ខេត្តតាកែវ ៖ ថ្លែងក្នុងពិធីប្រជុំបូកសរុបសភាពការណ៏លទ្ធផលកិច្ចសហប្រតិបត្តិការរក្សាសន្តិសុខសណ្តាប់ធ្នាប់សង្គម ប្រចាំខែមករា ឆ្នាំ២០១៩ និងប្រកាសផ្ទេភារកិច្ចតែងតាំងមុខតំណែង បំពាក់ឋានន្តរស័ក្តិជូនមន្ត្រីនគរបាលជាតិចំនួន១២០រូប នាព្រឹកថ្ងៃទី១ ខែកុម្ភៈ ឆ្នាំ២០១៩…
ខេត្តតាកែវ ៖ ថ្លែងក្នុងពិធីប្រជុំបូកសរុបសភាពការណ៏លទ្ធផលកិច្ចសហប្រតិបត្តិការរក្សាសន្តិសុខសណ្តាប់ធ្នាប់សង្គម ប្រចាំខែមករា ឆ្នាំ២០១៩ និងប្រកាសផ្ទេភារកិច្ចតែងតាំងមុខតំណែង បំពាក់ឋានន្តរស័ក្តិជូនមន្ត្រីនគរបាលជាតិចំនួន១២០រូប នាព្រឹកថ្ងៃទី១ ខែកុម្ភៈ ឆ្នាំ២០១៩ នៅសាលប្រជុំស្នងការដ្ឋាននគរបាលខេត្តតាកែវ ។
នៅក្នុងពិធិនោះដែរ លោកឧត្តមសេនីយ៍ទោ សុខ សំណាង ស្នងការនគរបាលខេត្តបានលើកឡើងពីសកម្មភាពមួយចំនួន ដែលមានក្រុមខិលខូចមួយចំនួន បានកំពុងតែធ្វើការផ្សព្វផ្សាយ បំពុលសង្គមបង្ហោះតាមបណ្តាញសង្គមហ្វេសប៊ុក ដែលសកម្មភាពនេះ មន្ត្រីជំនាញរបស់យើងផែនសន្តិសុខផ្ទៃក្នុងត្រូវតែធ្វើការពិនិត្យអោយមែនទែនលើបញ្ហានេះ និងត្រូវឆ្លើយតបវិញអោយបានរហ័ស ដើម្បីមានវិធានការទប់ស្កាត់អោយបានចំពោះការផ្សាយព័ត៌មានក្លែងក្លាយក្នុងគោលបំណងបំពុលសង្គមនេះ ។
ទន្ទឹមនឹងការលើកឡើងរបស់លោកស្នងការនេះ លោកក៏បានលើកឡើងពីចំណុចអសកម្មជាច្រើន ដែលមានមន្ត្រីនគរបាលមួយចំនួនតូចបាន និងធ្វើអោយបាត់បង់នៅវិន័យ និងមិនយកចិត្តទុកដលើកិច្ចការងាររបស់ខ្លួន ។
លោកឧត្តមសេនីទោសុខ សំណាង ស្នងការបានសង្កត់ធ្ងន់ថា ក្នុងនាមយើងជាមន្ត្រីនគរបាលជាតិ យើងត្រូវតែអនុវត្តអោយបានម៉ឺងម៉ាត់ ពិសេសប៉ុស្តិ៍រដ្ឋបាលឃុំ សង្កាត់ត្រូវតែបង្ក្រាបល្បែងស៊ីសងអោយអស់នៅក្នុងមូលដ្ឋាន តែរាល់លើកនៅតែមានប្រជាពលរដ្ឋទូរស័ព្ទមកប្តឹងលោករហូត បញ្ហានេះសូមអស់លោកគិតឡើងវិញផង។
នៅក្នុងអង្គភាពត្រូវធ្វើការអោយបានម៉ត់ចត់ ដូច្នេះកងកំលាំងគឺមិនត្រូវដើរហើរអត់ច្បាប់នោះទេ អញ្ចឹងដើម្បីអោយអស់លោកគោរពទៅតាមវិន័យនេះដែរ គឺតម្រូវអោយអស់លោកត្រូវយកចិត្តទុកដាក់លើកាតព្វកិច្ចរបស់ខ្លួនអោយបានគ្រប់ៗគ្នា ព្រោះនេះជាការងារគោលមួយដែលយើងត្រូវធ្វើអោយជោគជ័យ ហើយការងារនេះទទួលបានជោគជ័យទៅបានគឺកើតឡើងចេញពីការសាម្គីគ្នា អញ្ចឹងសង្ឃឹមថាអស់លោកនិងគោរពតាមបទបញ្ជា និងចេះសាម្គីគ្នា ដើម្បីសម្រេចបាននូវគោលការណ៏របស់ថ្នាក់ដឹកនាំដែលដាក់មកអោយថ្នាក់ក្រោម ។
លោកឧត្តមសេនីយ៍ទោ សុខ សំណាង បានជម្រុញអោយមន្ត្រីនគរបាលប៉ុស្តិ៍រដ្ឋបាល ជាពិសេសអធិការ និងស្នងការទទួលបន្ទុកផែនអន្តោប្រវេសន៍ត្រូវយកចិត្តទុកដាក់ និងក្តាប់អោយបានចំពោះជនបរទេស ដែលចូលមកស្នាក់នៅក្នុងមូលដ្ឋានរបស់ខ្លួន ព្រោះថាជនបរទេសមួយចំនួនបានចូលមករស់នៅទាំងគ្មានច្បាប់ និងប្រព្រឹត្តអំពើខុសច្បាប់ផ្សេងៗ ។
ក្នុងពិធីនេះដែរ នៅក្នុងពិធីបំពាក់ឋាន្តរស័ក្តិ ប្រកាសនិងផ្ទេមុខតំណែង ជូនមន្ត្រីនគរបាលជាតិចំនួន១២០រូប ចាប់ពីថ្នាក់អនុសេនីយ៏ឯកចំនួន៣១រូប អនុសេនីយ៏ទោចំនួន២៥រូប អនុសេនីយ៏ត្រីចំនួន១១រូប និងព្រិន្ទបាលឯកចំនួន២រូប និងប្រកាសផ្ទេភារកិច្ចតែងតាំងមុខតំណែងថ្មីចំនួន៥១រូប ។
លោកឧត្តមសេនីយ៍ស្នងការនគរបាលខេត្តបានបញ្ជាក់ថារាល់ពេលមានការប្រជុំនៅក្នុងស្នងការដ្ឋាននគរបាលខេត្តម្តងៗខាងការិយាល័យបុគ្គលិកត្រូវធ្វើបញ្ជីឈ្មោះអោយបានត្រឹមត្រូវ បើសិនខ្ជិលមកទេអោយរងគេឡើងធ្វើម្តង ៕
ចែករំលែកព័តមាននេះ