កងយន្តហោះចម្បាំងលោកខាងលិចនៅពុំទាន់អាចរារាំងកងរថក្រោះរបស់កងទ័ពលោកមូអាម៉ា កាដាហ្វី មិនឱ្យវាយប្រហារទីក្រុងជាច្រើនរបស់ពួកបះបោរនៅឡើយ ។ ស្នូរផ្ទុះនានាត្រូវបានស្តាប់ឮនៅទីក្រុងទ្រីប៉ូលី ។
កងកម្លាំងចម្រុះអន្តរជាតិបានបង្កើនកាលពីថ្ងៃទី២៤ មីនា នូវការគាបសង្កត់លើលោកកាដាហ្វី ជាមួយនឹងការវាយប្រហារតាមអាកាសថ្មីៗ ក្នុងតំបន់ជុំវិញទីក្រុងទ្រីប៉ូលី ហើយការវាយប្រហារយ៉ាងខ្លាំងគឺលើទីតាំងរបស់កុលសម្ព័ន្ធលោកកាដាហ្វី នៅ SEBHA (ភាគខាងត្បូងប្រទេស) ក្នុងថ្ងៃទី៦ នៃអន្តរាគមន៍របស់ខ្លួន ។
យោងតាមតុល្យការបណ្តោះអាសន្នមួយផ្តល់កាលពីថ្ងៃទី២៤ មីនា ដោយលោកមូសា អ៊ីប្រាហ៊ីម អ្នកនាំពាក្យរបស់រដ្ឋាភិបាលលីប៊ីថា ការវាយប្រហាររបស់កងកម្លាំងចម្រុះអន្តរជាតិបណ្តាលឱ្យមនុស្សស្លាប់ប្រមាណជា១០០នាក់ ក្នុងចំណោមជនស៊ីវិលនៅលីប៊ីតាំងពីចាប់ផ្តើមការវាយលុកប្រឆាំងទីតាំងទាំងឡាយរបស់កងកម្លាំងលោកកាដាហ្វីមក ។
ចំណែកយន្តហោះយោធាលីប៊ី មួយគ្រឿងត្រូវបានបាញ់ធ្លាក់នៅទីក្រុង MISRALA (២០០គីឡូម៉ែត្រ ខាងកើតក្រុងទ្រីប៉ូលី) ដោយយន្តហោះប្រដេញមួយគ្រឿងរបស់បារាំងនាថ្ងៃទី២៤ មីនា វេលាម៉ោង១២និង៤០នាទីម៉ោងនៅស្រុកបារាំង ។ យន្តហោះធុន G-2 GALEB ជាយន្តហោះផលិតនៅយូហ្គោស្លាវី ប្រើសម្រាប់វាយប្រហារមកលើដី ត្រូវបាញ់ធ្លាក់ដោយយន្តហោះប្រដេញបារាំងធុន RAFALE ៕
ចែករំលែកព័តមាននេះ