*កាត់បន្ថយហានិភ័យជំងឺហើមសន្លាក់៖
យោងតាមរបាយការណ៍នៃការសិក្សាថ្មីចុងក្រោយបំផុតដែលធ្វើឡើងដោយក្រុមអ្នកវិទ្យាសាស្ត្រមកពីវិទ្យាស្ថានឱសថសាស្ត្របរិស្ថាននៃសាកលវិទ្យាល័យ Karolinska Institue ទីក្រុងស្តុកខុល ប្រទេសស៊ុយអែតបានបង្ហាញថា ទទួលទានបណ្តាត្រីសម្បូរខ្លាញ់មានដូចជា ត្រីសូម៉ុង ត្រីព្រួល ត្រីស្បៃកា …យ៉ាងហោចណាស់ម្តងក្នុងមួយសប្តាហ៍អាចកាត់បន្ថយហានិភ័យជំងឺហើមតាម
*កាត់បន្ថយហានិភ័យជំងឺហើមសន្លាក់៖
យោងតាមរបាយការណ៍នៃការសិក្សាថ្មីចុងក្រោយបំផុតដែលធ្វើឡើងដោយក្រុមអ្នកវិទ្យាសាស្ត្រមកពីវិទ្យាស្ថានឱសថសាស្ត្របរិស្ថាននៃសាកលវិទ្យាល័យ Karolinska Institue ទីក្រុងស្តុកខុល ប្រទេសស៊ុយអែតបានបង្ហាញថា ទទួលទានបណ្តាត្រីសម្បូរខ្លាញ់មានដូចជា ត្រីសូម៉ុង ត្រីព្រួល ត្រីស្បៃកា …យ៉ាងហោចណាស់ម្តងក្នុងមួយសប្តាហ៍អាចកាត់បន្ថយហានិភ័យជំងឺហើមតាមសន្លាក់បានពាក់កណ្តាល ។
ការពិសោធលើស្ត្រីពាក់កណ្តាលអាយុចំនួន៣ម៉ឺន២ពាន់នាក់នៅប្រទេសស៊ុយអែតក្នុងឆ្នាំ១៩៨៧និងឆ្នាំ១៩៩៧បានរកឃើញថា អ្នកដែលទទួលទានខ្លាញ់ត្រីអូមេហ្គា-៣ជាប្រចាំកម្រិតខ្ពស់ អត្រាប្រឈមនឹងការកើតជំងឺហើមសន្លាក់ធ្លាក់ចុះ៥២ភាគរយធៀបទៅនឹងក្រុមដែលទទួលទានបន្តិចបន្តួចឬមិនទទួលទានសោះ ។ ប្រសិទ្ធភាពបែបនេះ ក៏ព្រោះអាស៊ីដខ្លាញ់អូមេហ្គា-៣បានរាំងខ្ទប់ការឆ្លើយតបរបស់រាងកាយទៅនឹងការរលាក ។
ត្រីសម្បូរខ្លាញ់ត្រូវគេរកឃើញថា ផ្ទុកទៅដោយអាស៊ីដខ្លាញ់អូមេហ្គា-៣ក្នុងកម្រិតមួយយ៉ាងខ្ពស់បំផុត ។ វាត្រូវគេចាត់ទុកថា មានសារសំខាន់ ពីព្រោះ រាងកាយរបស់មនុស្សមិនអាចស្រូបយកសារធាតុនេះពីប្រភពដទៃក្រៅពីការទទួលទានតាមរយៈរបបអាហារនោះទេ ។
*ជួយឱ្យខួរក្បាលកាន់តែមានភាពល្អប្រសើរ ៖
អ្នកវិទ្យាសាស្ត្របាននិយាយថា ការទទួលទានត្រីដែលមានខ្លាញ់ច្រើនដូចជា ត្រីសូម៉ុង(Salmon)និងត្រីព្រួល(Trout)អាចធ្វើឱ្យល្អប្រសើរដល់ការចង់ចាំ ។ការសិក្សាថ្មីមួយបានរកឃើញថា អាស៊ីដខ្លាញ់មួយប្រភេទដែលគេរកឃើញក្នុងសាច់ត្រីខាងលើនិងក្នុងអាហារសមុទ្រផ្សេងទៀតអាចជួយជំរុញមុខងារអង្គចងចាំបានដល់១៥ភាគរយ ។ នៅក្នុងការពិសោធដែលមានរយៈពេល៦ខែ មនុស្សពេញវ័យមានសុខភាពល្អ១៧៦នាក់ត្រូវបានគេផ្តល់ឱសថផ្ទុក DHA-អាស៊ីដខ្លាញ់អូមេហ្គា-៣ដែលមាននៅក្នុងត្រីសូម៉ុង ត្រីស្បៃកា ត្រីសាឌីន ត្រីព្រួល បង្គានិងគ្រំ ។ ជាលទ្ធផលក្រោយការពិសោធ គេពិនិត្យឃើញថា ការចងចាំនិងល្បឿនធ្វើការនៃអង្គចងចាំរបស់អ្នកដែលប្រើប្រាស់ឱសថផ្ទុក DHAមានការវិវឌ្ឍល្អប្រសើរជាងមុនគួរឱ្យកត់សម្គាល់។ ដូច្នេះវាត្រូវបានគេជឿថា DHAអាចជាគន្លឹះយ៉ាងសំខាន់ក្នុងការជួយទប់ស្កាត់ជំងឺបាត់ការចងចាំ ។
សាស្ត្រាចារ្យដឹកនាំការស្រាវជ្រាវ Welma Stonehouseរបស់សាកលវិទ្យាល័យ Massey Universityរបស់ប្រទេសនូវែលសេឡង់បាននិយាយថា៖«នេះជាលទ្ធផលនៃការសិក្សាដ៏មាំមួនបង្ហាញថា ឱសថដែលសម្បូរដោយ DHAអាចធ្វើឱ្យល្អប្រសើរដល់មុខងារចងចាំរបស់មនុស្សពេញវ័យ ។ មុខងារទទួលដឹងត្រូវបានបង្ហាញថារងឥទ្ធិពលពីខ្លាញ់ត្រីដែលសម្បូរដោយ DHA ដោយក្នុងនោះអង្គចងចាំគឺជាមុខងារដ៏សំខាន់បំផុតរបស់ខួរក្បាលដែលបញ្ជាលើសកម្មភាពនានាមានដូចជាដើរ បើកបរ ឡើងផ្សារ សិក្សា លេងកីឡា។ល។DHAគឺជាអាស៊ីដខ្លាញ់អូមេហ្គា-៣ដែលដើរតួនាទីយ៉ាងសំខាន់នៅក្នុងរចនាសម្ព័ន្ធនិងមុខងាររបស់ខួរក្បាល ។
*ជួយបង្កើនអាយុរយៈពេល២ឆ្នាំ ៖
ការរកឃើញដោយក្រុមអ្នកវិទ្យាសាស្ត្រសហរដ្ឋអាមេរិកបានបង្ហាញថា ទទួលទានត្រីសម្បូរខ្លាញ់អាចជួយបង្កើនអាយុរបស់អ្នកយ៉ាងហោចណាស់បាន២ឆ្នាំ ។ បណ្តាជនវ័យចាស់ដែលមានអាស៊ីដខ្លាញ់អូមេហ្គា-៣ក្នុងឈាមកម្រិតខ្ពស់ត្រូវគេដឹងថាអាចកាត់បន្ថយអត្រាស្លាប់មុនអាយុបាន១/៤ ។ ចំពោះជំងឺបេះដូងវិញអាចកាត់បន្ថយបាន១-៣ធៀបទៅនឹងបណ្តាជនដែលមានអាស៊ីដខ្លាញ់អូមេហ្គា-៣ក្នុងឈាមកម្រិតទាប ។ វាជាការសិក្សាលើកទី១ហើយដែលអ្នកវិទ្យាសាស្ត្រសាកលវិទ្យាល័យ HSPHនិងសាកលវិទ្យាល័យវ៉ាស៊ីនតោនពិនិត្យមើលលើកម្រិតនៃការទទួលទានត្រី ហើយបានភ្ជាប់វាទៅនឹងអត្រាស្លាប់ ។
លោក Dariush Mozaffarian សាស្ត្រាចារ្យថ្នាក់បរិញ្ញាបត្ររងសាកលវិទ្យាល័យ HSPHបានថ្លែងថា ៖«បើទោះណាការទទួលទានត្រីត្រូវគេដឹងជាយូរមកហើយថា ផ្តល់អត្ថប្រយោជន៍ដល់សុខភាពក្តី ប៉ុន្តែមានការសិក្សាស្រាវជ្រាវ២-៣ប៉ុណ្ណោះ ដែលពិនិត្យមើលលើទំនាក់ទំនងរវាងអាស៊ីដខ្លាញ់អូមេហ្គា-៣ក្នុងឈាមនិងអត្រាស្លាប់របស់មនុស្សវ័យចំណាស់ ។ ការរកឃើញរបស់យើងនេះគឺបានបង្ហាញពីការគាំទ្រនូវសារសំខាន់ដែលថា ឈាមដែលមានកម្រិតអូមេហ្គា-៣គ្រប់គ្រាន់គឺធ្វើឱ្យបេះដូងមានសុខភាពល្អ ហើយអត្ថប្រយោជន៍នេះនឹងស្តែងឱ្យឃើញពេលក្រោយក្នុងជីវិត »។
ត្រីគឺជាប្រភពតែមួយគត់ដែលផ្តល់នូវអាស៊ីដខ្លាញ់អូមេហ្គា-៣ ។ វាមិនត្រឹមតែមានសារសំខាន់ដល់សុខភាពបេះដូងប៉ុណ្ណោះទេ ប៉ុន្តែវាក៏ផ្តល់អត្ថប្រយោជន៍សម្រាប់ការអភិវឌ្ឍខួរក្បាល កាត់បន្ថយការរលាកខួរក្បាលនិងនិងការរលាកបណ្តាកោសិកាដទៃទៀតផងដែរ ៕
ចែករំលែកព័តមាននេះ