រាជធានីភ្នំពេញ៖ មានការលេចឮថាតារាចម្រៀងឱក សុគន្ឋកញ្ញា ត្រៀមរៀបការជាមួយប្អូនប្រុសថៅកែផលិតកម្មហង្សមាស ចំណែកតារាសម្តែងកញ្ញាស៊ិន យូប៉ិន និងលោកខាត់ វៃហាំង ក៏ដូចគ្នាដែរ ។ មង្គលការតារាល្បីទាំង២គូនេះនៅអំឡុងពាក់កណ្តាលឆ្នាំ២០១៩។
ក្រោយពេលភ្ជាប់ពាក្យរួចកាលពីថ្ងៃទី១៨ ខែមិថុនា ឆ្នាំ២០១៨មក ឱក សុគន្ធកញ្ញា ជាមួយគូដណ្ដឹងបានបង្ហាញភាពផ្អែមល្ហែមជាមួយគ្នាជា រឿយៗ ធ្វើឲ្យមហាជនដែលជាអ្នកគាំទ្រតារាចម្រៀងរូបនេះរង់ចាំមើលដំណឹងរៀបការរបស់នាង ។ ជាក់ស្តែងកាលពីពេល ថ្មីៗកន្លងមកសគន្ធកញ្ញា និងគូដណ្តឹង ទើបតែត្រលប់មកពី Pre-wedding ជាមួយគ្នាប្រកបដោយភាពសប្បាយរីករាយ ផ្អែមល្ហែម។ អ្វីដែលមហាជន និងអ្នកគាំទ្ររបស់ឱក សុគន្ធកញ្ញា ទន្ទឹងចង់ដឹងនោះ តើនាង និងគូដណ្តឹង នឹងចូលរោងការនៅពេលណា ?
បើតាមអ្នកស្រីអ៊ី ថាច ជាម្ដាយរបស់របស់ឱក សុគន្ធកញ្ញា ប្រាប់ឲ្យអ្នកសារព័ត៌មានថា មង្គលការរបស់កូនស្រីគាត់នឹងប្រព្រឹត្តទៅនៅពាក់កណ្តាលឆ្នាំ២០១៩ ប៉ុន្ដែពុំទាន់កំណត់ថ្ងៃជាក់លាក់នៅឡើយទេ ។ «ត្រឹមតែដឹងថាកញ្ញានឹងចូលរោងជ័យនៅក្នុងខែឧសភានាពេលខាងមុខនេះហើយ»។
ចំពោះលោកខាត់ វៃហាំង ប្រាប់ថាការលេចឮថាលោករៀបការជាមួយស៊ិន យូប៊ីន នៅពាក់កណ្ដាលឆ្នាំ២០១៩នេះដូចតារាចម្រៀងឱក សុគន្ធកញ្ញា មិនមែនជាការណ៦ពិតទេ ។ ដោយសារតែអំឡុងពេលនោះលោក និងនាង កំពុងតែមើលចិត្តថ្លើមគ្នាទៅវិញទៅមក ក្រោយពីបង្ហាញចំណងស្នេហាជាសាធារណៈកាលពីចុងឆ្នាំ២០១៨ កន្លងទៅ ។
ខាត់ វៃហាំង និយាយថា «ប្រសិនបើខ្ញុំ និងយូប៊ីន មានគម្រោងរៀបការជាមួយគ្នាក្នុងឆ្នាំនេះមែននោះ គ្មានរឿងអ្វីត្រូលាក់បាំងភ្នែកមហាជននោះទេ នឹងបង្ហាញឲ្យដឹងជាសាធារណៈជាក់ជាពុំខាន់ ។ ខ្ញុំភ្ញាក់ផ្អើលខ្លាំងណាស់មិនទាន់បានភ្ជាប់ពាក្យជាមួយគ្នាផង ស្រាប់តែលឺដំណឹងខ្ញុំចូលរោងការ តែយ៉ាងណាខ្ញុំសូមអរគុណដល់បងសារព័ត៌មានដែលចាប់អារម្មណ៍លើរឿងខ្ញុំទាំងពីរនាក់»។
ប្រិយមិត្តអ្នកគាំទ្រមួយចំនួននិយាយថានឹងតាមដានមើលជីវិតស្នេហារបស់តារាទាំង២គូនេះទៀត ៕
ចែករំលែកព័តមាននេះ