តម្លៃប្រេងកើនឡើង ខណៈអាមេរិកដាក់ទណ្ឌកម្មវ៉េណេស៊ុយអេឡា
ទីក្រុងវ៉ាស៊ីនតោន ៖ តម្លៃប្រេងរបស់ក្រុមហ៊ុន West Texas Intermediate (WTI) បានកើនឡើង ២,៩% និងតម្លៃប្រេងក្រុមហ៊ុន…
ទីក្រុងវ៉ាស៊ីនតោន ៖ តម្លៃប្រេងរបស់ក្រុមហ៊ុន West Texas Intermediate (WTI) បានកើនឡើង ២,៩% និងតម្លៃប្រេងក្រុមហ៊ុន…
ទីក្រុងវ៉ាស៊ីនតោន ៖ តម្លៃប្រេងរបស់ក្រុមហ៊ុន West Texas Intermediate (WTI) បានកើនឡើង ២,៩% និងតម្លៃប្រេងក្រុមហ៊ុន Brent បានកើនឡើង១,៩% កាលពីសប្តាហ៍មុន ផ្ទុយពីសប្តាហ៍មុនមួយទៀតដែលតម្លៃប្រេង WTI ធ្លាក់ចុះអស់០,២% និងតម្លៃប្រេង Brent ធ្លាក់ចុះអស់ ១,៧%។ នេះបើតាមការចេញផ្សាយពីទីភ្នាក់ងារសារព័ត៌មាន Xinhua របស់ប្រទេសចិនកាលពីថ្ងៃទី២ មករា កន្លងមក ។
កាលពីថ្ងៃចន្ទសប្ដាហ៍មុន តម្លៃប្រេងបានបន្តធ្លាក់ចុះ ព្រោះកំណើនកន្លែងបូមប្រេងបានជំរុញដល់ការភ័យខ្លាចថាមានការផ្គត់ផ្គង់ប្រេងលើសលប់លើទីផ្សារ ។
តំបន់បូមប្រេងក្នុងសហរដ្ឋអាមេរិកបានកើនឡើងជាលើកដំបូងតាំងពីខែធ្នូឆ្នាំ ២០១៨ មកស្មើនឹង៨៦២កន្លែង ឬច្រើនជាងសប្តាហ៍មុនចំនួន១០កន្លែង ។ រហូតដល់ថ្ងៃអង្គារ តម្លៃប្រេងបានកើនឡើងសាជាថ្មី ខណៈដែលសហរដ្ឋអាមេរិកដាក់ទណ្ឌកម្មសេដ្ឋកិច្ចលើក្រុមហ៊ុនប្រេងរដ្ឋរបស់ប្រទេសវ៉េណេស៊ុយអេឡាដើម្បីដាក់សម្ពាធលើលោកប្រធានាធិបតី Nicolas Maduro តាមរយៈការកាត់បន្ថយការនាំចេញប្រេងរបស់ប្រទេស ។
សហរដ្អអាមេរិកជាអតិថិជនប្រេងធំជាងគេរបស់វ៉េណេស៊ុយអេឡា ដែលនាំចូលប្រេងប្រមាណ៥០ម៉ឺនធុងក្នុងមួយថ្ងៃកាលពីឆ្នាំ ២០១៨ ។ វិនិយោគិនព្រួយបារម្ភថាការដាក់ទណ្ឌកម្មថ្មីនេះអាចនឹងប៉ះពាល់ដល់អតិថិជនក្នុងសហរដ្ឋអាមេរិក និងបង្កើនតម្លៃប្រេងជុំវិញពិភពលោក ។ បន្ដមកទៀត នៅថ្ងៃពុធ តម្លៃប្រេងបានបន្តកើនឡើង ព្រោះចំនួនប្រេងក្នុងស្តុករបស់អាមេរិកបានកើនឡើងតិចជាងការគិតទុករបស់អ្នមកវិភាគ ហើយសេចក្តីថ្លែងការណ៍ក្រោយពេលប្រជុំថ្មីរបស់ធនាគារជាតិអាមេរិកក៏បានប៉ះពាល់ដល់តម្លៃប្រាក់ដុល្លារផងដែរ ។
ដោយឡែកនៅថ្ងៃព្រហស្បតិ៍វិញ តម្លៃប្រេងមើលឃើញលទ្ធផលខុសៗគ្នា ព្រោះការផ្គត់ផ្គង់ប្រេងពី OPECបានធ្លាក់ចុះ ខណៈដែលទិន្នផលប្រេងអាមេរិកបានកើនឡើង ។ នៅថ្ងៃសុក្រ តម្លៃប្រេងបានបន្តកើនឡើងទៀត ព្រោះតំបន់បូមប្រេងរបស់ក្រុមហ៊ុនអាមេរិកបានធ្លាក់ចុះយ៉ាងលឿន ខណៈដែលកំណើនការងារថ្មីៗក្នុងសហរដ្ឋអាមេរិកកាលពីខែមករាបានជំរុញដល់ការព្យាករលើតម្រូវការ ។ សរុបមកតម្លៃប្រេងនៅទីផ្សារអន្តរជាតិបានកើនឡើងបន្ដិច បន្ទាប់ពីការដាក់ទណ្ឌកម្មរបស់អាមេរិកលើប្រទេសវ៉េណេស៊ុយអេឡា ៕
ចែករំលែកព័តមាននេះ