ប្រទេសថៃ ៖ ភ្នាក់ងារសារព័ត៌មាន Bangkok Post បាននិយាយក្នុងសេចក្តីរាយការណ៍មួយដែលបានចេញផ្សាយកាលពីថ្ងៃទី៣១ មករា ថាអាកាសយានដ្ឋាន Suvarnabhumi នឹងទទួលអ្នកដំណើរប្រមាណ ២.៦លាននាក់ក្នុងកំឡុងបុណ្យចូលឆ្នាំចិនខាងមុខនេះ ។
អាកាសយានដ្ឋានធំជាងគេរបស់ប្រទេសថៃនឹងទទួលភ្ញៀវធ្វើដំណើរប្រមាណ២០០,០០០នាក់ក្នុងមួយថ្ងៃចាប់ពីថ្ងៃពុធទៅដល់ថ្ងៃទី ១១ ខែកុម្ភៈ ។
លោក Suthirawat Suwannawat ដែលជានាយកអាកាសយានដ្ឋានបាននិយាយថា ការព្យាករណ៍នេះមានចំនួនច្រើនជាងឆ្នាំមុនដល់ទៅ៣.៣% និងបានជំរុញដល់អាកាសយានដ្ឋានឲ្យត្រៀមខ្លួនក្នុងការទទួលភ្ញៀវ និងដោះស្រាយបញ្ហាជើងយន្តហោះ ការស្ទះចរាចរណ៍ជុំវិញអាកាសយានដ្ឋាន និងការរងចាំយូរនៅកន្លែង Check-in ជាដើម ។
លោកបាននិយាយទៀតថា «ពួកយើងផ្តល់យោបល់ឲ្យអ្នកធ្វើដំណើរប្រើ Cuss» ដែលជាម៉ាស៊ីន Check-in នៅអាកាសយានដ្ឋាន ។
លោកបានបន្ថែមទៀតថា ភ្ញៀងទេសចរជនជាតិចិននឹងស្មើរភាគច្រើននៃអ្នកដំណើរដែលឆ្លងកាត់អាកាសយានដ្ឋាន ។ ក្រុមហ៊ុនអាកាសចរណ៍ក៏កំពុងតែបន្ថែមជើងយន្តហោះដើម្បីដោះស្រាយនឹងបញ្ហាកំណើនអ្នកដំណើរនេះដែរ ។
សរុបមក មានជើងយន្តហោះចំនួន ១៤,៧០៥ ដែលហោះចេញនិងចូលអាកាសយានដ្ឋាន Suvarnabhumi ក្នុងកំឡុងពេលបុណ្យចូលឆ្នាំចិន ឬច្រើនជាងឆ្នាំមុន ៨% ។
អ្នកដំណើរត្រូវបានប្រាប់ឲ្យទៅដល់អាកាសយានដ្ឋានប្រមាណ ៣ម៉ោងមុនពេលយន្តហោះចេញហោះហើរសម្រាប់ជើងយន្តហោះអន្តរជាតិ និងយ៉ាងតិចណាស់ ២ម៉ោងសម្រាប់ជើងយន្តហោះក្នុងស្រយក ។
លោក Suthirawat បានបន្ថែមទៀតថាអ្នកដំណើរគួរតែប្រើសេវាដឹកជញ្ជូនសាធារណៈដូចជា Airport Rail Link រថយន្ត ឬរថយន្តក្រុងជាដើមដើម្បីចៀសវាងការស្ទះចរាចរណ៍ ៕
ចែករំលែកព័តមាននេះ