ប្រទេសប្រេស៊ីល ៖ អាជ្ញាធររាយការណ៍ថា តុល្យការថ្មីនៃការបាក់ទំនប់រ៉ែ់មួយនៅតំបន់ BRUMADINHO ភាគអាគ្នេយ៍ប្រេស៊ីលគិតមកដល់ថ្ងៃទី៤កុម្ភៈ ចំនួនអ្នកស្លាប់ឡើងពី១២១នាក់ដល់១៣៤នាក់។ មកដល់ថ្ងៃទី១១នៃការរុករក ពួកអ្នកជួយសង្គ្រោះនៃរដ្ឋ MINAS…
ប្រទេសប្រេស៊ីល ៖ អាជ្ញាធររាយការណ៍ថា តុល្យការថ្មីនៃការបាក់ទំនប់រ៉ែ់មួយនៅតំបន់ BRUMADINHO ភាគអាគ្នេយ៍ប្រេស៊ីលគិតមកដល់ថ្ងៃទី៤កុម្ភៈ ចំនួនអ្នកស្លាប់ឡើងពី១២១នាក់ដល់១៣៤នាក់។
មកដល់ថ្ងៃទី១១នៃការរុករក ពួកអ្នកជួយសង្គ្រោះនៃរដ្ឋ MINAS GERAIS បានបញ្ជាក់ថា មនុស្សដល់ទៅ១៩៩នាក់នៅបាត់ខ្លួននៅឡើយ ហើយក្នុងចំណោមសាកសពមនុស្ស១៣៤នាក់ សាកសពមនុស្ស១២០នាក់កំណត់ដឹងអត្តសញ្ញាណ។ ការរុករកត្រូវផ្អាកប៉ុន្មានម៉ោងកាលពីថ្ងៃទី៣មកទី៤កុម្ភៈ មកពីមានភ្លៀងធ្លាក់ ប៉ុន្តែបណ្ដាឧទ្ធម្ភាគចក្របានហោះហើរឡើងវិញកាត់តំបន់នោះ កាលពីវេលាថ្ងៃទី៤កុម្ភៈ។
អ្នកនាំពាក្យម្នាក់របស់ពួកអ្នកជួយសង្គ្រោះ ទទួលស្គាល់ក្នុងសន្និសីទសារព័ត៌មានមួយថា សាកសពមនុស្សមួយចំនួនពុំអាចរកឃើញ ក្នុងភក់ព្រមទាំងកាកសំណល់រ៉ែ ដែលហូរចាក់មកតាំងពីថ្ងៃទី២៥មករាមក។ អ្នកនាំពាក្យរូបនោះអះអាងថា សរុបមកដោយសារការហើមរលួយ សាកសពមនុស្សទាំងឡាយនឹងពុំអាចរកឃើញ។ តែទោះបីយ៉ាងណា ពួកអ្នកជួយសង្ក្រោះនឹងស្ថិតនៅទីនោះពី៤ទៅ៦ខែទៀត៕
ចែករំលែកព័តមាននេះ