តម្លៃខុនដូលំដាប់ខ្ពស់ក្នុងប្រទេសថៃនៅនឹងចែស តែវេទនាក្នុងការលក់ចេញ
ប្រទេសថៃ ៖ លោកស្រី Suohin Mechuchep ដែលជានាយកគ្រប់គ្រងរបស់ JLL Thailand បាននិយាយប្រាប់ដល់ភ្នាក់ងារសារព័ត៌មាន Bangkok…
ប្រទេសថៃ ៖ លោកស្រី Suohin Mechuchep ដែលជានាយកគ្រប់គ្រងរបស់ JLL Thailand បាននិយាយប្រាប់ដល់ភ្នាក់ងារសារព័ត៌មាន Bangkok…
ប្រទេសថៃ ៖ លោកស្រី Suohin Mechuchep ដែលជានាយកគ្រប់គ្រងរបស់ JLL Thailand បាននិយាយប្រាប់ដល់ភ្នាក់ងារសារព័ត៌មាន Bangkok Post កាលពីថ្ងៃទី២៨ ខែមករាកន្លងមកថា តម្លៃខុនដូថ្នាក់ខ្ពស់ក្នុងប្រទេសថៃដែលនឹងត្រូវបានដាក់លក់ក្នុងឆ្នាំនេះនឹងមិនមានការផ្លាស់ប្តូរពីឆ្នាំ២០១៨ ទេ ។
អ្នកស្រីបានបន្តថា វាអាចនឹងពិបាកក្នុងការដាក់លក់គម្រោងខុនដូថ្មីៗក្នុងតម្លៃខ្ពស់ជាងឆ្នាំមុន ។ អ្នកស្រីបានបន្ថែមថា ការទិញទុកបានធ្លាក់ចុះកាលពីឆ្នាំមុន ខណៈដែលទីផ្សារលក់បន្តមិនសូវសកម្មឡើយ និងមានខុនដូថ្នាក់ខ្ពស់ជាច្រើនទៀតដែលលក់មិនទាន់ចេញ ។
ប៉ុន្តែទីផ្សារនេះមិនមានមុខសញ្ញាបង្ហាញថា តម្លៃអាចនឹងធ្លាក់ចុះលឿនទេព្រោះក្រុមហ៊ុនអចលនទ្រព្យភាគច្រើនជាក្រុមហ៊ុនដែលមានលំនឹងភាពផ្នែកហិរញ្ញវត្ថុដែលភាគច្រើនមិនមានការលក់បញ្ចុះតម្លៃទេបើទោះជាចង់លក់ខុនដូដែលមានលើទីផ្សារពិតមែនក្តី ។ យ៉ាងណាក្តី ពួកគេអាចនឹងមានការលក់បញ្ចុះតម្លៃខុនដូដែលពិបាកនឹងលក់ចេញដូចជាខុនដូដែលមិនអាចមើលឃើញទេសភាពល្អជាដើម ។
អ្នកស្រី Suphin បានបន្តទៀតថា «ទីផ្សារខុនដូថ្នាក់ទាបដែលកំពុងជួបប្រទះបញ្ហាផ្គត់ផ្គង់លើសលប់កំពុងតែជួបកត្តាអវិជ្ជមានដទៃទៀតដូចជាកំណើនអត្រាការប្រាក់ និងវិធានការកាត់បន្ថយការផ្តល់កម្ចីជាដើម» ។
ខុនដូដែលមានតម្លៃរវាងពី៣៨០០ដុល្លារទៅ ៤៨០០ដុល្លារក្នុងមួយម៉ែត្រការេអាចនឹងទទួលរងការប៉ះពាល់ខ្លាំងជាងគេពីវិធានការដ្ឋាភិបាលក្នុងការកាត់បន្ថយកម្ចី ។
យោងទៅតាមក្រុមហ៊ុនផ្តល់សេវាប្រឹក្សាយោបល់ផ្នែកអចលនទ្រព្យ JLL បានឲ្យដឹងថា នៅចុងឆ្នាំ ២០១៨នេះ ទីក្រុងបាងកកមានខុនដូដែលសម្រេចការសាងសង់ប្រាឲមាណ ៥៧៩,០០០ យូនីត ដែលក្នុងនោះមាន ៨២% ជាខុនដូដែលមានតម្លៃក្រោម៣១៨០ដុល្លារក្នុងមួយមែត្រការេ ។ ក្នុងរយៈពេល១០ឆ្នាំមកនេះ តម្លៃខុនដូជាមធ្យនក្នុងទីក្រុងបាងកកបានកើនឡើងច្រើនជាង ៤០%ទៅទៀត ប៉ុន្តែល្បឿននៃកំណើននេះមានធ្លាក់ចុះ ៕
ចែករំលែកព័តមាននេះ