ទ្រឹស្តីព្រះពុទ្ធសាសនាឱ្យពិចារណាថា អត្តភាពយើងនេះជាទីប្រជុំនៃដម្បៅ និងគ្រឿងបដិកូលគួរខ្ពើមរអើមដទៃទៀត ទ្រទ្រង់ដោយឆ្អឹង៣០០កំណាត់ ជាអត្តភាពក្តៅក្រហាយ ។
ឯកាយសម្អុយវិញវិចិត្រដោយគ្រឿងអលង្ការដ៏ប្រណីត មុខលាបដោយគ្រឿងលម្អដ៏ផូរផង់អាចញុំាងជនអាប់ឥតប្រាជ្ញាឲ្យវង្វេងក្នុងរូបនោះ តែមិនអាចញុំាងអ្នកមានបញ្ញាឲ្យវប្រាថ្នាបានឡើយ ។
សក់ទាំងឡាយដែលគេរចនាដ៏ស្អាត និងភ្នែកទាំងគូលាបដោយថ្នាំសម្រាប់បន្តក់ភ្នែក ឱ្យខ្មៅស្រស់ថ្លាដូចភ្នែកកូនគោដែលទើបនឹងកើតអាចញុំាងជនអាប់ឥតប្រាជ្ញាឲ្យវង្វេងអារម្មណ៍ តែមិនអាចញុំាងបណ្ឌិតឲ្យវង្វេងបានឡើយ ។
កុលបុត្រទាំងឡាយព្រោះតែពិចារណាឃើញរូបកាយនេះជារបស់បដិកូលយ៉ាងនេះហើយ ក៏នឿយណាយ ចេញចាកកាមទៅបួសប្រតិបត្តិធម៌ដ៏តឹងរ៉ឹងដើម្បីជាប្រយោជន៍ដល់សព្វសត្វផង និងបានជាប្រយោជន៍ដល់ខ្លួនផង មានដំណើរឆ្ពោះទៅបរមសុខ ស្ងប់អារម្មណ៍លែងវិលវិញ ។
ចែករំលែកព័តមាននេះ