រាជធានីភ្នំពេញ ៖ យុវជន២នាក់ បាន ស្លាប់បាត់បង់ជីវិតយ៉ាងអាណោចអាធ័ម ដោយសារអំពើហិង្សាវាយកាប់ចាក់គ្នាមួយ ដែលបានកើតឡើងនៅចំណុចផ្លូវបេតុងមុខ គ្លីនិកចរិយា ស្ថិតក្នុងភូមិឫស្សី សង្កាត់ស្ទឹង មានជ័យ កាលពីវេលាម៉ោង១១និង៣០នាទី យប់ ថ្ងៃទី១០ កុម្ភៈ ឆ្នាំ២០១០ ។យុវជនរងគ្រោះទាំង២នាក់ខាងលើនេះ ១-ឈ្មោះហង្ស វិបុល អាយុ២៥ឆ្នាំ មាន ទីលំនៅភូមិត្នោតជ្រុំ សង្កាត់បឹងទំពុន ខណ្ឌ មានជ័យ ២-ឈ្មោះសឿន ផល្លី អាយុ២៥ឆ្នាំ ស្នាក់នៅផ្ទះលេខ៥៣២ ភូមិត្នោតជ្រុំ សង្កាត់ បឹងទំពុន ដូចគ្នា ។ តាមព័ត៌មានឱ្យដឹងថា មុន ពេលកើតហេតុជនរងគ្រោះទាំងពីរនាក់បាន ធ្វើដំណើរដោយថ្មើរជើងចេញពីពិធីខួប កំណើតកូនមិត្ដភក្ដិ លុះដល់ចំណុចកើតហេតុ ខាងលើក៏បានជួបប្រទះជនមួយក្រុមមានគ្នា៥នាក់ កំពុងឈររេរាតាមផ្លូវទាំងយប់ អធ្រាត្រ និងបានប៉ះទង្គិចជាពាក្យសំដីនឹងគ្នា រហូតផ្ទុះអំពើហិង្សាចាក់សំលាប់ជនរងគ្រោះទាំង២នាក់ជាមួយនឹងឧបករណ៍ដែកឆាបនិង រណារ បណ្ដាលឱ្យស្លាប់ក្រោយពេលបញ្ជូន ទៅដល់មន្ទីរពេទ្យមិត្ដភាពខ្មែរ-សូវៀត ។
ក្រោយពេលកើតហេតុ អាជ្ញាធរសង្កាត់ ស្ទឹងមានជ័យដឹកនាំដោយលោកសេង សាញ់ ចៅសង្កាត់ស្ទឹងមានជ័យ បានដឹកនាំប្រជាការ ពារសង្កាត់និងភូមិ សហការជាមួយនគរបាល ប៉ុស្ដិ៍ស្ទឹងមានជ័យចុះស្រាវជ្រាវឃាត់ខ្លួនជនសង្ស័យបានម្នាក់ឈ្មោះសុត សុភីម ភេទ ប្រុស អាយុ២៣ឆ្នាំ ស្នាក់នៅក្បែរកន្លែងកើត ហេតុ ។ បន្ទាប់ពីចាប់ខ្លួនឈ្មោះសុត សុភីម នៅព្រឹកថ្ងៃទី១១ កុម្ភៈ កំលាំងចំរុះខណ្ឌមាន ជ័យបានធ្វើការឃាត់ខ្លួនជនសង្ស័យ៤នាក់ ទៀត នាំយកទៅសាកសួរនៅទីស្នាក់ការប៉ុស្ដិ៍ ស្ទឹងមានជ័យ ហើយមុខសញាជនដៃដល់ ដែលបានចាក់សម្លាប់ឈ្មោះហង្ស វិបុល និង ឈ្មោះសឿន ផល្លី ត្រូវបានកំណត់រួចហើយ ។ សូមបញ្ជាក់ថា ជនរងគ្រោះឈ្មោះហង្ស វិបុល ត្រូវក្រុមជនដៃដល់ចាក់ត្រូវចំក្រោម ឃ្លៀកខាងឆ្វេង រីឯឈ្មោះសឿន ផល្លី ត្រូវ ក្រុមជនដៃដល់ចាក់ត្រូវចំពោះខាងក្រោម ផ្ចិតបន្ដិច បណ្ដាលឱ្យស្លាប់ទាំង២នាក់ ក្រោយ ពេលបញ្ជូនទៅដល់មន្ទីរពេទ្យ ។
ប្រភពព័ត៌មានផ្សេងទៀតបាននិយាយ ទាក់ទិននឹងការចាក់សម្លាប់ខាងលើនេះថា រវាងអ្នកស្លាប់ និងអ្នកដែលត្រូវចាប់ខ្លួន គឺ ធ្លាប់មានទំនាស់ជាមួយគ្នាម្ដងរួចមកហើយ ទើបពួកគេឃើញមុខគ្នាពុំបាន ក៏ផ្ទុះអំពើ ហិង្សាឈានដល់ការចាក់សំលាប់គ្នាបែបនេះ តែម្ដង ។ប្រជាពលរដ្ឋរស់នៅក្នុងភូមិសាស្ដ្រខាង លើ បានសំណូមពរទៅសមត្ថកិច្ចនគរបាល ខណ្ឌមានជ័យ ក៏ដូចជាកំលាំងកងរាជអាវុធ ហត្ថខណ្ឌមានជ័យ នគរបាលប៉ុស្ដិ៍បឹងទំពុន និងនគរបាលប៉ុស្ដិ៍ស្ទឹងមានជ័យ គួរសហការ គ្នាបង្កើតប៉ុស្ដិ៍យាមប្រចាំការ២៤ម៉ោងលើ ២៤ម៉ោងនៅក្នុងភូមិសាស្ដ្រខាងលើនេះឱ្យ បានជាប់ជាប្រចាំ បើពុំដូច្នោះទេបទល្មើសនៅ តែកើតមានជាបន្ដបន្ទាប់ទៀត ពីព្រោះទី នោះនៅឆ្ងាយពីសមត្ថកិច្ច ហើយសមត្ថកិច្ច ច្រើនភ្លេចទៅល្បាតនៅក្នុងភូមិសាស្ដ្រខាង លើទៀតផង ។
ចែករំលែកព័តមាននេះ