ខេត្តកំពង់ឆ្នាំង ៖ ភ្លើងឆេះព្រៃយ៉ាងសន្ធោសន្ធៅ បណ្ដាលអោយរាលដាលទៅទ្រុងមាន់ និងផ្ទះប្រជាពលរដ្ឋទើបធ្វើឲ្យមានការភ្ញាក់ផ្អើល និងព្រួយបារម្ភជាខ្លាំង ហេតុការណ៍នេះកើតឡើងនៅវេលាម៉ោង១និង៥០នាទី រសៀលថ្ងៃទី៣១ ខែមករា ឆ្នាំ២០១៩…
ខេត្តកំពង់ឆ្នាំង ៖ ភ្លើងឆេះព្រៃយ៉ាងសន្ធោសន្ធៅ បណ្ដាលអោយរាលដាលទៅទ្រុងមាន់ និងផ្ទះប្រជាពលរដ្ឋទើបធ្វើឲ្យមានការភ្ញាក់ផ្អើល និងព្រួយបារម្ភជាខ្លាំង ហេតុការណ៍នេះកើតឡើងនៅវេលាម៉ោង១និង៥០នាទី រសៀលថ្ងៃទី៣១ ខែមករា ឆ្នាំ២០១៩ នៅចំណុចខ្សាច់ស ក្នុងភូមិអណ្ដូងជ្រៃ ឃុំអណ្ដូងស្នាយ ស្រុករលាប្អៀរ ខេត្តកំពង់ឆ្នាំង ។
យ៉ាងនេះក្តីបន្ទាប់ពីមានហេតុការណ៍ភ្ញាក់ឡើងនេះក៏មានរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តកំពង់ឆ្នាំងបានចេញអន្តរាគមន៍ពន្លត់អគ្គិភ័យ និងគ្រប់គ្រងសភាពការទាន់ពេលវេលា ។
លោកវរសេនីយ៍ឯក ទឹម ចាន់ធី អធិការនគរបាល ស្រុករលាប្អៀរ បញ្ជាក់ថា មិនមានឆេះផ្ទះ ប្រជាពលរដ្ឋនោះទេ គឺគ្រាន់តែឆេះព្រៃប៉ុណ្ណោះ និងបានរាលដាលសម្តៅទៅផ្ទះប្រជាពលរដ្ឋ ទើបមានការភ្ញាក់ផ្អើល និងព្រួយបារម្ភ ហើយសមត្ថកិច្ចចេញអន្តរាគមន៍ទាន់ពេលវេលា ។ ចំពោះមូលហេតុ គឺសង្ស័យថា បណ្ដាលមកពីក្មេងឃ្វាលគោក្របីនៅជិតកន្លែងកើតហេតុបានជក់បារីបោះទៅលើព្រៃ និងស្មៅងាប់ស្ងួតទើបបណ្ដាលឲ្យមានអគ្គិភ័យកើតឡើង ។
លោកបានបញ្ជាក់ថា មុនពេលកើតហេតុគេឃើញអគ្គិភ័យកំពុងតែឆេះព្រៃយ៉ាងសន្ធោសន្ធៅបន្ទាប់មកក៏បានទូរស័ព្ទហៅរថយន្តពន្លត់អគ្គិភ័យរបស់ស្នងការនគរបាលខេត្តចេញទៅពន្លត់អស់ចំនួន៣គ្រឿងគ្រប់គ្រងសភាពការណ៍បាន ។ ជាចុងក្រោយលោកក៏សូមអំពាវនាវដល់ប្រជាពលរដ្ឋដែលទាំងអស់សូមមេត្តាប្រុងប្រយ័ត្ន ព្រោះខែនេះជារដូវរាំងស្ងួត អាចបណ្តាលឲ្យភ្លើងងាយនឹងឆាប់ឆេះ ៕
ចែករំលែកព័តមាននេះ