មានអីទៀត Apple បិទផ្លូវ Facebook បានស្អាតចែស
យោងតាមសេចក្តីរាយការណ៍របស់ភ្នាក់ងារសារព័ត៌មាន Rueters ដែលបានចេញផ្សាយកាលពីថ្ងៃទី៣០ មករា កន្លងមកបានឲ្យដឹងថា ក្រុមហ៊ុន Apple Inc បាននិយាយកាលពីថ្ងៃពុធថា ពួកគេបានហាមក្រុមហ៊ុន…
យោងតាមសេចក្តីរាយការណ៍របស់ភ្នាក់ងារសារព័ត៌មាន Rueters ដែលបានចេញផ្សាយកាលពីថ្ងៃទី៣០ មករា កន្លងមកបានឲ្យដឹងថា ក្រុមហ៊ុន Apple Inc បាននិយាយកាលពីថ្ងៃពុធថា ពួកគេបានហាមក្រុមហ៊ុន…
យោងតាមសេចក្តីរាយការណ៍របស់ភ្នាក់ងារសារព័ត៌មាន Rueters ដែលបានចេញផ្សាយកាលពីថ្ងៃទី៣០ មករា កន្លងមកបានឲ្យដឹងថា ក្រុមហ៊ុន Apple Inc បាននិយាយកាលពីថ្ងៃពុធថា ពួកគេបានហាមក្រុមហ៊ុន Facebook Inc មិនឲ្យប្រើកម្មវិធីមួយដែលអនុញ្ញាតឲ្យអាជីវកម្មគ្រប់គ្រង iPhone របស់បុគ្គលិករបស់ពួកគេ និងបានចោទប្រកាន់ថា ហ្វេសប៊ុកបានប្រើវាដើម្បីតាមដានទម្លាប់ប្រើអ៊ីនធើណែតរបស់យុវជន ។
Apple បានផ្តល់ជាប័ណ្ណអនុញ្ញាតដែលអនុញ្ញាតឲ្យអាជីវកម្មគ្រប់គ្រង iPhone របស់អ្នកប្រើប្រាស់បានច្រើន ដោយអាចបញ្ចូលកម្មវិធី តាមដានការប្រើប្រាស់ ឬលុបទិន្នន័យរបស់អាជីវកម្មជាដើម ។ Apple បានបង្កើតកម្មវិធីនេះសម្រាប់ក្រុមហ៊ុន ឬអង្គការដែលមានបុគ្គលិកប្រើ iPhone សម្រាប់កិច្ចការផ្លូវការ ។
កាលពីថ្ងៃអង្គារ៍ គេហទំព័រ TechCrunch បានរាយការណ៍មកថា ហ្វេសប៊ុកបានឲ្យថវិកាទៅអ្នកប្រើប្រាស់អាយុចាប់ពី១៣ឆ្នាំឡើងទៅដើម្បីបញ្ចូលកម្មវិធីមួយឈ្មោះថា Facebook Research ដើម្បីអនុញ្ញាតឲ្យក្រុមហ៊ុនបញ្ចូល Software មួយដែលអាចតាមដានទម្លាប់ប្រើប្រាស់បាន ។
Apple បានហាមឃាត់មិនឲ្យហ្វេសប៊ុកប្រើកម្មវិធីនេះទៀតទេ ដោយបាននិយាយកាលពីថ្ងៃពុធ មកថាកម្មវិធីនេះគឺសម្រាប់តែការប្រើប្រាស់ក្នុងក្រុមហ៊ុនប៉ុណ្ណោះ ។
ការហាមឃាត់នេះមិនបានប៉ះពាល់ដល់កម្មវិធីរបស់ហ្វេសប៊ុកលើ App Store ទេ ប៉ុន្តែហ្វេសប៊ុកមិនអាចចែកចាយកម្មវិធីសម្រាប់បុគ្គលិករបស់ពួកគេឡើយ ។
ហ្វេសប៊ុកបាននិយាយក្នុងសេចក្តីថ្លែងការណ៍មួយថា មានការមើលរំលងចំណុចសំខាន់ៗនៃកម្មវិធីស្រាវជ្រាវរបស់ពួកគេច្រើន ហើយពួកគេបានទទួលបានការអនុញ្ញាតពីអ្នកប្រើប្រាស់ហើយ ។
ហ្វេសប៊ុកបានបន្ថែមទៀតថា មានតិចជាង ៥%នៃអ្នកចូលរួមកម្មវិធីស្រាវជ្រាវខាងលើស្ថិតក្នុងវ័យយុវវ័យ ហើយពួកគេក៏មានការអនុញ្ញាតពីអាណាព្យាបាលផងដែរ ៕
ចែករំលែកព័តមាននេះ