ខេត្តឧត្តរមានជ័យ ៖ បុរសម្នាក់បានដាច់ចិត្តធ្វើអត្តឃាតខ្លួនឯងចោលប្រពន្ធ និងកូនដោយយកក្រណាត់អង្រឹងចង.ក បង្កឱ្យមានការភ្ញាក់ផ្អើលកាលពីប្រមាណ៦និង៣០នាទីល្ងាច ថ្ងៃទី៦ ខែកុម្ភៈ ឆ្នាំ២០១៩ នៅចំណុចរហាលប្រីយ៍ចំការដំឡូងមី ស្ថិតនៅខាងក្រោយភូមិចម្ងាយ១គីឡូម៉ែត្រ ក្នុងភូមិយ៉ក ឃុំអម្ពឹល ស្រុកបន្ទាយអម្ពឹល ។
ជនរងគ្រោះខាងលើឈ្មោះ វួន ដាង ភេទប្រុស អាយុ៣៧ឆ្នាំ រស់នៅក្នុងភូមិ-ឃុំកើតហេតុខាងលើចំណែកប្រពន្ធឈ្មោះ សេង ច្រឹប អាយុ៣៣ឆ្នាំ មុខរបរជាកសិករ មានកូន៣នាក់ ក្នុងនោះស្រីម្នាក់។
បើតាមស្ត្រីជាប្រពន្ធបានរៀបរាប់ថា មុនពេលកើតហេតុ រូបខ្លួន និងកូនៗនាក់បានចេញពីផ្ទះទៅដេកដកដំឡូងមីជាមួយបងប្អូនចម្ងាយពីផ្ទះប្រមាណ១គីឡូម៉ែត្រ ក្រោយមកស្រាប់តែឃើញប្តីរបស់ខ្លួនដើរទៅចំការដែរ លុះនៅម៉ោង៦ល្ងាចថ្ងៃទី៦ ប្តីរបស់ខ្លួនបានយកអង្រឹងមកចងដេកនៅក្រោមដើមឈើ ហើយគាត់ក៏មិនបានចាប់អារម្មណ៍ដែរ ស្រាប់តែប្តីរបស់ខ្លួនយកក្រណាត់អង្រឹងចង.កសម្លាប់ខ្លួនស្លាប់បាត់បង់ជីវិតតែម្តង។
បើប៉ូលិសអធិការស្រុកបន្ទាយអម្ពឹលបានឱ្យដឹងថា បន្ទាប់ពីទទួលនូវព័ត៌មានភ្លាម សមត្ថកិច្ចជំនាញបានចុះទៅដល់កន្លែងកើតហេតុធ្វើការពិនិត្យនៅជុំវិញសព នោងធ្វើកោសល្យវិច័យឃើញថា ជនរងគ្រោះពិតជាបានធ្វើអត្តឃាតខ្លួនឯងដោយចង.កពិតប្រាកដមែន ក្រោយមកសមត្ថកិច្ចបានដាក់ការសង្ស័យថា អាចជារឿងប្រច័ណ្ឌជាមួយនឹងបងប្អូនក៏អាចថាបានដែរ ។ ចំណែកសពជនរងគ្រោះត្រូវបានសមត្ថកិច្ចប្រគល់ទៅឱ្យក្រុមគ្រួសារ និងសាច់ញាតិយកទៅធ្វើបុណ្យទៅតាមប្រពៃណី៕
ចែករំលែកព័តមាននេះ