រាជធានីភ្នំពេញ ៖ គ្រោះថ្នាក់ចរាចរណ៍រវាងម៉ូតូមួយគ្រឿងបុកជាមួយម៉ូតូមួយគ្រឿងទៀត ក្នុងទិសដៅបញ្ច្រាសគ្នា បណ្តាលឲ្យរងរបួសធ្ងន់ទាំងសងខាង ដែលហេតុការណ៍នេះបានកើតឡើងកាលពីវេលាម៉ោង១០នាទីព្រឹកថ្ងៃទី៥ ខែកុម្ភៈ ឆ្នាំ២០៩ នៅលើកំណាត់ផ្លូវជាតិលេខ៤ ស្ថិតនៅក្នុងភូមិអូរដឹម សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា ជនរងគ្រោះទាំ២នាក់ខាងលើនោះមិនត្រូវបានស្គាល់អត្តសញ្ញាណនោះឡើយ ដោយភាគីបុរសម្នាក់ជិះម៉ូតូមួយគ្រឿងម៉ាក ADDRESS ពណ៌ក្រហមលាយខ្មៅ ពាក់ស្លាកលេខ ភ្នំពេញ ១DG-៣១៦៥ ។ ដោយឡែកបុរសម្នាក់ទៀតជិះម៉ូតូមួយគ្រឿងម៉ាកហុងដាឌ្រីម ធុនសេ១២៥ ស៊េរីឆ្នាំ២០១៤ ពណ៌ខ្មៅ ពាក់ស្លាកលេខ ភ្នំពេញ ១AV-៤៩០៥។
ប្រភពដដែលបានបន្តទៀតថា នៅមុនពេលកើតហេតុ គេឃើញបុរសម្នាក់បើកបរម៉ូតូមួយគ្រឿងម៉ាក ADDRESSបានបើកបរក្នុងល្បឿនលឿនក្នុងទិសដៅពីកើតទៅលិច គោលបំណងប្រញាប់ទៅចូលរួមកម្មវិធីផឹកស៊ីជាមួយមិត្តភក្ដិក្នុងឱកាសចូលឆ្នាំចិន។ ចំណែកបុរសម្នាក់ទៀតបើកបរម៉ូតូមួយគ្រឿងម៉ាកហុងដាឌ្រីម ធុនសេ១២៥ បានបើកបរក្នុងល្បឿនលឿនដូចគ្នានិងក្នុងទិសដៅពីលិចទៅកើត (បញ្ច្រាស
ទិសគ្នា) លុះពេលម៉ូតូទាំង២គ្រឿងមកដល់ត្រង់ចំណុចកើតហេតុ ក៏បានបុកគ្នាពេញទំហឹង បណ្ដាលឲ្យរងរបួសទាំងសងខាងតែម្ដង។
ក្រោយកើតហេតុ បុរសជាអ្នកបើកបរម៉ូតូម៉ាកហុងដាឌ្រីមសេ១២៥ ត្រូវបានក្រុមគ្រួសារដឹកតាមម៉ូតូយកទៅសង្គ្រោះបន្ទាន់នៅមន្ទីរពេទ្យ ចំណែកបុរសជាអ្នកបើកបរម៉ូតូម៉ាកADDRESS មិនព្រមទៅកាន់មន្ទីរពេទ្យនោះឡើយ។
បន្ទាប់មកកម្លាំងនគរបាលចរាចរខណ្ឌពោធិ៍សែនជ័យបានចុះទៅធ្វើការវាស់វែង ប៉ុន្តែក្រោយមកភាគីទាំង២បានបញ្ចប់រឿងនៅកន្លែងកើតហេតុ ដោយសុំស្មើគ្នា គ្មានខាងណាសងខាងណាឡើយ៕
ចែករំលែកព័តមាននេះ