រាជធានីភ្នំពេញ ៖ នៅវេលាម៉ោង៨ និង១៥នាទីយប់ ថ្ងៃទី០៥ ខែកុម្ភៈ ឆ្នាំ២០១៩នេះ កម្លាំងមានសម្ថកិច្ចខណ្ឌដូនពេញ បានចាប់ឃាត់ខ្លួនបុរសភេទី៣ម្នាក់ ជាម្ចាស់គណនីហ្វេសប៊ុកឈ្មោះ ចំប៉ីខ្មៅ បានហើយ។ លោក ទៀង ច័ន្ទសារ អធិការនគរបាលខណ្ឌដូនពេញ បានបញ្ជាក់ប្រាប់ថា ក្រោយពីមានការចង្អុល បង្ហាញអំពីសំណាក់លោកនាយឧត្តមសេនីយ៍ នេត សាវឿន អគ្គនគរបាកជាតិ និងលោកឧត្តមសេនីយ៍ឯក ស ថេត ស្នងការនគរបាករាជធានីភ្នំពេញនោះ។
កម្លាំងរបស់លោកបានធ្វើការស្រាវជ្រាវយាមកាមតាមរកចាប់ឃាត់ខ្លួន បុរសម្នាក់ដែលមានឈ្មោះ យិន ហេង អាយុ២៣ឆ្នាំបានហើយ។ ការចាប់ឃាត់បុរសភេទទី៣នេះដែរ បានធ្វើឡើងនៅក្នុងហាងកាហ្វេ អាម៉ាហ្សូន ដែលមានទីតាំងនៅផ្លូវព្រះស៊ីសុវត្ថិ កែងផ្លូវលេខ១៨៤ ក្នុងសង្កាត់ជ័យជម្នះ ខណ្ឌដូនពេញ ហើយកំពុងតែធ្វើការសាកសួរផងដែរ។
ពាក់ព័ន្ធទៅនឹងបុរសភេទទី៣ ខាងលើនេះដែរលោកមិនទាន់បានបញ្ជាក់អំពីមូលហេតុច្បាស់លាស់នៅឡើយទេ។ គួរបញ្ជាក់ដែរថា បុរសជាភេទទី ៣ ជាម្ចាស់គណនីហ្វេសប៊ុក ចំប៉ីខ្មៅ ខាងលើនេះដែរ គេបានឃើញរូបគេបង្ហោះខ្សែរវីដេអូក្នុង ផេកហ្វេប៊ុក របស់គេ ខឹងយ៉ាងខ្លាំងទៅដល់ជនមិនស្គាល់មុខចំនួន៣នាក់បានជិះមកខោកក្បាលគេបណ្តាលឲ្យពកថ្ងាស។
ក្នុងពេលនោះ រូបគេមិនត្រឹមតែបានជេរប្រមាថយ៉ាងខ្លាំងទៅលើជនទាំង៣នាក់នោះតែប៉ុណ្ណោះទេ រូបគេក៏បានជេរប្រមាថយ៉ាងខ្លាំងធ្វើឲ្យប៉ះពាល់ដល់ជាតិសាសន៍ខ្មែរយ៉ាងខ្លាំង ហើយក៏ធ្វើឲ្យមនុស្សជាច្រើន ខឹងសម្បាទៅដល់រូបគេក្នុងការជេរប្រមាថនេះផងដែរ ហើយដល់ពេលនេះក៏ត្រូវបា កម្លាំងមានសម្ថកិច្ចចាប់ឃាត់ខ្លួនតែម្តង៕ ដោយ ៖ ភី ផល
ចែករំលែកព័តមាននេះ