ខេត្តបាត់ដំបង ៖ កងកម្លាំងប្រដាប់អាវុធទាំងអស់ រួមគ្នាពង្រឹងទប់ស្កាត់រាល់បទល្មើសបន្ថែមទៀតនៅតាមខ្សែបន្ទាត់ព្រំដែន និងត្រូវចងចាំអនុវត្តន៍អភិក្រមទាំង៥ ក្នុងអណត្តទី៦នេះឲ្យសាកសមជាទាហានដែលមានគុណភាព ។ នេះជាប្រសាសន៍លោកឧត្តមសេនីយ៍ទោ ប្រាក់ សោភ័ណ…
ខេត្តបាត់ដំបង ៖ កងកម្លាំងប្រដាប់អាវុធទាំងអស់ រួមគ្នាពង្រឹងទប់ស្កាត់រាល់បទល្មើសបន្ថែមទៀតនៅតាមខ្សែបន្ទាត់ព្រំដែន និងត្រូវចងចាំអនុវត្តន៍អភិក្រមទាំង៥ ក្នុងអណត្តទី៦នេះឲ្យសាកសមជាទាហានដែលមានគុណភាព ។
នេះជាប្រសាសន៍លោកឧត្តមសេនីយ៍ទោ ប្រាក់ សោភ័ណ មេបញ្ជាការរងយោធភូមិភាគទី៥ មេបញ្ជាការតំបន់ទី១ តំណាងលោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ បានដឹកនាំជាគណៈអធិបតីក្នុងពិធីទស្សនកិច្ចសិក្សា ស្តីពីការងារកសាងពង្រឹងអង្គភាពរឹងមាំលើគ្រប់វិស័យ នៅកងអនុសេនាតូចទី១ និងកងអនុសេនាធំទី១ ចំណុះឲ្យផ្នែកសឹករងថ្មពួក ខេត្តបន្តាយមានជ័យ វេលាព្រឹកថ្ងៃទី៣០ ខែមករា ឆ្នាំ២០១៩ និងស្ថិតនៅចំណុចតាខ្លឹង ភូមិសាមគ្គី ឃុំគោករមៀត ស្រុកថ្មពួក ខេត្តបន្ទាយមានជ័យ ។
ដោយមានការចូលរួមពីលោកឧត្តមសេនីយ៍ទោ ភ្លន់ តារា មេបញ្ជាការតំបន់ប្រតិបត្តការសឹករងបន្ទាយមានជ័យ តំណាងកងពលលេខ៥១ តំណាងកងការពាព្រំដែនលេខ៥០៣ ប៉ូលីសការពារព្រំដែនលេខ៨០៧ អភិបាលស្រុក មេឃុំ ផ្នែកសឹករង អធិការ អាវុធហត្ថ គ្រប់ស្រុកតាមខ្សែបន្ទាត់ព្រំដែន នាយទាហាន ពលទាហាន និងវរសេនាតូចតាមព្រំដែន សរុបរួមចំនួន១១៣នាក់បានចូលរួម ។
បន្ទាប់ពីប្រតិភូអញ្ជើញកាត់ខ្សែបូរសម្ភោធដាក់ឲ្យប្រើប្រាស់ទីបញ្ជាការកងអនុសេនាតូចលេខ១ របស់អង្គភាព និងបន្តចុះត្រួតពិនិត្យជាក់ស្តែងតាមបណ្តាគោលដៅនានាក្នុងអង្គភាព កងអនុសេនាធំទី១ រួចមក គណៈអធិបតីនិងប្រតិភូទាំងអស់ទទួលបានរបាយការណ៍ពីលោកវរសេនីយ៍ត្រី ព្រហ្ម ប៊ុននឿន មេបញ្ជាការកងអនុសេនាធំទី១ បានបញ្ជាក់អំពីលក្ខណៈភូមិសាស្ត្រឈរជើងតាមខ្សែបន្ទាត់ព្រំដែនជាមួយភាគីថៃ ទល់មុខតម្រួតថៃ(តចដ) លេខ១២៤ របស់កងពលទី១២ ភាគីថៃ រួមការពារបង្គោលឡាក់លេខ៣២,៣៣,៣៤, និង៣៥ បានរួមសហការជាមួយនគរបាលការពារព្រំដែនលេខ៨០៧ ដោយរួមសហការគ្នា រក្សាបាននូវសុខសន្តិភាពជាមួយប្រទេសជិតខាង ធានាសន្តិសុខជូនប្រជាពលរដ្ឋមិនឲ្យមានជួបបញ្ហាអ្វីឡើយ ។
បន្តមកគ្រប់តាមបណ្តាអង្គភាព ដែលបានចូលរួមមតិវាយតម្លៃនូវចំណុចវិជ្ជមាននិងអវិជ្ជមានដែលអង្គភាពទាំងមូលធ្វើបាន ក្នុងនោះសរុបវាយតម្លៃក្នុងអង្គពិធីរួចមក លោកលោកឧត្តមសេនីយ៍ទោ ប្រាក់ សោភ័ណ មេបញ្ជាការតំបន់១ ជាអធិបតីបានធ្វើការកោតសរសើរ និងថ្លែងអំណរគុណយ៉ាងជ្រាលជ្រៅ ចំពោះវត្តមាន នៃការអញ្ជើញចូលរួមដ៏កុះករពីសំណាក់អស់លោកពីគ្រប់បណ្តាអង្គភាពជិតឆ្ងាយទាំងអស់ដែលបានចូលរួមធ្វើទស្សនកិច្ចសិក្សាដើម្បីចែករំលែកបទពិសោធន៍រកការរីកចំរើនផ្លាស់ប្តូរពីគ្នាទៅវិញទៅមកផងដែរ ។
បន្តមកលោកឧត្តមសេនីយ៍ទោ បានធ្វើការកោតសរសើរការរីកចំរើន មានការវិវត្តន៍ឈានឡើងច្រើន បើប្រៀបធៀបទៅនឹងរយ:ពេល៣ឆ្នាំមុន(២០១៥)កន្លងមកនេះតាមទិសដៅលោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ តែងតែដាស់តឿនជាប្រចាំពង្រឹងលើវិស័យកងទ័ព ហើយតាមរយៈនេះដែរលោកឧត្តមសេនីយ៍ទោ ប្រាក់ សោភ័ណ បានជំរុញ នឹងធ្វើការផ្តាំផ្ញើ ដល់អង្គពិធីទាំងមូល ជាពិសេសអង្គភាពអនុសេនាធំគាំទ្រ ត្រូវបន្តអនុវត្តន៍ការងារកសាងពង្រឹងអង្គភាពរឹងមាំលើគ្រប់ វិស័យ ដូចដែលមានចែងនៅក្នុងផែនការកសាង ពង្រឹងអង្គភាពរឹងមាំលើគ្រប់វិស័យរបស់យោធភូមិភាគទី៥ ទាំង៤ខ្លឺមសារ ដោយស្មារតី ទទួលខុសត្រូវខ្ពស់ ស្មារតីឆ្នៃប្រឌិតគំនិតផ្តើម តទៅមុខទៀតឲ្យដូចភ្លៀងរលឹម ។
ព្រមជាមួយនេះ លោកឧត្តមសេនីយ៍ទោ ក៏បានក្រើនរំលឹកគ្រប់អង្គភាពអនុវត្តឲ្យរឹងមាំភារៈកិច្ចនៃកង យោធពលខេមរភូមិន្ទ ការពារជាតិបូរណភាពទឹកដី ការពាររដ្ឋធម្មនុញ្ញ ការពារព្រះមហាក្សត្រ ការពាររាជរដ្ឋាភិបាលស្របច្បាប់ ការពារសុខសន្តិភាព ស្ថិរភាពសង្គមជាតិកម្ពុជានៃយើងឲ្យបានដាច់ខាត ទោះជាតម្លៃណាក៏ដោយ ហើយរួមសហការគ្នាបន្តទប់ស្កាត់រាល់បទល្មើសខុសច្បាប់នានាដែលកំពុងកើតមានតាមខ្សែបន្ទាត់ព្រំដែនឲ្យមានការថយចុះជាបន្តទៅទៀត ៕
ចែករំលែកព័តមាននេះ