ខេត្តបាត់ដំបង៖ អ្នកដើរឃ្វាលគោបានប្រទះឃើញសាកសពបុរសម្នាក់ ដែលជាមនុស្សគរថ្លង់នៅកណ្ដាលវាលស្រែមួយកន្លែង កាលពីវេលាម៉ោង១០ និង៣០នាទីព្រឹកថ្ងៃទី០៧ កុម្ភៈ ស្ថិតក្នុងភូមិអូរ
ប្ញស្សី ឃុំបឹងប្រាំ ស្រុកបវេល ដែលមានសភាពហើមរលួយស្អុយអសោច៍ទៅហើយ។
សាកសពនោះត្រូវបានគេស្គាល់ថា ឈ្មោះកៅ រៀម អាយុ៣៩ឆ្នាំ ជាមនុស្សគរនិងថ្លង់ រស់នៅក្នុងភូមិបឹងក្រឡ ឃុំបឹងប្រាំ ស្រុកបវេល ។ សាកសពនេះមានសភាពហើមស្អុយ ហើយត្រូវអ្នកដើរឃ្វាលគោម្នាក់ជាអ្នកប្រទះឃើញ ទើបរាយការណ៍ប្រាប់សមត្ថកិច្ចមូលដ្ឋាន ។
បើតាមក្រុមគ្រួសារបាននិយាយថា ជនរងគ្រោះបានដើរបាត់ពីផ្ទះពី២ ទៅ៣ថ្ងៃហើយ ដោយគ្មានដំណឹងទេ ហើយការបាត់ដំណឹងនេះ ក៏មិនមានបងប្អូនតាមសួររកដែរ ។ ព្រោះការដើរដាច់យប់ ឬបាត់ដំណឹងនេះ គឺជាទម្លាប់របស់ជនរងគ្រោះទៅហើយ ។ ដូច្នេះ ទើបក្រុមគ្រួសារមិនសូវមានការចាប់អារម្មណ៍ពេលបាត់ នោះ ។ ប៉ុន្តែការបាត់ដំណឹងលើកនេះ ស្រាប់តែត្រូវគេប្រទះឃើញជនរងគ្រោះ ក្លាយជាសាកសពហើយស្អុយនៅក្បែរដំបូកកណ្ដាលវាលស្រែ ។
ទន្ទឹមនឹងការបាត់ដំណឹងនេះ អ្នកភូមិម្នាក់បាននិយាយប្រាប់សមត្ថកិច្ចថា កាលពី៣ថ្ងៃមុន គេបានឃើញជនរងគ្រោះដើរចេញពីផ្ទះ ក្នុងសម្លៀកបំពាក់ដូចជាប់នឹងខ្លួន តែគេមិនដឹងថា ជនរងគ្រោះគរថ្លង់នេះដើរទៅណាទេ ។ លុះនៅព្រឹកថ្ងៃទី០៧ កុម្ភៈ ស្រាប់តែគេប្រទះឃើញស្លាប់នៅក្បែរដំបូក ។ដែលទំនងស្លាប់តាំងពីថ្ងៃដែលគេប្រទះឃើញម្លេះ ព្រោះសាកសពហើយស្អុយទៅហើយ។
បើតាមការពីនិត្យនៅលើខ្លួនជនរងគ្រោះ គេមិនឃើញមានស្លាកស្នាមគួរឱ្យសង្ស័យជាអំពើរឃាតកម្មឬពាក់ព័ន្ធនឹងបទល្មើសអ្វីផ្សេងឡើយ ។
ចែករំលែកព័តមាននេះ