កំពុងព្រួយបារម្ភបាត់មុខ Messi ខណៈជំនួបស៊ីសាច់ហុតឈាម El Clasico មកដល់
5 ឆ្នាំ មុន
តាមប្រភពព័ត៌មាន Khaleej Times បានឱ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi មិនបានឡើងហ្វឹកហាត់ជាមួយនឹងមិត្តរួមក្រុមនៅថ្ងៃចន្ទទេ ដោយសារតែរងរបួសត្រូវសម្រាកព្យាបាល ។…
តាមប្រភពព័ត៌មាន Khaleej Times បានឱ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi មិនបានឡើងហ្វឹកហាត់ជាមួយនឹងមិត្តរួមក្រុមនៅថ្ងៃចន្ទទេ ដោយសារតែរងរបួសត្រូវសម្រាកព្យាបាល ។
ដោយសារតែហេតុនេះ ទើបមានការសង្ស័យខ្ពស់ពីសំណាក់មហាជនថា គេអាចនឹងអវត្តមាននៅក្នុងការប្រកួតជាមួយនឹង Real Madrid នៅយប់រំលងអធ្រាត្រថ្ងៃពុធ នេះ ។
Messi បានរងរបួសជើងខាងស្តាំ ក្នុងការប្រកួតលទ្ធផលស្មើ 2-2 ជាមួយនឹងក្លិប Valencia ក្នុងលីគអេស្ប៉ាញ កាលពីថ្ងៃសៅរ៍ ដែលធ្វើឱ្យគេគិតថា Messi អាចនឹងបាត់មុខពីការប្រកួតជាមួយនឹង Madrid ក្នុងជើងទីមួយ សម្រាប់ការប្រកួតពាក់កណ្តាលផ្តាច់ព្រ័ត្រ Copa ។
Barcelona នៅមិនទាន់ប្រាប់ពីស្ថានភាពពេញលេញរបស់ Messi នៅឡើយទេ បើទោះបីជាមានការរាយការណ៍មកថា របួសនោះគឺគ្រប់គ្រាន់នឹងឱ្យ Messi មិនអាចទៅប្រកួតជាមួយនឹង Real Madrid បាន ។
ចែករំលែកព័តមាននេះ