សហរដ្ឋអាមេរិក-ចិន ៖ កាលពីថ្ងៃទី៥កុម្ភៈ ក្នុងសុន្ទរកថាស្ដីពីសភាពសហព័ន្ធនៅមុខសភាអាមេរិក លោកដូណាល់ត្រាំទាមទារឲ្យមានការផ្លាស់ប្ដូររបស់ក្រុងប៉េកាំង ដើម្បីបញ្ចប់ការអនុវត្ត នយោបាយពាណិជ្ចកម្មអយុត្តិធម៌របស់ខ្លួន។
ប្រធានាធិបតីអាមេរិកបានព្រមានចិនថា ការលួចការងារនិងធនធានអាមេរិកត្រូវបញ្ចប់។ លោកមានការគោរពច្រើនចំពោះប្រធានាធិបតីចិនលោកស៊ីជីនពីង ហើយយើងធ្វើការសម្រាប់កិច្ចព្រមព្រៀងពាណិជ្ជកម្មថ្មីមួយជាមួយចិន ប៉ុន្តែត្រូវបញ្ចូលការផ្លាស់ប្ដូរពិតប្រាកដ ដើម្បីបញ្ចប់ការអនុវត្តពាណិជ្ជ្កម្មដែលអយុត្តិធម៌ កាត់បន្ថយឱនភាពរាំុរ៉ៃរបស់យើងហើយការពារការងាររបស់អាមេរិក។
លោកត្រាំនិងសមភាគីចិនលោកសីុជីនពីង បានចុះហត្ថលេខាលើការផ្អាកសង្គ្រាមពាណិជ្ជកម្មរយៈពេល៩០ថ្ងៃ ពេលជួបគ្នានៅរដ្ឋធានីអាហ្សង់ទីនកាលពីថ្ងៃទី១ធ្នូ។ ការចរចាត្រូវបានធ្វើលើការកែឡើងវិញ លំនឹងនៃជញ្ជីងពាណិជ្ចកម្មជាគុណប្រយោជន៍របស់អាមេរិក។
ភាគីទាំង២ដែលជួបគ្នារួចហើយនៅក្រុងប៉េកាំងនិងក្រុងវ៉ាស៊ិនតោន ត្រូវជួបគ្នាក្នុងពេលបន្តិចទៀតក្នុងរដ្ឋធានីចិន ក្នុងគោលបំណងជម្រុញឲ្យមានការព្រមព្រៀងគ្នាមួយ មុនថ្ងៃកំណត់ត្រឹមថ្ងៃទី១មីនា។ លោកត្រាំនិងលោកស៊ីក៏ត្រូវជួបគ្នានាពេលខាងមុខនៅអាមេរិកដែរ៕
ចែករំលែកព័តមាននេះ