រាជធានីភ្នំពេញ ៖ គេកំពុងតែតាមដានរឿងថ្មីមួយទៀតហើយដែលរឿងរ៉ាវតារាស្នេហាគ្នាក្រៅឆាកកំពុងតែដុះឡើងជាបន្តបន្ទាប់បង្កការចាប់អារម្មណ៍គួរឲ្យភ្ញាក់ផ្អើល។ ជាថ្មីម្តងទៀតគេស្រាប់តែឃើញ ចែម ស្រីលក្ខណ៍ និងលោក ជ័យ សុវ៉ាត តារាចម្រៀងទាំង២កំពុងតែលេចធ្លោស្រាប់តែបង្កើនការនៅជិតដិតគ្នាស្និតស្នាល ហើយនិយាយអូនបងថតរូបបង្ហោះផ្អើលអ្នកគាំទ្រ។
គេស្គាល់ ចែម ស្រីលក្ខណ៍ នៅពេលដែលនាងប្រឡងចម្រៀងលំដាប់ថ្នាក់ពិភពលោក ខេមបូឌាអាយដលរដូវកាលទី៣ ចូលដល់វគ្គផ្តាច់ព្រ័ត្រដែលបានធ្វើឱ្យបេក្ខជនដទៃទៀតឲ្យខ្ទាតចេញជាបន្តបន្ទាប់។ ចំណែកឯលោក ជ័យ សុវ៉ាត ជាអតីតបេក្ខជនឆ្នើមនៃការប្រឡងចម្រៀង១នាទូរទស្សន៍អប្សរា ហើយបច្ចុប្បន្ន ជ័យ សុវ៉ាត ជាតារាចម្រៀងលេចធ្លោប្រចាំផលិតកម្មសាន់ដេ ទើបតែចូលតែទីផ្សារចម្រៀងហក់លឿនគេស្គាល់ណាស់។
មានការទម្លាយថា ស្រីក្ខណ៍ និងសុវ៉ាត គឺជិតដិតគ្នាខ្លាំងតាំងពីនៅអប្សរាលេខ១១ ព្រោះគេទាំង២ប្រឡងចម្រៀងដូចគ្នា មានចំណាត់កំពូល ហើយសុវ៉ាតជារៀមច្បង។ បែកគ្នាយូរឆ្នាំស្រាប់តែប៉ះគ្នាឡើងវិញ ផ្តើមចេញពីការច្រៀងអប់រំសុខភាពជូនកម្មកររោងចក្រធ្វើឲ្យទំនាក់ទំនងពេលនោះផ្ទុះឡើងសារជាថ្មីទៅណាមកណាជាគូត្រសង។
អ្វីដែលពិសេសមួយគូនេះ រឹតតែធ្វើឲ្យគេឆ្ងល់រាល់ការថតរូបបង្ហោះ ហើយមិត្តជិតដិតខ្លះថាជ័យ សុវ៉ាត អាចដល់ចិត្តជាស្រីលក្ខណ៍ ដោយសារយល់ចិត្តគ្នាតាំងពីនៅក្មេងៗ ហើយស្រីលក្ខណ៍វិញ ក៏ទោរចិត្តមករកខាងប្រុសរហូតទៅណាជាគូ។ យ៉ាងណាគេមិនទាន់ដឹងថា នោះជាមិត្តភាព ឬស្នេហា តែបើមើលរូបថតវិញបង្កប់អារម្មណ៍ជ្រៅទំនងជារឿងស្នេហ៍ច្រើនជាង។បើមែនពិតជាសមគ្នា ព្រោះម្នាក់ៗនៅក្មេង៕
ចែករំលែកព័តមាននេះ