ប្រឈមមុខចាប់តាំងពី១៥ថ្ងៃមកហើយនឹងការតវ៉ានយោបាយមួយពុំធ្លាប់មានពីមុនមកប្រធានាធិបតីស៊ីរីលោកបាចារ អាល់អាសាដ បានបង្ហាញកាលពីថ្ងៃទី៣០ មីនា ពីការវាយលុកខ្លាំងមួយនៅមុខសភា។ ផ្ទុយទៅវិញប្រធានាធិបតីស៊ីរីពុំបានធ្វើការប្រកាសណាមួយដូចគេរំពឹងទុកពីការលុបចោលច្បាប់គ្រាអាសន្នដែលមានជាធរមានចាប់តាំងពីការកាន់អំណាចរបស់គណបក្សបាអាស់នៅក្រុងដាម៉ាស់ពីឆ្នាំ១៩៦៣មកឡើយ។ អាយុ៤៥ឆ្នាំកូនប្រុសរបស់លោកហាហ្វេស អាល់អាសាដ ឡើងកាន់អំណាចបន្តពីឪពុកដែលទទួលមរណភាពកាលពី១១ឆ្នាំមុន ពេលនេះក៏ពុំអាចគេចផុតពីខ្យល់បះបោរដែលកើតមាននៅពិភពអារ៉ាប់ចាប់តាំងពីខែធ្នូ ឆ្នាំ២០១០មកដែរ។
ក្នុងសុន្ទរកថាមួយប្រធានាធិបតីសីុរីបានចោទប្រកាន់ក្រុមជនមួយក្តាប់តូចថា ប៉ុនប៉ងសាបព្រោះភាពចលាចលនៅក្រុង DERAA ជាកន្លែងមានការតវ៉ានៅភាគខាងត្បូងប្រទេសដែលនៅទីនោះមានសេចក្តីរាយការណ៍ពីមនុស្សស្លាប់ជាច្រើនសិបនាក់ចាប់តាំងពីជិត២សប្តាហ៍កន្លងមកនេះ។
មុនពេលធ្វើសុន្ទរកថា នេះលោកអាល់អាសាដ បានប្រមូលផ្តុំអ្នកគាំទ្រលោកជាច្រើនសិបពាន់នាក់ក្នុងទីក្រុងធំៗរបស់ប្រទេសដូចជាទីក្រុងដាម៉ាស់ អាឡេប ហូម ហាម៉ា និងតារទូសជាដើម។
ប៉ុន្តែបន្ទាប់ពីសុន្ទរកថារបស់លោក បាតុករជាច្រើនរយនាក់បានលើកគ្នានៅតាមដងវិថីទាំងឡាយនៃក្រុងកំពង់ផែ LATTAQUIE ដើម្បីទាមទារសេរីភាព។ មានការប៉ះទង្គិចគ្នានានាជាមួយកងកម្លាំងសន្តិសុខ។
ថ្លែងទៅកាន់ប្រជាជាតិជាលើកដំបូងតាំងពីមានចលាចលនៅ ក្រុង DERRA បន្ទាប់មករាលដាលដល់ទីក្រុងជាច្រើនទៀត មានដូចជាទីក្រុងហាម៉ា និងក្រុងដាម៉ាស់ជាដើម លោកអាសាដសំដែងពីការគាំទ្រឱ្យមានការកែទម្រង់នយោបាយ ក៏ប៉ុន្តែលោកពុំបានសន្យាអំពីវិធានការជាក់ស្តែងទាំងឡាយសំរាប់ការកែទម្រង់ប្រព័ន្ធគណបក្សតែមួយ គឺគណបក្សបាអាស់របស់លោកឡើយ។
លោកអាសាដបន្តថា ប្រទេសស៊ីរីនាពេលនេះជាគោលដៅនៃការរួមគំនិតយ៉ាងធំមួយដែលបំបែកខ្លួនដល់បណ្តាប្រទេសនៅក្បែរ និងនៅឆ្ងាយពីទុយនីស៊ី អេហ្ស៊ីប ឬយេម៉ែន ៕
ចែករំលែកព័តមាននេះ