រាជធានីភ្នំពេញ ៖ នៅព្រឹកថ្ងៃទី៣១ មករា នេះ ចៅក្រមសភាស៊ើបសួរសាលាឧទ្ធរណ៍ លោកសួស សំអាត បានបើកសវនាការប្រកាសសាលដីកាបដិសេធការបណ្តឹងសុំនៅក្រៅឃុំរបស់ជនសង្ស័យឈ្មោះ រ៉ាត់ រ័ត្នមុន្នី ភេទប្រុស អាយុ៤៧ឆ្នាំ ជាប្រធានសហជីពកម្មករសំណង់ ពាក់ព័ន្ធការផលិតវីដេអូរឿង «ម្ដាយខ្ញុំលក់
ខ្ញុំ» ។ ដោយតម្កល់សម្រេចរបស់សាលាដំបូងរាជធានីភ្នំពេញ គឺបន្តឃុំខ្លួនរង់ចាំការបើសវនាការលើអង្គសេចក្តីហើយការប្រកាសនេះ បានធ្វើឡើងកំបាំងមុខ ព្រោះអនុរក្សពន្ធនាគារមិនបាននាំយកជនជាប់ចោទមកសវនាការ។
គួរបញ្ជាក់ថា នៅពេលសវនាការកាលព្រឹកថ្ងៃទី៣០ មករា មានសាច់ញាតិ ក្រុមគ្រួសារ និងអ្នកគាំទ្រជនជាប់ចោទ បានមកតវ៉ានោខាងក្រៅសាលាឧទ្ធរណ៍ សុំឲ្យមានការដោះលែង។ តែការតវ៉ាដូចគ្នានេះដែរ បានធ្វើឡើងនៅខាងមុខស្ថានទូតសហភាពរុស្ស៊ីនៅក្នុងរាជធានីភ្នំពេញ និងនៅសាលាដំបូងរាជធានីភ្នំពេញ សុំអន្តរាគមន៍ឱ្យមានការដោះលែង។
គួររំលឹកផងដែរថា កាលពីវេលាម៉ោងប្រមាណជិត៧យប់ថ្ងៃទី១៣ ធ្នូ ឆ្នាំ២០១៨ ចៅក្រមសើុបសួរ សាលាដំបូងរាជធានីភ្នំពេញ បានសម្រេចឃុំខ្លួនជនជាប់ចោទម្នាក់ ដាក់ពន្ធនាគារព្រៃសជា បណ្តោះ អាសន្នក្រោមការចោទប្រកាន់ពីបទញុះញង់ ឱ្យមានការរើសអើងតាមបញ្ញត្តិមាត្រា ៤៩៦នៃ ក្រម ព្រហ្មទណ្ឌ ពាក់ពន្ធករណីផលិតខ្សែវីដេអូរឿង (ម្តាយខ្ញុំលក់ខ្ញុំ) ។
ជនជាប់ចោទឈ្មោះ រ៉ាត់ រ័ត្នមុនី ភេទប្រុស អាយុ៤៧ឆ្នាំ ជាប្រធានសហជីពកម្មករសំណង់ ដែលមានមូលដ្ឋាននៅប្រទេសថៃ មានទីលំផ្ទះជួលម្តុំវត្តអង្គតាមិញ ខណ្ឌពោធិសែនជ័យ រាជធានីភ្នំពេញ និងមានស្រុកកំណើ តនៅភូមិឆាយរំពាត់ ឃុំកន្ទី ស្រុកបាណន់ ខេត្តបាត់ដំបង ។
ចែករំលែកព័តមាននេះ