តើការទទួលទានចេកអាចជួយឱ្យអ្នកស្រកទម្ងន់ ? ចម្លើយនោះ គឺពិតណាស់ការទទួលទានចេកជួយឱ្យស្រកទម្ងន់បានឆាប់! ចេកទំហំមធ្យម១ផ្លែមានផ្ទុកជាតិសរសៃ៣ ក្រាម, ជាតិស្ករធម្មជាតិ១៤ក្រាម, ជាតិកាបូអ៊ីដ្រាត២៧ក្រាម, ជាតិកាឡូរី១០៥កាឡូរី រួមទាំងសារធាតុចិញ្ចឹម…
តើការទទួលទានចេកអាចជួយឱ្យអ្នកស្រកទម្ងន់ ? ចម្លើយនោះ គឺពិតណាស់ការទទួលទានចេកជួយឱ្យស្រកទម្ងន់បានឆាប់! ចេកទំហំមធ្យម១ផ្លែមានផ្ទុកជាតិសរសៃ៣ ក្រាម, ជាតិស្ករធម្មជាតិ១៤ក្រាម, ជាតិកាបូអ៊ីដ្រាត២៧ក្រាម, ជាតិកាឡូរី១០៥កាឡូរី រួមទាំងសារធាតុចិញ្ចឹម សំខាន់ៗសម្រាប់ក្បាលពោះរាបស្មើមានសុខភាពល្អ ។
ប៉ុន្តែគួរចាំថា បើប្រៀបធៀបទៅនឹងផ្លែឈើដទៃទៀត ចេក គឺមានផ្ទុកជាតិកាឡូរី និងជាតិកាបូអ៊ីដ្រាតខ្ពស់ជាងបន្តិច ។ ដូច្នេះបើចង់ស្រកទម្ងន់គួរទទួលទានត្រឹម១ ផ្លែទំហំ៥អ៊ីញ ឬពី ១២ទៅ ១៣ សង្ទីម៉ែត្រទើបប្រសើរ ។ ការទទួលទានបែបនេះនឹងធ្វើឱ្យអ្នកទទួលបាននូវសុខភាពល្អ រួមទាំងរូបរាងស្រស់ស្អាតផងដែរ ។ មូលហេតុដែលផ្លែចេកអាចជួយឱ្យអ្នកស្រកទម្ងន់បាន ៖
១. កាត់បន្ថយការឃ្លាន ៖ មួយក្នុងចំណោមផ្នែកដ៏ពិបាកបំផុតផ្សេងទៀតក្នុងការសម្រកទម្ងន់ គឺការគ្រប់គ្រងភាពឃ្លាន ។ នៅពេលអ្នកធ្លាប់ទទួលទានច្រើន អ្នកអាចនឹងប្រែជាឃ្លានខ្លាំងនៅពេលកាត់បន្ថយការទទួលទានអាហារដើម្បីស្រកទម្ងន់ ។ ហើយវិធីមួយដ៏ងាយស្រួល ប៉ុន្តែមានប្រសិទ្ធភាពខ្ពស់បំផុតទប់ទល់នឹងភាពឃ្លាន គឺការទទួលទានជាតិសសៃឱ្យបានច្រើន ។ ចេក ជាអាហារមានផ្ទុកសម្បូរទៅដោយជាតិសសៃ, ជាតិ pectin និងជាតិម្សៅដែលជួយកាត់បន្ថយការឃ្លាន និងធ្វើឱ្យឆាប់ឆ្អែត ។
២. ជាបង្អែមបែបធម្មជាតិ ៖ ចេកទុំភាគច្រើន គឺមានរសជាតិផ្អែម ហើយពេលខ្លះទោះបីជាកំឡុងពេលសម្រកទម្ងន់ក៏ដោយ ក៏យើងត្រូវការទទួលទានអាហារ ផ្អែមៗ។ ដូច្នេះផ្លែចេកអាចត្រូវបានទទួលទានជំនួសបង្អែម ផ្សេងៗដែលមានជាតិស្ករខ្ពស់បាន ។
៣. ប្រយុទ្ធប្រឆាំងទប់ស្កាត់ការហើម ៖ ចេក ជាប្រភពដ៏ប្រសើរនៃជាតិសសៃ prebiotic ដែលជួយចិញ្ចឹមបាក់តេរី ល្អៗក្នុងពោះវៀន និងបង្កើនការរំលាយអាហារ ។ វាក៏មានផ្ទុកសម្បូរទៅដោយជាតិប៉ូតាស្យូមដែលជួយកាត់បន្ថយការស្តុកទុកជាតិទឹកដែលលើសក្នុងរាងកាយផងដែរ ។ ការសិក្សាស្រាវជ្រាវបានរកឃើញថាស្ត្រីដែលទទួលទានចេក១ ផ្លែតូច ២ ដងក្នុងមួយថ្ងៃជាប្រចាំសម្រាប់រយៈពេលយ៉ាងហោចណាស់២ខែ ស្រកក្បាលពោះបានដល់ទៅ ៥០ភាគរយ ។ ទោះជាយ៉ាងណាត្រូវប្រាកដថា អ្នកក៏កាត់បន្ថយការទទួលទានជាតិស្ករ និងកាបូអ៊ីដ្រាតច្រើនផងដែរ។
៤. មានសន្ទស្សន៍ Glycemic ទាប ៖ អាហារមានសន្ទស្សន៍ Glycemic ខ្ពស់បង្កើនកម្រិតនៃជាតិស្ករក្នុងឈាមដែលមិនត្រឹមតែប៉ះពាល់ដល់ទម្ងន់ប៉ុណ្ណោះទេ ប៉ុន្តែក៏បង្កបញ្ហាសុខភាពផ្សេងទៀតគួរឱ្យព្រួយបារម្ភផងដែរ។ ក៏ព្រោះតែមានសន្ទស្សន៍ Glycemic ទាប ផ្លែចេកជាអាហារដ៏ល្អបំផុតសម្រាប់អ្នកសម្រកទម្ងន់ ។
៥.អាហារដ៏ប្រសើរក្រោយធ្វើលំហាត់ប្រាណសម្រកទម្ងន់ ៖ ចេកជាប្រភពដ៏ប្រសើរនៃជាតិគ្លុយកូសដែលផ្ដល់ថាមពលបានឆាប់ក្រោយពេលធ្វើលំហាត់ប្រាណ ។ លើសពីនេះទៅទៀតចេកក៏មានផ្ទុកសម្បូរទៅដោយជាតិប៉ូតាស្យូមដែលប្រយុទ្ធប្រឆាំងអាការវិលមុខ និងឈឺរមួលសាច់ដុំផងដែរ (ប្រភពពី៖ Health.com.kh) ៕
ចែករំលែកព័តមាននេះ