ខេត្តបន្ទាយមានជ័យ ៖ ប្រជាលរដ្ឋខ្មែរដែលបានចេញ-ចូលផ្សាររ៉ុងក្លឿ ប្រទេសថៃ ដែលទិញសំបុត្រទៅព្រឹក វិលល្ងាចក្នុងមួយថ្ងៃប្រមាណជិត២ម៉ឺននាក់ មានទាំងអាជីវករ និងកម្មករ។ ជាក់ស្តែងនៅល្ងាចថ្ងៃទី២៩ ខែមករា…
ខេត្តបន្ទាយមានជ័យ ៖ ប្រជាលរដ្ឋខ្មែរដែលបានចេញ-ចូលផ្សាររ៉ុងក្លឿ ប្រទេសថៃ ដែលទិញសំបុត្រទៅព្រឹក វិលល្ងាចក្នុងមួយថ្ងៃប្រមាណជិត២ម៉ឺននាក់ មានទាំងអាជីវករ និងកម្មករ។
ជាក់ស្តែងនៅល្ងាចថ្ងៃទី២៩ ខែមករា ឆ្នាំ២០១៩ កន្លងទៅនេះ នៅច្រកទ្វារអន្តរជាតិប៉ោយប៉ែតខេត្តបន្ទាយមានជ័យ គេឃើញមានប្រជាពលរដ្ឋត្រឡប់ពីផ្សារ៉ុងក្លឿ ប្រទេសថៃ ចូលមកក្រុងប៉ោយប៉ែតវិញមានចំនួនច្រើន ដែលភាគច្រើនមានអាជីវករ និងកម្មករបានត្រឡប់ពីលក់ដូរវិញនៅពីផ្សាររ៉ុងក្លឿ ស្ថិតក្នុងស្រុកអារញ្ញប្រាថេត ខេត្តស្រះកែវ ប្រទេសថៃ ដែលប្រឈម ក្រុងប៉ោយប៉ែត ខេត្តបន្ទាយមានជ័យ ប្រទេសកម្ពុជា។
លោក សាន ស៊ានហូរ អភិបាលក្រុងប៉ោយប៉ែតបានប្រាប់កាលពីរសៀលថ្ងៃទី៣០ ខែមករា ឆ្នាំ២០១៩នេះថា ប្រជាពលរដ្ឋដែលរស់នៅក្រុងប៉ោយប៉ែតបានចេញចូលទៅលក់ដូរនៅផ្សាររ៉ុងក្លឿ ប្រទេសថៃ តាមច្រកទ្វារអន្តរជាតិប៉ោយប៉ែត ក្នុង១ថ្ងៃមិនតិចជាង២ម៉ឺននាក់ ដែលបានទិញសំបុត្រចេញ-ចូលទៅរកស៊ី មានទាំងអាជីវករ និងកម្មករដែលបានទៅលក់ដូរនៅផ្សាររ៉ុងក្លឿ ប្រទេសថៃមានដល់៨០ភាគរយ។
លោកបានបញ្ជាក់ថា មានអាជីវករខ្មែរមួយចំនួនបានទៅស្នាក់នៅក្នុងផ្សារ៉ុងក្លឿ និងស្រុកអារញ្ញ ប្រទេសថៃដោយស្របច្បាប់ទៅប្រកបមុខរបរលក់ដូរនៅផ្សាររ៉ុងក្លឿ ដែលបានជួលតូបលក់ដូរទំនិញជាមធ្យមក្នុង១តូបតំលៃ៥ទៅ១០ម៉ឺនបាត។
ដោយយោងតាមរបាយការណ៍ប្រឆាំខែធ្នូ ឆ្នាំ២០១៨ កន្លងទៅនេះ ដែលស្នាក់ការត្រួតពិនិត្យច្រកទ្វារអន្តរជាតិប៉ោយប៉ែត សរុបអ្នកដំណើរចេញ-ចូលមានចំនួន១.០៧១.០៤៧នាក់ (ស្រី៥១៣.៧៧៩នាក់) ក្នុងនោះមានសញ្ញាតិខ្មែរមានចំនួន៩៩១.៦៦៩នាក់ (ស្រី៤៦៧.៣២៨នាក់) និងជានជាតិបរទេសមានចំនួន៧៩.៣៧៨នាក់ (ស្រី៤៦.៤៥១នាក់) ភ្ញៀវបរទេសមានចំនួន៧៧.០៨៨នាក់៕
ចែករំលែកព័តមាននេះ