រាជធានីភ្នំពេញ ៖ ដើម្បីឆ្លើយតបតាមការណែនាំរបស់រដ្ឋបាលរាជធានីភ្នំពេញ ក្នុងកិច្ចការការពារ សន្តិសុខ សណ្តាប់ធ្នាប់ សុវត្ថិភាពសាធារណៈជូនបងប្អូនប្រជាពលរដ្ឋ អាជ្ញាធរខណ្ឌច្បារអំពៅ ក្រោមការដឹកនាំដោយ លោកចេង…
រាជធានីភ្នំពេញ ៖ ដើម្បីឆ្លើយតបតាមការណែនាំរបស់រដ្ឋបាលរាជធានីភ្នំពេញ ក្នុងកិច្ចការការពារ សន្តិសុខ សណ្តាប់ធ្នាប់ សុវត្ថិភាពសាធារណៈជូនបងប្អូនប្រជាពលរដ្ឋ អាជ្ញាធរខណ្ឌច្បារអំពៅ ក្រោមការដឹកនាំដោយ លោកចេង មុនីរ៉ា ជាប្រធានគណ:បញ្ជាការឯកភាពខណ្ឌ នារសៀលថ្ងៃទី០១ កុម្ភៈ បានបើកកិច្ចប្រជុំដាក់ផែនការ និងវិធានការរក្សាការពារសុវត្ថិភាពសន្តិសុខសណ្តាប់ធា្លប់ និងរបៀបរៀបរយនៅមូលដ្ឋាននៅក្នុងឱកាសពិធីបុណ្យចូលឆ្នាំថ្មីប្រៃណីចិន-វៀតណាម ដែលខិតជិតចូមកដល់នេះ ។
ក្នុងស្មារតីនៃអង្គប្រជុំគណ:បញ្ជាការឯកភាព លោក ចេង មុនីរ៉ា បានមានប្រសាសន៍ដាក់ផែនការក្តៅទៅលើមន្ត្រីក្រោមឱវាទឲ្យយកចិត្តទុកដាក់ហាមឃាត់ដាច់ខាតមិនឲ្យមានការដុតផាវលេងក្នុងឱកាសបុណ្យចូលឆ្នាំចិនវៀតណាមខាងមុខនេះ និងជំរុញដល់មន្ត្រីក្នុងមូលដ្ឋានត្រូវចូលរួមផ្សព្វផ្សាយ អំពីគ្រោះអគ្គិភ័យ ដែលតែងតែផ្តើមចេញពីការធ្វេសប្រហែសភ្លើងទៀនធូប និងត្រូវចូលរួមទប់ស្កាត់ ដាច់ខាតមិនឲ្យមានល្បែងសីុសងនៅតាមមូលដ្ឋាន។
ឆ្លៀតក្នុងឱកាសនេះផងដែរ លោក ចេង មុនីរ៉ា បានមានប្រសាសន៍រំលឹកដល់មន្ត្រីក្រោមឱវាទឲ្យយកចិត្ត ទុកដាក់រៀបចំសណ្តាប់ធ្នាប់ តាមមូលដ្ឋានឲ្យបានល្អ ។ លោកអភិបាលខណ្ឌ ក៏បាន មានប្រសាសន៍ជំរុញដល់អស់លោក លោកស្រី ដែលមានភារកិច្ចជាអាជ្ញាធរតាមមូល ដ្ឋានត្រូវចូលរួមសម្រួល ចរាចរដល់អ្នកដំណើរ និងត្រូវថែរក្សាការពារ សន្តិសុខ ជុំវិញលំនៅឋាន ប្រជាពលរដ្ឋ កុំឲ្យមានបទ ល្មើសចោរកម្ម គាស់ផ្ទះលួច ទ្រព្យសម្បត្តិរបស់បងប្អូន ប្រជាពលរដ្ឋ។
សូមរំលឹកថា មួយរយៈកន្លងមកនេះ ខណ្ឌច្បារអំពៅ ក្រោមការដឹកនាំរបស់លោក លោក ចេង មុនីរ៉ា ក្នុងនាមគណ: បញ្ជាការឯកភាពខណ្ឌ បានយកចិត្តទុកដាក់បង្ក្រាបបទ មុខសញ្ញាដែលធ្វើសកម្ម ភាពបង្កបទល្មើសក្នុងមូលដ្ឋានបានជាបន្តបន្ទាប់ ដើម្បីឆ្លើយតបទៅនឹងគោលនយោបាយភូមិ សង្កាត់មានសុវត្ថិភាព។
ក្នុងឱកាសខាងលើនេះ លោក ក៏បានមាន ប្រសាសន៍ ក្រើនរំលឹក ដល់ មន្ត្រីក្រោមឱវាទត្រូវយកចិត្តទុកដាក់អនុវត្តឲ្យបានច្បាស់លាស់ ក្នុងការកំណត់រថយន្តធុនធំចេញនិងចូលរាជធានីភ្នំពេញ តាមគោលការណ៍ ណែនាំរបស់រដ្ឋបាលរាជធានីភ្នំពេញ ។
ចែករំលែកព័តមាននេះ