បែកធ្លាយទំនាក់ទំនង ប្រ៊េត ភីត និងតារាសម្តែងរូបស្រស់ ឆាលី
«ET»ផ្សាយកាលពីពេលថ្មីៗកន្លងមកថា លោក ប្រេ៊ត ភីត មិនទាន់សេពគប់នារីណាម្នាក់ជាគូស្នេហ៍នៅឡើយ ពិសេសនាង ឆាលី ធើរ៉ុន (Charlize Theron)…
«ET»ផ្សាយកាលពីពេលថ្មីៗកន្លងមកថា លោក ប្រេ៊ត ភីត មិនទាន់សេពគប់នារីណាម្នាក់ជាគូស្នេហ៍នៅឡើយ ពិសេសនាង ឆាលី ធើរ៉ុន (Charlize Theron) មានលេចឮថាកំពុងចងសម្ព័ន្ធភាពគ្នានោះក្នុងលក្ខណៈជាមិត្តភក្ដិប៉ុណ្ណោះ ។
ប្រភពដដែលបញ្ជាក់ថា លោក ភីត និង ឆាលី បានស្គាល់គ្នាយូរមកហើយ ប៉ុន្តែទើបចងសម្ព័ន្ធភាពគ្នាជាមិត្តកាលពីពេលថ្មីៗកន្លងមក ។ ពួកគេមានសេចក្ដីសុខនៅគ្រប់ពេលស្រឡាញ់ការសម្តែង និងនៅមានមិត្តជាច្រើននាក់ទៀត ហើយក៏មិនទាន់មានភាពប្រាកដប្រជាណាមួយក្នុងពេលបច្ចុប្បន្ន ស្ថិតក្នុងន័យជាមិត្តភក្ដិ ។
មនុស្សជំនិតរបស់លោក ប្រេ៊ត ភីត បញ្ជាក់ឲ្យដឹងថា ប្រសិនបើចាប់ផ្ដើមជីវិតគូស្រករថ្មី តារាសម្តែងរូបនេះអាចជ្រើសយកនារីម្នាក់នៅក្រៅមជ្ឈដ្ឋានការសម្តែង ព្រោះអតីតប្រពន្ធទាំង២របស់លោកជាកំពូលតារាសម្តែង ។ លោក ភីត ប្រហែលមិនចង់វិលទៅរកដានចាស់ដែលមានមនុស្សចាប់អារម្មណ៍ច្រើននោះទេ ។
លោក ប្រេ៊ត ភីត បានប្រេះឆាជីវិតអាពាហ៍ពិពាហ៍ទាំង២លើក បច្ចុប្បន្នមិនចង់វិលទៅរកស្ថានភាពជីវិតច្រំដែល និងផ្ដោតជាសំខាន់លើការចិញ្ខឹមកូន និងបំពេញការងារទាំងការសម្តែង និងដឹកនាំរឿង ៕
ចែករំលែកព័តមាននេះ