ខេត្តសៀមរាប ៖ ដោយអនុវត្តតាមអនុសាស្ត្រដ៏ខ្ពង់ខ្ពស់របស់សម្តេចក្រឡាហោមឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយសសមាគមមិត្តនគរបាលជាតិកម្ពុជា និងអនុវត្តតាមការណែនាំពីសំណាក់លោកនាយឧត្តមសេនីយ៍សន្តិបណ្ឌិតអគ្គស្នងការនគរបាលជាតិ និងជាប្រធានសមាគមមិត្តនគរបាលជាតិកម្ពុជា។ នាព្រឹកថ្ងៃទី១ ខែកុម្ភៈ ឆ្នាំ២០១៩…
ខេត្តសៀមរាប ៖ ដោយអនុវត្តតាមអនុសាស្ត្រដ៏ខ្ពង់ខ្ពស់របស់សម្តេចក្រឡាហោមឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយសសមាគមមិត្តនគរបាលជាតិកម្ពុជា និងអនុវត្តតាមការណែនាំពីសំណាក់លោកនាយឧត្តមសេនីយ៍សន្តិបណ្ឌិតអគ្គស្នងការនគរបាលជាតិ និងជាប្រធានសមាគមមិត្តនគរបាលជាតិកម្ពុជា។
នាព្រឹកថ្ងៃទី១ ខែកុម្ភៈ ឆ្នាំ២០១៩ លោកឧត្តមសេនីយ៍ទោទិត្យ ណារ៉ុង ស្នងការនគរបាលខេត្តនិងជាប្រធានគណៈកម្មាធិការមូលដ្ឋានសមាគមមិត្តនគរបាលជាតិកម្ពុជាអមដំណើរដោយលោកស្នងការរង និងអស់លោកនាយនាយរងការិយាល័យក្រុមការងារនៃស្នងការដ្ឋាននគរបាលខេត្តបានអញ្ជើញចូលរួមក្នុងពិធីគោរពវិញ្ញាណក្ខន្ធ និងនាំយកថវិកាសមាគមមិត្តនគរបាលជាតិកម្ពុជាចំនួន៦លានរៀល និងថវិកាផ្ទាល់របស់លោកឧត្តមសេនីយ៍ទោទិត្យ ណារ៉ុង ស្នងការនគរបាលខេត្ត ចំនួន១លានរៀល និងសប្បុរសជននៃស្នងការដ្ឋាននគរបាលខេត្តមួយចំនួនទៀតរួមទាំងគ្រឿងឧបភោគបរិភោគមួយចំនួនជូនដល់ក្រុមគ្រួសារសពលោកវរៈសេនីយ៍ទោ ទេស ឫទ្ធីយ៉ា នាយរងការិយាល័យអន្តោប្រវេសន៍នៃស្នងការដ្ឋាននគរបាលខេត្តដែលបានទទួលមរណៈភាពកាលវេលាម៉ោង១០និង៣០នាទីថ្ងៃទី៣១ ខែមករា ឆ្នាំ២០១៩ ក្នុងជន្មាយុ៥០ឆ្នាំ ដោយរោគាពាធ (ជម្ងឺគាំងបេះដូង) នៅក្នុងមន្ទីរពេទ្យបង្អែកខេត្តសៀមរាប។
ក្នុងពិធីនោះលោកឧត្តមសេនីយ៍ទោ ទិត្យ ណារ៉ុង ស្នងការបានមានមតិសំណេះសំណាលជាមួយក្រុមគ្រួសារសពនិងបានពាំនាំនូវការផ្តាំផ្ញើរសាកសួរសុខទុក្ខនិងការចូលរួមរំលែកទុក្ខពីសំណាក់សម្តេចក្រឡាហោម និងលោកនាយឧត្តមសេនីយ៍សន្តិបណ្ឌិតអគ្គស្នងការនគរបាលជាតិ និងជាប្រធានសមាគមមិត្តនគរបាលជាតិកម្ពុជាផងដែរ។
លោកឧត្តមសេនីយ៍ស្នងការនគរបាលខេត្តបានមានប្រសាសន៍ថា ក្នុងនាមលោក និងកងកម្លាំងនគរបាលទាំងអស់សូមសំដែងនូវការសោកស្តាយអាឡោះអាល័យជាទីបំផុត រកអ្វីប្រៀបផ្ទឹមពុំបាន និងសូមចូលរួមរំលែកទុក្ខដ៏ក្រៀមក្រំនេះ យើងខ្ញុំទាំងអស់គ្នាចងចាំមិនភ្លេចនូវវីរៈភាព និងស្នាដៃរបស់លោកកន្លងមកក្នុងការចូលរួមចំណែកបំពេញតួនាទីភារកិច្ចការពារថែរក្សាសន្តិសុខសុវត្ថិភាពនិងសណ្តាប់ ធ្នាប់សង្គមជូនប្រជា ពលរដ្ឋនិងជូនជាតិមាតុភូមិ៕
ចែករំលែកព័តមាននេះ