លោក សម រង្ស៊ី ថានឹងធ្វើឲ្យភ្ញាក់ផ្អើលរឿងចូលមកស្រុកវិញ
- ភ្នំពេញ
រាជធានីភ្នំពេញ ៖ លោក សម រង្ស៊ី អតីតប្រធានគណបក្សសង្គ្រោះជាតិបានអះអាងថា ការវិលមកកម្ពុជាវិញមិនចាំបាច់កំណត់ពេលជាក់លាក់នោះទេ គឺធ្វើឲ្យភ្ញាក់ផ្អើល ។ លោក…
រាជធានីភ្នំពេញ ៖ លោក សម រង្ស៊ី អតីតប្រធានគណបក្សសង្គ្រោះជាតិបានអះអាងថា ការវិលមកកម្ពុជាវិញមិនចាំបាច់កំណត់ពេលជាក់លាក់នោះទេ គឺធ្វើឲ្យភ្ញាក់ផ្អើល ។
លោក សម រង្ស៊ី បានលើកឡើងតាមរយៈវីឌីអូឃ្លីបមួយចេញផ្សាយនៅថ្ងៃទី៤ កុម្ភៈយ៉ាងដូច្នេះថា«យើងមិនអាចប្រាប់ពេលវេលាជាក់លាក់ទៅកាន់ភាគីឲ្យដឹងមុននោះទេ ។ យើងមិនត្រូវធ្វើតាមគូបក្សដិបក្សយើងថា ទៅពេលណាម៉ោងណានោះទេ គឺយើងនឹងទៅហើយមានការភ្ញាក់ផ្អើលតែម្តង» ។ លោកបន្តថា យើងមិនអាចនិយាយថា យើងទៅម៉ោងនេះ ម៉ោងនោះ មុននោះទេ គឺយើងទៅៗទៅតែម្តង ។ យើងទៅពេលណាក៏បានបងប្អូនយើងគេរឹតតែភ័យទៀត បងប្អូន ។ ជាមួយគ្នានោះដែរ លោក សម រង្ស៊ី ក៏បានលើកឡើងថា ការវិលចូលស្រុកវិញ គឺយុទ្ធវិធីមួយមិនអាចទំលាយឲ្យដឹងមុនទេ គឺជាការសំងាត់ ។
ការវិលមកវិញនេះក៏មានកម្មជាង៨០ម៉ឺននាក់ រង់ចាំទទួល ដើម្បីទទួលបានការងារធ្វើបានលទ្ធិប្រជាធិបតេយ្យ ការងារទីផ្សារ និងបានឡើងប្រាក់ខែថែមទៀត ។ លោកបានលើកឡើងទៀតថា ក្រៅពីកម្មករក៏នឹងមានអ្នករត់ម៉ូឌុប និងអាជីវករផ្សាក៏នៅរង់ចាំទទួលលោកផងដែរ ។
សូមជម្រាបថា ការលើកឡើងរបស់អតីតមេបក្សប្រឆាំងដែរត់ចោលស្រុកដោយសារខ្លាចការចាប់ខ្លួននេះជាច្រើនលើកមកហើយ ។ ប៉ុន្តែអ្វីដែលសំខាន់ការលើកថ្ងៃនេះនៅក្នុងរដ្ឋកាលីហ្វ័ញ៉ា សហរដ្ឋអាមេរិក គេមានឃើញមានវត្តមាន លោក រ៉ុង ឈុន អតីតសមាជិកគណៈកម្មាធិការជាតិរៀបចំការបោះឆ្នោត លោក ទាវ វណ្ឌុល ប្រធានគណបក្សពន្លឺភ្លើងទៀន និងសមាជិកអតីតគណបក្សសង្គ្រោះជាតិមួយចំនួនដែលគាំទ្រនបាយលោក សម រង្ស៊ី ។
យ៉ាងណាក្តីការប្រកាសដោយគ្មានកំណត់វេលាជាក់លាក់នេះត្រូវបានលោក សុខ ឥសាន អ្នកនាំពាក្យគណបក្សប្រជាជនកម្ពុជាលើកឡើងថា ជាគម្រោងមួយបោកប្រាស់ តែប៉ុណ្ណោះ ហើយលោកប្រកាសស្វាគមន៍ជានិច្ចក្នុងការឲ្យទណ្ឌិតរូបនេះចូលស្រុកវិញ ។ ជាមួយគ្នានោះដែរអ្នកនាំពាក្យបក្សកាន់អំណាចនេះក៏បានឲ្យដឹងថា នៅពេលដែលទណ្ឌិតប្រកាសថា នឹងចូលស្រុកខ្មែរនាពេលខាងមុខ ទណ្ឌិតមានគម្រោងថា នឹងជួប កឹម សុខា ដើម្បីចាប់ដៃគ្នាលើកឡើងលើ ដើម្បីបញ្ជាក់ច្បាស់ថា សម រង្ស៊ី និងកឹម សុខា ពិតជាមនុស្សតែមួយ ។
លោកសួរថា ទណ្ឌិតរត់ចោលស្រុក និង កឹម សុខា ចាប់ដៃគ្នាលើកនៅទីកន្លែងណា នៅពេលទៅដល់ស្រុកខ្មែរ ? លោកបញ្ជាក់ថា«បើសិនជាទណ្ឌិតនេះហ៊ានចូលស្រុកដូចការអួតអាងមែននោះ ទណ្ឌិតច្បាស់ជានឹងបានជួបកឹម សុខា នៅសណ្ឋាគារសផ្កាយ៧នៅព្រៃស ជាមិនខាន » ។ លោកបន្ថែមថា បានជួបនេះដោយសារ- ទណ្ឌិតចាញ់ភ្នាល់ជាមួយសម្តេចតេជោហ៊ុន សែន ។ – តាមអំណាចសាលដីកាស្ថាពររបស់តុលាការ ជាធរមាន ។ – តាមដីកាចាប់ខ្លួនរបស់តុលាការជាធរមាន ។ ផ្អែកតាមចំណុចទាំងបីខាងលើនេះ ទណ្ឌិតពិតជាមានសង្ឃឹមបានជួប កឹម សុខាមែន ដើម្បីបានចាប់ដៃគ្នាលើកឡើងលើ បញ្ជាក់ថា ទណ្ឌិត និងកឹម សុខា គឺជាមនុស្សតែមួយ ដូចការប្រកាសរបស់ខ្លួន ៕
ចែករំលែកព័តមាននេះ