ខេត្តស្វាយរៀង ៖ មុនពេលចូលឆ្នាំជនជាតិចិន-វៀតណាមមកដល់ឈ្មួញសម្រុកនាំជ្រូកវៀតណាមឆ្លងដែនចូលមករដ្ឋបាលខេត្តស្វាយរៀងយ៉ាងគំហុកតាមច្រកទ្វាតំបន់ព្រំដែន និងច្រករបៀងក្នុងមួយយប់ៗចាប់ពី១ពាន់ក្បាលទៅ១២០០ក្បាលសង្ស័យពុំមានការត្រួតពិនិត្យសុខភាពសត្វពីមន្ត្រីពេទ្យសត្វទេមើលទៅដោយឈ្មួញធ្វើសកម្មភាពដឹកជញ្ជូននៅពេលយប់កណ្តាលអាធ្រាត្រ ។
ប្រជាពលរដ្ឋមានការព្រួយបារម្មណ៍អំពីសុវត្ថិភាពម្ហូបអាហារជាពិសេសការនាំជ្រូកពីប្រទេសវៀតណាមតាមច្រករបៀងមកចែកចាយ និងពិឃាតយកសាច់លក់នៅលើទីផ្សារខ្វះការត្រួតពិនិត្យសុខភាពសត្វឲ្យបានត្រឹមត្រូវ ដោយមានលិចឮមិនច្បាស់ការថា បច្ចុប្បន្នជ្រូកវៀតណាមមានកើតជម្ងឺជ្រូកទើបមានការបារម្មណ៍បើគ្មានការត្រួតពិនិត្យឲ្យបានម៉ត់ចត់នោះ ។
បើតាមឈ្មោះ ឈន មេការក្រុមហ៊ុនដានីដេងបានឲ្យដឹងថា ក្រុមហ៊ុនដានីដែងមានច្បាប់អនុញ្ញាតពីក្រសួងកសិកម្ម រុក្ខាប្រមាញ់ និងនេសាទ ឲ្យនាំជ្រូកវៀតណាមពីប្រទេសវៀតណាមចូលតាមច្រកទ្វាទ្វេភាគីបុស្សមន ឃុំបុសមនស្រុករំដួលក្នុង១ថ្ងៃ៦០០ក្បាល ជាក់ស្តែងគឺនាំចូលតាមច្រកទ្វាតំបន់ព្រំដែនព្រៃតាអីស្រុកស្វាយទាប ។
ប្រភពដដែលបន្តទៀតថា ច្បាប់អនុញ្ញាតគឺ៦០០ក្បាលក្នុងមួយថ្ងៃក៏ប៉ុន្តែជាក់ស្តែងគឺតាមការនាំចូលរបស់ឈ្មួញវៀតណាមថ្ងៃខ្លះ៣៣០ក្បាលថ្ងៃខ្លះ៤០០ក្បាល និងថ្ងៃខ្លះ៦០០ក្បាល ហើយជ្រូករស់ទាំងអស់នេះគឺដឹកឆ្ពោះទៅរាជធានីភ្នំពេញ ។
បើតាមលោក ប៉ែន ចន្ធី ប្រធានការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រមាញ់ និងនេសាទខេត្តបានមានប្រាសន៍ថា ជ្រូករស់ដែលក្រុមហ៊ុនទាំងពីនាំចូលពីប្រទេសវៀតណាមនោះគឺមានច្បាប់អនុញ្ញាត ហើយក៏មានមន្ត្រីពេទ្យសត្វបានចុះទៅពិនិត្យសុខភាពសត្វតាមវិញ្ញាបនបត្រអនាមយ័សត្វចេញដោយនាយកដ្ឋានអភិវឌ្ឍន៍បសុសត្វនៃប្រទេសវៀតណាមនិងពិនិត្យមើលសុខភាពជ្រូករួចរាប់ចំនួនក្បាលទើបចេញលិខិតកាត់ស្តុកឲ្យ ។
រីឯលោក ខៀវ សារឿន ប្រធាសាខាគយ និងរដ្ឋាករខេត្តស្វាយរៀងបានមានប្រសាសន៍ថា ជ្រូកដែលក្រុមហ៊ុនអង្គរសុខសារិទ្ធមានជ័យ និងក្រុមហ៊ុនដានីដែងនាំចូលគឺមានច្បាប់ និងបង់ពន្ធចូលរដ្ឋត្រឹមត្រូវ ។
មហាជនបានបង្ហើបទៀតថា កាលពីវេលាម៉ោង២យប់ទៀបភ្លឺថ្ងៃទី២ កុម្ភៈ គេឃើញមានរថយន្តយីឌុបដឹកជ្រូកចេញពីច្រកទ្វាតំបន់ព្រំដែនព្រៃតាអីចំនួន២គ្រឿងឆ្ពោះទៅរាជធានីភ្នំពេញ ហើយកាលពីវេលាម៉ោង៨និង១៥នាទីព្រឹកថ្ងៃទី១ កុម្ភៈ ២០១៩ មន្ត្រីពេទ្យសត្វខេត្តព្រៃវែងពិនិត្យ និងបាញ់ថ្នាំលើយានយន្តដឹកសត្វជ្រូកមាន់ទានៅលើកាំណាត់ផ្លូវជាតិលេខ១ត្រង់ចំណុច ឃុំកំពង់សឹងស្រុកព្រះស្តេចខេត្តព្រៃវែង ពិនិត្យលើជ្រូក២០០ក្បាលសរសេរវិក្ក័យបត្ររាយការណ៍តែ៨០ក្បាលទេធ្វើឲ្យលោកប្រធានការិយាល័យផលិតកម្មសត្ វនិងបសុព្យាបាលខេត្តព្រៃវែងប្រតិកម្មស្តីបន្ទោសឲ្យមន្ត្រីខ្លួនបែកធ្លាយដល់មហាជននាំគ្នាក្រវីក្បាលហួសចិត្តតើសង្ឃឹមអីទាន៕
ចែករំលែកព័តមាននេះ