ជន្លេនក្រហមគឺធនធានសំខាន់មួយប្រភេទសម្រាប់កសិករដែលមានប្រយោជន៍ច្រើន ព្រោះវាសំបូរទៅដោយប្រូតេអ៊ីខ្ពស់ និងជាសត្វអត់ឆ្អឹង ដែលអាចធ្វើចំណីល្អក្នុងការចិញ្ចឹមសត្វដូចជា មាន់ ទា ជ្រូក ត្រី និងកង្កែបជាដើមឱ្យលូតលាស់ធំធាត់បានល្អ និងជួយដល់ការដាំដុះរបស់កសិករ។…
ជន្លេនក្រហមគឺធនធានសំខាន់មួយប្រភេទសម្រាប់កសិករដែលមានប្រយោជន៍ច្រើន ព្រោះវាសំបូរទៅដោយប្រូតេអ៊ីខ្ពស់ និងជាសត្វអត់ឆ្អឹង ដែលអាចធ្វើចំណីល្អក្នុងការចិញ្ចឹមសត្វដូចជា មាន់ ទា ជ្រូក ត្រី និងកង្កែបជាដើមឱ្យលូតលាស់ធំធាត់បានល្អ និងជួយដល់ការដាំដុះរបស់កសិករ។ នេះបើយោងតាមគេហទំព័រក្រសួងកសិកម្ម រុក្ខាប្រមាញ់ និងនេសាទ ។
បើតាមលោក នូវ កាស៊ី អ្នកនយោបាយដែលក្លាយជាកសិករពេញទី ធ្លាប់បានប្រាប់ថា «មាន់យើងកាន់តែច្រើន ខ្លាចចំណីយើងមិនវាមិនគ្រប់ យើងអាចចិញ្ចឹមជន្លេនក្រហម ព្រោះជន្លេននេះ បើទិញពីគេ១គីឡូ៤ពាន់រៀល យកដាក់ក្នុងរយៈពេលតែ២ខែ វានឹងឡើង១០គីឡូ ដូច្នេះវាចំណេញ១ជា១០ គឺអស់តែពី៣ទៅ៤រៀលទេ» ។
លោក នូវ កាស៊ី បញ្ជាក់ថា កូនមាន់ដែលកើតមកមួយថ្ងៃ ឬពីរថ្ងៃហ្នឹង បើសិនយើងយកជន្លេននោះទៅចិញ្ច្រាំតូចៗ យើងយកមកលាយជាមួយកន្ទក់ដាក់ឱ្យវាស៊ីជាចំណីមួយពិតជាពិសេសល្អ ហើយធ្វើឱ្យមាន់មានលទ្ធភាពឆាប់ធំ ព្រោះវាជាសាច់សុទ្ធ» ។
មិនត្រឹមតែប៉ុណ្ណោះលាមករបស់ជន្លេនក្រហមវិញ អាចយកមកធ្វើជាជីធម្មជាតិគ្មានគីមីសំរាប់ការដាំដំណាំដ៏ល្អបំផុត នេះជាហេតុធ្វើឱ្យដំណាំរបស់កសិករយើងលូតលាស់បានល្អ និងបង្កើនទិន្នផលខ្ពស់ឱ្យកសិករយើងទៀតផង ។
ចែករំលែកព័តមាននេះ