ប្រភពស្និទ្ធនឹងវិស័យកាត់ដេរនៅកម្ពុជាបានអោយដឹងថា ជនជាតិចិនច្រើនជាងគេបំផុត បានបើករោងចក្រកាត់ដេរនៅកម្ពុជា ។
ប្រភពនោះបានអោយដឹងថា ក្នុងចំណោមអ្នកវិនិយោគថ្មីនៅក្នុងរោងចក្រកាត់ដេរ គឺមានជនជាតិចិនចំនួនប្រមាណជា៦០ភាគរយ។ បច្ចុប្បន្ន យើងមានរោងចក្រចំនួនប្រមាណ៥៥០រោងចក្រ ដោយក្នុងនោះ រោងចក្រចិនមានចំនួន២០០រោងចក្រ ឬក៏ខ្ទង់ប្រមាណ៣០ភាគរយនៃរោងចក្រទាំងអស់ ។ ដូច្នេះ ចិនបើក រោងចក្រច្រើនជាងគេនៅកម្ពុជា ។ បន្ទាប់មកទៀតគឺតៃវ៉ាន់ប្រហែល២០ភាគរយ កូរ៉េខាងត្បូង ប្រហែល១៥ភាគរយ ហុងកុង១៥ភាគរយ និងភាគរយដែលនៅសល់គឺជប៉ុន និងថៃ ។
និន្នាការចិនបើករោងច្រើននៅកម្ពុជា កើតមានចាប់តាំងពីប្រទេសទាំងពីរមានទំនាក់ទំនងកាន់តែជិតស្និទ្ធិនឹងគ្នាហើយតម្លៃពលកម្មការងារនៅប្រទេសចិន មានតម្លៃថ្លៃដោយធ្វើឱ្យរោងចក្រមួយចំនួនងាកទៅរកការបើករោងចក្រនៅក្រៅប្រទេស ៕
ចែករំលែកព័តមាននេះ