រាជធានីភ្នំពេញ ៖ រឿងរ៉ាវជនខ្ទើយមាត់ស្អុយរហស្សនាម«ចំប៉ីខ្មៅ» មិនទាន់រសាត់ផុតនោះទេ ទោះបីត្រូវតុលាការចេញដីកាឃុំខ្លួនជាបណ្តោះអាសន្ននៅពន្ធនាគារព្រៃសរួចហើយក្តី ក៏ពេលនេះ ការតភាគកក្រើកបណ្តាញសង្គមនោះ គឺអ្នកខោកក្បាលនាយចំប៉ីខ្មៅ បានចេញមុខសារភាពនៅរសៀលថ្ងៃទី៦ ខែកុម្ភៈ
ប៉ុន្តែក្រោយមក ជនរូបនេះបែរជាសមត្ថកិច្ចជឿថា មិនមែនជាក្រុមជនខោកក្បាលជនខ្ទើយចំប៉ីខ្មៅនោះទេ ព្រោះឆ្លងកាត់ការសាកសួរបង្ហាញនូវការរវើរវាយមិនច្បាស់លាស់ ។ ក្រោយពីមានការភ្ញាក់ផ្អើល បន្ទាប់ពីកម្លាំងសមត្ថកិច្ចបានចាប់ខ្លួនជនខ្ទើយម្នាក់ឈ្មោះ យិន ហេង ដែលមានអាក់ខោនហ្វេសប៊ុកឈ្មោះ ចំប៉ី
ខ្មៅ រួចមក នៅអធិការដ្ឋាននគរបាលខណ្ឌដូនពេញ កាលពីវេលម៉ោង៥ និង៣០នាទីល្ងាចថ្ងៃទី៦ ខែកុម្ភៈ បាននាំយុវជនម្នាក់ ដែលចេញមុខផ្តល់សម្ភាសន៍ដល់TVFB នាំមកសាកសួរ ។ ជននេះនិយាយថា «ខ្លួនពិតជាបានវាយនិងខោកក្បាលជនខ្ទើយម្នាក់នោះ» ។
ការចេញមុខមកធ្វើការបកស្រាយនេះ គឺធ្វើឡើងក្រោយពីរូបគេបានបង្ហោះលើបណ្តាញសង្គមហ្វេសបុ៊កថា «វ៉ៃខ្ទើយ មានអ្វីមិនល្អ» តែហាក់បីដូចជាខុសស្រឡះទៅនឹងករណីបុរសជាជនមិនស្គាល់មុខចំនួន៣នាក់ ជិះម៉ូតូមូយគ្រឿងដែលបានខោកក្បាល«ចំប៉ីខ្មៅ» បណ្តាលឱ្យពកថ្ងាស ធ្វើឱ្យផ្ទុះកំហឹងស្រែកជេរបញ្ចោរកប់ៗមាត់ រហូតប្រមាថដល់ពូជសាសន៍ខ្មែរ ហើយត្រូវបានសមត្ថកិច្ចចាប់ឃាត់ខ្លួន ព្រោះតែរឿងជេប្រមាថធ្វើឱ្យប៉ះពាល់យ៉ាងធ្ងន់ធ្ងរទៅដល់ជាតិសាសន៍ខ្មែរទាំងមូលនោះ ។
ប្រភពព័ត៌មានពីនគរបាលខណ្ឌដូនពេញបានឱ្យដឹងថា យុវជនដែលចូលខ្លួនមកធ្វើការបកស្រាយនេះឈ្មោះ ផាន់ សំរ៉ុង អាយុ២១ឆ្នាំ ជាបុគ្គលិកក្រុមហ៊ុនមួយ មានទីលំនៅក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។ ជននេះ បានចូលខ្លួនមកធ្វើការបកស្រាយនៅចំពោះមុខសមត្ថកិច្ចថា «ខ្ញុំពិតជាបានវាយ និងខោកក្បាលខ្ទើយម្នាក់ឈ្មោះចំប៉ីខ្មៅ ។ ការវាយនិងខោកក្បាលខ្ទើយម្នាក់នោះ គឺរូបគេធ្វើឡើងកាលពីម៉ោងប្រមាណ១០យប់ថ្ងៃទី៤ ខែកុម្ភៈកន្លងមក នៅចំណុចភ្លើងស្តុបផ្លូវលេខ២៤០ កែងនិងផ្លូវលេខ១៩ ខាងក្រោយព្រះបរមរាជវាំង ក្រោយពីមានករណីគ្រោះថ្នាក់ចរាចរណ៍រវាងម៉ូតូនិងម៉ូតូបន្តិចបន្តួច ។
ប្រភពដដែលបន្តទៀតថា ក្រោយពីទទួលបានការបកស្រាយរបស់យុវជនម្នាក់ខាងលើរួចហើយ សមត្ថកិច្ចក៏បានថតរូបគេយកទៅបង្ហាញឱ្យចំប៉ីខ្មៅមើលពីភិនភាគ តែត្រូវ«ចំប៉ីខ្មៅ» ប្រាប់ថា មិនបានស្គាល់បុរសម្នាក់នេះទេ ហើយរូបគេ ក៏មិនមែនជាក្រុមអ្នកដែលខោកខ្លួនដែរ ។ ដោយមិនអស់ចិត្ត សមត្ថកិច្ចក៏បានបង្ហាញមុខខ្ទើយ«ចំប៉ីខ្មៅ» ឱ្យយុវជនម្នាក់ខាងលើមើលវិញដែរ និងត្រូវបានឆ្លើយថា រូបគេមិនបានវាយខ្ទើយម្នាក់នេះឡើយ ហើយក៏មិនដែលបានស្គាល់ដែរ ។
ប៉ុន្តែរូបគេបានវាយនិងខោកខ្ទើយម្នាក់ ដែលមានភិនភាគសក់ពណ៌ក្រហម មិនមែនម្នាក់នេះទេ ដោយពេលនោះគេជិះម៉ូតូម៉ាកធូដេ (ម៉ូតូកូនទា) ស្រដៀងគ្នាទើបធ្វើឱ្យយល់ច្រឡំយ៉ាងដូច្នេះ ដោយស្មានតែកាលពីយប់នោះ រូបគេបានវាយនិងខោកខ្ទើយឈ្មោះ«ចំប៉ីខ្មៅ» ម្នាក់នេះ ។ បើយោងតាមការផ្សាយរបស់TVFB មុននគរបាលហៅទៅសាកសួរ យុវជនរូបនេះនិយាយថា គេស្អប់ខ្ទើយម្នាក់នេះ ហើយនរណា
ក៏ស្អប់ដែរ ។ ការខោកក្បាលខ្ទើយនេះ ដោយសារតែស្អប់តាំងពីរឿងល្ខោនខោលដូច្នេះដែរ ។ លុះពេលនេះបែរថា ជាខោកខ្ទើយសក់ក្រហមទៅវិញ ។
ចែករំលែកព័តមាននេះ