ប្រទេសថៃ ៖ ភ្នាក់ងារអភិវឌ្ឍន៍ការទិញលក់តាមប្រព័ន្ធអេឡិចត្រូណិច (ETDA) បានប្រាប់ដល់ភ្នាក់ងារសារព័ត៌មាន Bangkok Post ថា វិស័យពាណិជ្ជកម្មលើប្រព័ន្ធអេឡិចត្រូនិចក្នុងប្រទេសថៃបានកើនស្មើប្រមាណ១០០ប៊ីលានដុល្លារ ហើយការលូតលាស់អាចនឹងស្មើ…
ប្រទេសថៃ ៖ ភ្នាក់ងារអភិវឌ្ឍន៍ការទិញលក់តាមប្រព័ន្ធអេឡិចត្រូណិច (ETDA) បានប្រាប់ដល់ភ្នាក់ងារសារព័ត៌មាន Bangkok Post ថា វិស័យពាណិជ្ជកម្មលើប្រព័ន្ធអេឡិចត្រូនិចក្នុងប្រទេសថៃបានកើនស្មើប្រមាណ១០០ប៊ីលានដុល្លារ ហើយការលូតលាស់អាចនឹងស្មើ ២០%ក្នុងឆ្នាំនេះទៀតផង ។
វិស័យនេះបានលូតលាស់លឿនជាងគេក្នុងអាស៊ាន ព្រោះតែមានការផ្លាស់ប្តូរនៃអាកប្បកិរិយារបស់អតិថិជន ។ កាលពីឆ្នាំ ២០១៧ វិស័យនេះស្មើតែប្រមាណ៨៤លានដុល្លារប៉ុណ្ណោះ ។
យោងទៅតាមការសិក្សារបស់ ETDA បានឲ្យដឹងដែរថា ចំនួនអ្នកប្រើប្រាស់អ៊ីនធើណែតបានកើនឡើងច្រើនជាងមុនដល់ទៅ៣ដងក្នុងរយៈពេល១០ឆ្នាំមកនេះ ហើយជំនឿចិត្តលើការទិញលក់តាមប្រព័ន្ធអេឡិចត្រូនិចក៏បានកើនឡើងស្របគ្នាជាមួយនឹងសេវាកម្មដឹកជញ្ជូនលឿនជាងមុនដែរ ។
Surangkana Wayuparp ដែលជាប្រធានរបស់ ETDA បាននិយាយថា តម្លៃវិស័យការធ្វើពាណិជ្ជកម្មតាមប្រព័ន្ធអេឡិចត្រូនិចក្នុងប្រទេសថៃបានលូតលាស់រវាងពី៨ទៅ១០%ក្នុងមួយឆ្នាំ ។
ប្រទេសថៃមានអ្នកប្រើប្រាស់អ៊ីនធើណែតដល់ទៅ ៤៥.២លាននាក់កាលពីឆ្នាំ ២០១៧ ខុសគ្នាយ៉ាងខ្លាំងនឹងឆ្នាំ ២០០៨ ដែលមានតែ ១៦.១លាននាក់ប៉ុណ្ណោះ ។ វាបង្ហាញពីការផ្លាស់ប្តូរនៃអាកប្បកិរិយារបស់អតិថិជនដែលបង្កឡើងដោយការផ្លាស់ប្តូរផ្នែកបច្ចេកវិទ្យា និងឧបករណ៍ទំនាក់ទំនង រួមជាមួយនឹងការធ្លាក់ចុះនៃតម្លៃឧបករណ៍និងសេវាកម្មទាំងនេះផងដែរដែលធ្វើឲ្យមនុស្សកាន់តែច្រើនអាចប្រើអ៊ីនធើណែតបាន ។
ការផ្លាស់ប្តូរនេះបានបង្កឲ្យទីផ្សារពាណិជ្ជកម្មលើប្រព័ន្ធអេឡិចត្រូនិចលូតលាស់ ។ ហាងទំនិញលើអ៊ីនធើណែតបានលូតលាស់ព្រោះតែការលក់បញ្ចុះតម្លៃដែលទាក់ទាញអតិថិជន ។
ឧបករណ៍ផ្សព្វផ្សាយលើប្រព័ន្ធហ្វេសប៊ុកត្រូវបានប្រើប្រាស់ច្រើនជាងគេដើម្បីផ្សព្វផ្សាយទំនិញទៅកាន់អតិថិជនបានច្រើន និងត្រូវក្រុម ។
ការផ្សាយពាណិជ្ជកម្មបែបឌីជីថលក៏បានរីកចម្រើនបាន ៧០%ផងដែរតំណាងពីឆ្នាំ ២០១៧ មកដោយមានហ្វេសប៊ុកទទួលបានអត្ថប្រយោជន៍ច្រើនជាងគេ ៕
ចែករំលែកព័តមាននេះ