បើក្នុងចិត្តយើងមិនមានមេត្តាធម៌ដល់មនុស្សទាំងឡាយទេ អ្នកទាំងឡាយនោះក៏មិនអាចនៅជិតខ្លួនយើង ឬនៅជាមួយបានដែរ ពួកគេទាំងអស់នឹងទៅឆ្ងាយពីខ្លួន ព្រោះយើងជាមនុស្សក្ដៅហួតហែងគ្មានមេត្តាក្នុងសន្តាន ។ ទាំងនេះជាផលនៃបុគ្គលអ្នកមានមេត្តា អ្នកមានមេត្តាចិត្ត គឺជាអ្នកមានសេចក្ដីសុខគ្រប់យ៉ាង, អ្នកមានមេត្តាដូចស្រុកដែលមិនខ្វះទឹកប្រើ,…
បើក្នុងចិត្តយើងមិនមានមេត្តាធម៌ដល់មនុស្សទាំងឡាយទេ អ្នកទាំងឡាយនោះក៏មិនអាចនៅជិតខ្លួនយើង ឬនៅជាមួយបានដែរ ពួកគេទាំងអស់នឹងទៅឆ្ងាយពីខ្លួន ព្រោះយើងជាមនុស្សក្ដៅហួតហែងគ្មានមេត្តាក្នុងសន្តាន ។
ទាំងនេះជាផលនៃបុគ្គលអ្នកមានមេត្តា អ្នកមានមេត្តាចិត្ត គឺជាអ្នកមានសេចក្ដីសុខគ្រប់យ៉ាង, អ្នកមានមេត្តាដូចស្រុកដែលមិនខ្វះទឹកប្រើ, អ្នកមានមេត្តា រមែងត្រជាក់ដូចកូននៅជិតម្ដាយ, អ្នកមានមេត្តា រមែងដូចត្រីដែលនៅក្នុងទឹកត្រជាក់, អ្នកមានមេត្តា រមែងក្រអូបដូចក្លិនផ្កាឈូក, អ្នកមានមេត្តា រមែងប្រសើរជាងមាសប្រាក់ទ្រព្យសម្បត្តិ ។
អ្នកមានមេត្តា ដូចព្រះរាជាទ្រង់គ្រឿងដ៏អស្ចារ្យ, អ្នកមានមេត្តា ដូចនាវាដ៏ធំសម្រាប់ចម្លងសត្វ, អ្នកមានមេត្តា ដូចស្រុកគ្មានចោរ ឬសត្រូវបៀតបៀន, អ្នកមានមេត្តា អាចគេចរួចពីគ្រោះថ្នាក់ផ្សេងៗ, អ្នកមានមេត្តា ជាអ្នកមានសីលមានបញ្ញា, អ្នកមានមេត្តា រមែងជាអ្នកនៅជិតឋានសួគ៌ ។
មេត្តាតាមផ្លូវចិត្តរបស់យើង ប្រៀបបាននឹងទឹកដ៏ត្រជាក់សម្រាប់ស្រោចស្រពលើខ្លួនឯង និងអ្នកដទៃឲ្យបានសេចក្ដីសុខ ឲ្យបាននូវប្រយោជន៍គ្រប់យ៉ាង ។
ចែករំលែកព័តមាននេះ