រាជធានីភ្នំពេញ ៖ អ្នកនាង ចន ច័ន្ទលក្ខិណា ដឹងថា នាយក្តឹបអស់លទ្ឋភាពព្យាបាលមែនទែនក្រោយរីងរៃចំណាយលើជំងឺដ៏ធ្ងន់ក្នុងនាមជាប្រធានសមាគមម្នាក់ តែងតែគិតគូរសុខទុក្ខអ្នកសិល្បៈចាស់ថ្មី។ អ្នកនាងបាន Live…
រាជធានីភ្នំពេញ ៖ អ្នកនាង ចន ច័ន្ទលក្ខិណា ដឹងថា នាយក្តឹបអស់លទ្ឋភាពព្យាបាលមែនទែនក្រោយរីងរៃចំណាយលើជំងឺដ៏ធ្ងន់ក្នុងនាមជាប្រធានសមាគមម្នាក់ តែងតែគិតគូរសុខទុក្ខអ្នកសិល្បៈចាស់ថ្មី។
អ្នកនាងបាន Live វីដេអូសំពះជាមួយនាយក្តឹបតារាកំប្លែងទាំងសភាពឈឺសុំប្រកាសដល់អ្នកចិត្តបន់ទាំងឡាយ មេត្តាជួយសង្គ្រោះនាយក្តឹបបន្តសារជាថ្មីម្តងទៀត គ្រាលោកត្រូវការទឹកប្រាក់ជិត២ម៉ឺនដុល្លារ ដើម្បីវះកាត់សារជាថ្មី។
ខ្លោចចិត្តអាណិតតារាកំប្លែងនាយក្តិប ត្រូវបានក្រុមគ្រួសារសម្រេចដឹកមកផ្ទះវិញហើយក្រោយពីអស់លទ្ធភាព ពោលគឺអស់លុយក្នុងការព្យាបាល។ វិលវិញក្រោយការព្យាបាលជំងឺនៅប្រទេសថៃ ត្រឹមតែប៉ុន្មានថ្ងៃក្រុមគ្រួសារត្រូវចំណាយអស់ជាង៦ពាន់ដុល្លារអាមេរិក។ នាយក្តិបមានជំងឺច្រើនមុខដូចជា ទឹកដក់ក្នុងសួត ទឹកនោមផ្អែម ដាច់សរសៃឈាមខួរក្បាល ខ្វះឈាមក្នុងបេះដូង ព្រមទាំងលើសឈាមថែមទៀត។
បើតាមការបញ្ជាក់ពីសាច់ញាតិរបស់តារាកំប្លែងនាយក្តិបបានបញ្ជាក់ថា ភរិយាតារាកំប្លែងរូបនេះ សម្រេចបន្តបញ្ជូនប្តីឲ្យទៅបន្តព្យបាលនៅខេត្តមួយនៃប្រទេសថៃ ក្រោយពីឃើញសភាពជំងឺរបស់ប្ដីខ្លួនកាន់តែដុនដាបទៅៗ។ ដំណឹងដែលគួរឲ្យអាណិត គឺពេលនេះក្រុមគ្រួសារដឹកនាយក្តិបមកទឹកដីមាតុភូមិវិញហើយ ក្រោយពីការព្យាបាលបានមួយរយៈត្រឹមតែជំងឺសួតធូរស្បើយបន្តិច ខណៈដែលជំងឺបេះដូង និងខួរក្បាលមិនទាន់ធ្វើការវះកាត់។
បើយោងលើសំដីនិយាយរៀបរាប់ដោយផ្ទាល់ពីអ្នកនាង ចន ច័ន្ទលក្ខិណា ដែលចុះទៅជួបសួរសុខទុក្ខនាយក្តឹបបាននិយាយទាំងទឹកមុខស្រងូតស្រងាត់ថា បងប្អូនទស្សនិកជន ពេលនេះលោកពូក្តឹប គាត់បានសម្រេចមកសម្រាកព្យាបាលនៅផ្ទះវិញហើយ បន្ទាប់ពីទៅខេត្តអូរប៊ុនប្រទេសថៃ ជិត១០ថ្ងៃព្យាបាលអស់៦ពាន់ដុល្លារជាង។ ពេទ្យនៅទីនោះប្រាប់ថា បើឲ្យលោកពូក្តឹបជាមកវិញ ត្រូវតែវះកាត់សរសៃឈាមខួរក្បាល និងសរសៃឈាមបេះដូង ហើយបើនិយាយរឿងចំណាយវិញ គឺប្រើទឹកប្រាក់អស់១៥០០០ដុល្លារ ទើបសម្រេចបាន។ ជាថ្មីម្តងទៀតពូនាយក្តឹបអត់មានលទ្ធភាពទេ មានតែលក់ផ្ទះ តែបើលក់គឺគ្មានកន្លែងជ្រកឡើយ ឯលោកពូក្តឹបក៏សម្រេចចិត្តមិនលក់ផ្ទះដែរ។ ដូចនេះសូមលោក ឯកឧត្តម ឧកញ៉ា ប្រិយមិត្តដែលស្រឡាញ់គាំទ្រនាយក្តឹប មេត្តាជួយគាត់បន្តិចម្នាក់ៗ ដើម្បីឲ្យគាត់មានជីវិតបន្តទៀតផង។
ចំណែកនាយក្តឹបវិញ និយាយចេញខ្សាវៗបានលើកដៃសំពះ ហាក់ចង់បានក្តីសង្ឃឹមមិនចង់ឃើញមច្ចុរាជឆក់យកជីវិតឡើយ បាននិយាយខ្សាវៗថា លោកមានតែផ្ទះនឹងទេ ជាកម្មសិទ្ធិ បើលក់មើលជំងឺ គឺចប់ទាំងកូនចៅតែម្តង។ មានតែសុំបងប្អូនជួយជាបន្តផង។
ចែករំលែកព័តមាននេះ