ខេត្តបន្ទាយមានជ័យ ៖ បញ្ហាសណ្តាប់ធ្នាប់នៅច្រកទ្វារអន្តរជាតិប៉ោយប៉ែតដូចជាម៉ូតូកងបី និងម៉ូតូឌុបចតគ្មានសណ្តាប់ធ្នាប់អភិបាលក្រុងរួមជាមួយមេប៉ុស្តិ៍ថ្មីរៀបចំអោយមានសោភ័ណភាព និងសន្តិសុខភ្ញៀវជាតិ និងអន្តរជាតិចូលមកកម្ពុជា ។ ភ្ញៀវជាតិដែលឆ្លងកាត់បានរិះគន់ថា ច្រកទ្វារអន្តរជាតិប៉ោយប៉ែតខេត្តបន្ទាយមានជ័យដែលជាប់ច្រកក្លោងលឹក ស្រុកអារ័ញ្ញប្រាថេត…
ខេត្តបន្ទាយមានជ័យ ៖ បញ្ហាសណ្តាប់ធ្នាប់នៅច្រកទ្វារអន្តរជាតិប៉ោយប៉ែតដូចជាម៉ូតូកងបី និងម៉ូតូឌុបចតគ្មានសណ្តាប់ធ្នាប់អភិបាលក្រុងរួមជាមួយមេប៉ុស្តិ៍ថ្មីរៀបចំអោយមានសោភ័ណភាព និងសន្តិសុខភ្ញៀវជាតិ និងអន្តរជាតិចូលមកកម្ពុជា ។
ភ្ញៀវជាតិដែលឆ្លងកាត់បានរិះគន់ថា ច្រកទ្វារអន្តរជាតិប៉ោយប៉ែតខេត្តបន្ទាយមានជ័យដែលជាប់ច្រកក្លោងលឹក ស្រុកអារ័ញ្ញប្រាថេត ខេត្តស្រះកែវ ប្រទេសថៃ ហើយពេលឆ្លងកាត់ច្រកទ្វារអន្តរជាតិប៉ោយប៉ែតឃើញមានម៉ូតូឌុប និងម៉ូតូកង់បីបានចតដូចគ្មានសណ្តាប់ធ្នាប់(មានភាពរញ៉េរញ៉ៃ)ធ្វើឱ្យប៉ះពាល់អារម្មណ៍ភ្ញៀវជាតិ និងអន្តរជាតិដែលឆ្លងកាត់ ។
ភ្ញៀវជាតិរូបនោះបានសំណូមពរដល់មន្ត្រីគ្រប់គ្រងការងារច្រកទ្វារអន្តជាតិប៉ោយប៉ែតដូចជាកម្លាំងប៉ុស្តិ៍នគរបាលអន្តរប្រវេសន៍ច្រកទ្វារអន្តរជាតិប៉ោយប៉ែត និងអភិបាលក្រុងប៉ោយប៉ែតគួរតែមានចំណាត់ការរៀបចំសណ្តាប់ធ្នាប់បញ្ហាម៉ូតូឌុប និងម៉ូតូកង់បីដែលចតគ្មានគ្នានសណ្តាប់កើតឡើងមានភាពរញ៉េរញ៉ៃតាំងពីលោកឧត្តមសេនីយ៍ទោ ស៊ឹម សំអាត ជានាយប៉ុស្តិ៍ចាស់ត្រូវបានផ្ទេរ និងទទួលភារកិច្ចថ្មី ។
ទាក់ទិនបញ្ហាសណ្តាប់ធ្នាប់ច្រកទ្វារអន្តរជាតិប៉ោយប៉ែតលោកវរសេនីយ៍ទោ ខឹម ចិន្ត្រា នាយប៉ុស្តិ៍នគរបាលអន្តប្រវេសន៍ច្រកទ្វារអន្តរជាតិប៉ោយប៉ែតថ្មីបានប្រាប់នៅល្ងាចថ្ងៃទី៣០ ខែមករា ឆ្នាំ២០១៩ ថាក្រោយពេលលោកបានមកទទួលភារកិច្ចជានាយប៉ុស្តិ៍នគរបាលអន្តរប្រវេសន៍ច្រកទ្វារអន្តរជាតិប៉ោយប៉ែតនេះមិនទានបាន១ខែនៅឡើយទេ ហើយក្រោយពេលលោកមកទទួលភារកិច្ចជានាយប៉ុស្តិ៍ច្រកទ្វារអន្តរជាតិប៉ោយប៉ែតនេះបានសម្រេចចិត្តជាស្រេចថា ៖
ទី១-រៀបចំប៉ុស្តិ៍នគរបាលអន្តរប្រវេសន៍ច្រកទ្វារអន្តរជាតិប៉ោយប៉ែតកន្លែងការងារអោយសមរម្យ ។ ទី២-ការងារផ្ទៃក្នុងអង្គភាពដើម្បីធ្វើការងាររលូនដើម្បីបម្រើប្រជាពលរដ្ឋ និងសង្គមអោយល្អប្រសើរ ។ ទី៣-រៀបចំសណ្តាប់ធ្នាប់នៅច្រកទ្វារអន្តរជាតិប៉ោយប៉ែតអោយមានសោភ័ណភាព និងសន្តិសុខជូនភ្ញៀវជាតិ និងអន្តរជាតិដែលចេញចូលឆ្លងកាត់ ។
លោក សាន ស៊ានហូរ អភិបាលក្រុងប៉ោយប៉ែតបានបញ្ជាក់ថា បញ្ហាសណ្តាប់ធ្នាប់នៅច្រកទ្វារអន្តរជាតិប៉ោយប៉ែតគឺរដ្ឋបាលក្រុងបានប្រជុំរៀបចំសណ្តាប់ធ្នាប់ដូចជាម៉ូតូកង់បី ម៉ូតូឌុបដែលកំពុងធ្វើសកម្មភាពគ្មានសណ្តាប់ធ្នាប់នៅក្នុងច្រកទ្វារអន្តរជាតិប៉ោយប៉ែត និងរៀបចំជាបណ្តើរៗហើយមិនទុកអោយមានភាពរញ៉េរញ៉ៃទៀតឡើយគឺត្រូវរៀបចំអោយមានសោភ័ណភាពល្អសម្រាប់ភ្ញៀវជាតិអន្តរជាតិចេញចូលមកកម្ពុជា ៕
ចែករំលែកព័តមាននេះ