ខេត្តកែប ៖ ប្រភពពីសមត្ថកិច្ចជំនាញចរាចរណ៍ផ្លូវគោគ នៃអធិការដ្ឋាននគរបាលស្រុកដំណាក់ចង្អើរបានអោយដឹងថា បុរសម្នាក់បានបើកបរម៉ូតូក្នុងល្បឿនលឿនជ្រុលចង្កូតធ្លាក់ផ្លូវរួចទៅបុកដើមឈើ បណ្តាលឱ្យស្លាប់នៅនឹងកន្លែងកើតហេតុ ។ ហេតុការណ៍នេះបានកើតឡើងកាលពីវេលាម៉ោង៣ថ្ងៃទី១ ខែកុម្ភៈ ឆ្នាំ២០១៩…
ខេត្តកែប ៖ ប្រភពពីសមត្ថកិច្ចជំនាញចរាចរណ៍ផ្លូវគោគ នៃអធិការដ្ឋាននគរបាលស្រុកដំណាក់ចង្អើរបានអោយដឹងថា បុរសម្នាក់បានបើកបរម៉ូតូក្នុងល្បឿនលឿនជ្រុលចង្កូតធ្លាក់ផ្លូវរួចទៅបុកដើមឈើ បណ្តាលឱ្យស្លាប់នៅនឹងកន្លែងកើតហេតុ ។
ហេតុការណ៍នេះបានកើតឡើងកាលពីវេលាម៉ោង៣ថ្ងៃទី១ ខែកុម្ភៈ ឆ្នាំ២០១៩ នៅចំណុចផ្លូវកោងខាងត្បូងបង្គោលគីឡូម៉ែត្រលេខ៦ចំងាយ១៥០ម៉ែត្រ ស្ថិតក្នុងភូមិអំពេង ឃុំអង្កោល ស្រុកដំណាក់ចង្អើរ ខេត្តកែប ។
លោក តូវ សុវណ្ណ អធិការនគរបាលស្រុកដំណាក់ចង្អើរ បានបញ្ជាក់ថា ជនរងគ្រោះដែលស្លាប់ឈ្មោះ រស់ កក្កដា ភេទប្រុស អាយុ៣០ឆ្នាំ រស់នៅភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប ជាអ្នកបើកបរម៉ូតូមួយគ្រឿងម៉ាកហុងដា ធុន C125 ពណ៌ខ្មៅ ពាក់ផ្លាកលេខ កំពត ១D-៨៣៧៧ ។
ប្រភពដដែលបានបន្តថា មុនពេលកើតហេតុ គេឃើញជនរងគ្រោះបើកបរម៉ូតូមួយគ្រឿង ធ្វើដំណើរក្នុងទិសដៅពីត្បូងទៅជើង ក្នុងល្បឿនយ៉ាងលឿន លុះមកដល់ចំណុចកើតហេតុ ក៏ជ្រុលចង្កូតធ្លាក់ផ្លូវ រួចទៅបុកដើមឈើ បណ្ដាលអោយអ្នកបើកបរម៉ូតូស្លាប់នៅនឹងកន្លែងកើតហេតុតែម្តង។
ក្រោយពេលកើតហេតុ សមត្ថកិច្ចបានចុះទៅពិនិត្យកន្លែងកើតហេតុរកឃើញថា ជនរងគ្រោះពិតជាជួបគ្រោះថ្នាក់ចរាចរណ៍ដែលបង្កឡើងដោយខ្លួនឯងប្រាកដមែន ហើយបានប្រគល់ម៉ូតូ និងសពជនរងគ្រោះអោយទៅក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ