លទ្ធផលនៃការសិក្សាមួយបានបង្ហាញថា ការបំបៅដោះកូនក្នុងរយៈពេលវែងនឹងជួយឱ្យស្ត្រីកាត់បន្ថយបានអត្រាកើតជំងឺភ្លេចភ្លាំង (Alzheimer’s) ។ការសិក្សាដែលបានចុះផ្សាយនៅក្នុងព្រឹត្តិប័ត្រជំងឺភ្លេចភ្លាំងបានលើកឡើងថា ការជាប់ពាក់ព័ន្ធគ្នាអាចបណ្តាលមកពីប្រសិទ្ធភាពជីវសាស្ត្រនៃការបំបៅដោះ ។ ឧទាហរណ៍ ការបំបៅដោះកូនអាចស្តាឡើងវិញនូវតុល្យភាពអ័រម៉ូនអាំងស៊ុយលីន
លទ្ធផលនៃការសិក្សាមួយបានបង្ហាញថា ការបំបៅដោះកូនក្នុងរយៈពេលវែងនឹងជួយឱ្យស្ត្រីកាត់បន្ថយបានអត្រាកើតជំងឺភ្លេចភ្លាំង (Alzheimer’s) ។ការសិក្សាដែលបានចុះផ្សាយនៅក្នុងព្រឹត្តិប័ត្រជំងឺភ្លេចភ្លាំងបានលើកឡើងថា ការជាប់ពាក់ព័ន្ធគ្នាអាចបណ្តាលមកពីប្រសិទ្ធភាពជីវសាស្ត្រនៃការបំបៅដោះ ។ ឧទាហរណ៍ ការបំបៅដោះកូនអាចស្តាឡើងវិញនូវតុល្យភាពអ័រម៉ូនអាំងស៊ុយលីនដែលត្រូវបានកាត់បន្ថយអំឡុងពេលមានផ្ទៃពោះ ខណៈជំងឺភ្លេចភ្លាំងត្រូវបានសម្គាល់ដោយរេស៊ីស្តង់អ័រម៉ូនអាំងស៊ុយលីននៅក្នុងខួរក្បាល ។
វេជ្ជបណ្ឌិត Molly Fox មកពីសាកលវិទ្យាល័យ University of Cambridge ដែលជាអ្នកដឹកនាំការសិក្សាស្រាវជ្រាវបាននិយាយថា ៖ «ជំងឺភ្លេចភ្លាំងគឺជាភាពច្របូកច្របល់នៃមុខងារយល់ដឹង ហើយប៉ះពាល់លើមនុស្ស៣៥,៦លាននាក់ក្នុងពិភពលោក ។ ទៅអនាគត យើងគិតថាជំងឺនេះនឹងរាលដាលចូលក្នុងបណ្តាប្រទេសដែលមានប្រាក់ចំណូលទាបនិងមធ្យម ។
ដូច្នេះវាសំខាន់ណាស់ដែលយើងត្រូវបង្កើតនូវយុទ្ធសាស្ត្រទ្រង់ទ្រាយធំ តែចំណាយលុយតិចដើម្បីការពារប្រឆាំងនឹងការរាលដាលជំងឺនេះ» ។ ដោយឡែក ការសិក្សាស្រាវជ្រាវមួយចំនួនកាលពីលើកមុនៗ ក៏សុទ្ធតែបានបង្ហាញថា ការបំបៅដោះកូនអាចកាត់បន្ថយអត្រាប្រឈមរបស់ស្ត្រីជាម្តាយពីជំងឺផ្សេងៗទៀត ៕
ចែករំលែកព័តមាននេះ