមតែធ្វើឱ្យឡើងទម្ងន់ខ្លួនប៉ុណ្ណោះទេ ប៉ុន្តែបង្កើនអត្រាប្រឈមនឹងជំងឺបេះដូងទៀតផង» ៕
ចែករំលែកព័តមាននេះ