រាជធានីភ្នំពេញ៖ តារាសម្តែងទើបតែចាប់ផ្តើមលេចធ្លោកញ្ញាស៊ីស៊ី មានភាពក្លាហានបញ្ចេញភាពសិចសុីហាក់មិនខ្លាចនឹងការរិះគន់ឡើយ ។ ជាក់ស្តែង ថ្មីៗ ស៊ីស៊ី បានហៅជាងថតរូប ជំនាញៗរៀបចំប្លង់ជូននាងថតបែបសិចស៊ី ។…
រាជធានីភ្នំពេញ៖ តារាសម្តែងទើបតែចាប់ផ្តើមលេចធ្លោកញ្ញាស៊ីស៊ី មានភាពក្លាហានបញ្ចេញភាពសិចសុីហាក់មិនខ្លាចនឹងការរិះគន់ឡើយ ។ ជាក់ស្តែង ថ្មីៗ ស៊ីស៊ី បានហៅជាងថតរូប ជំនាញៗរៀបចំប្លង់ជូននាងថតបែបសិចស៊ី ។
កញ្ញា ស៊ីស៊ី មានអាជីពក្រៅសិល្បៈជានារីបម្រើការងារនៅលើយន្តហោះដោយចាប់អាជីពនេះប្រមាណ៤ទៅ៥ឆ្នាំមកហើយ ។ ស្រីស្អាតរាងតូចច្រឡឹងរូបនេះមានសមត្ថភាពនិយាយភាសាមួយចំនួន ក្នុងនោះភាសាអង់គ្លេសបានកម្រិតល្អគួរសម ក្រៅពីនេះភាសាចិន ថៃ និងវៀតណាម ។ នៅលើយន្តហោះនាងមានភាពស៊ាំនឹងការងារជានារីអាកាសចរណ៍ តែដក់ចិត្តបំពេញតួនាទីសិល្បៈដែរ ។ ជាញឹកញាប់ ស៊ីស៊ី ច្រើនឆ្លងវេហាស៍ទៅមកក្នុងតំបន់អាស៊ី ។ជានារីអាកាសចរណ៍ពិតជាធ្វើឲភ្ញៀវជាតិ និងអន្តរជាតិសរសើរ ដោយសារតែនាងមានរូបសម្បត្តិស្រស់សោភា រាងតូចច្រឡឹងសមជានារីខ្មែរ។
ក្នុងជំនួបផ្ទាល់ជាមួយអ្នកសារព័ត៌មានកោះសន្តិភាពកាលពីពេល ថ្មីៗកន្លងមកកញ្ញា ស៊ីស៊ី ដែលគ្រងបានតួអង្គសំខាន់ម្នាក់ដែរក្នុងរឿង«ម៉ាដាមអាប»បានឲ្យដឹងថាឆ្នាំ២០១៩នេះនាងមានគម្រោងថតរូបជាមួយសិល្បៈលក្ខណៈ ប្លែកៗលក្ខណៈសិចស៊ីបង្ហាញពីរូបរាងដ៏ស្រស់ស្អាតនៃដងខ្លួនរបស់នាង ។ ស៊ីស៊ី អះអាងថា«មិនខ្លាចការរិះគន់នោះទេព្រោះថាទាន់យើងនៅស្អាតនៅល្អទើបចង់បង្ហាញដោយភាពជឿជាក់ក្នុងកម្រិតណាមួយ ។ ព្រោះបើយើងជ្រេទៅពិតជាអស់ឱកាសបង្ហាញ គ្មានអ្នកណាទៅចាប់អារម្មណ៍ទៀតឡើយ»។
អតីតកញ្ញាឯកលេខ១នៃដងខ្លួនស្អាតគ្រងពានរង្វាន់នៅប្រទេសម៉ាឡេកាលពីឆ្នាំ២០១៧រូបនេះនិយាយថានាងចូលចិត្តសិល្បៈសម្តែងតាមរយៈរឿងណាជាតួកាចឆ្នាស សិចស៊ីព្រោះមុខមាត់នាងសក្តិសមបែបនេះ ។ ប្រឡូកសិល្បៈមួយរយៈចុងក្រោយនាងថតបាន២រឿង គឺរឿង«ស្នូរជើងអ្នកណា» និងរឿង«ម៉ាដាមអាប»។ នៅមានរឿង ថ្មីៗ និងស្នាដៃមួយចំនួនទៀតដែលស៊ីស៊ីកំពុងតែខិតខំសម្រិតសម្រាំងឲ្យកាន់តែលេចធ្លោក្នុងឆ្នាំនេះ ។
ចំពោះរឿងស្នេហាលេចឮថាស៊ីស៊ី សាងស្នេហ៍ជាមួយឌីជេ ម្នាក់ ។ រឿងនេះ ស៊ីស៊ី នៅមិនទាន់បញ្ជាក់ឲ្យច្បាស់នៅឡើយ ៕
ចែករំលែកព័តមាននេះ