សហរដ្ឋអាមេរិក-កូរ៉េខាងជើង ៖ នៅមុខគណៈកម្មការព្រឹទ្ធសភាមួយ នាយកស៊ើបការជាតិអាមេរិក លោកDAN COSTSវាយតម្លៃកាលពីថ្ងៃទី២៩មករាថា មានលទ្ធភាពតិចតួចណាស់ដែលកូរ៉េខាងជើង បោះបង់ចោលសមត្ថភាពនុយក្លេអ៊ែរយោធារបស់ខ្លួន ទោះបីជាមានបណ្ដាវិធានការនាពេលថ្មីៗនេះ ឬសេចក្ដីថ្លែងការណ៍នានាដែលថា…
សហរដ្ឋអាមេរិក-កូរ៉េខាងជើង ៖ នៅមុខគណៈកម្មការព្រឹទ្ធសភាមួយ នាយកស៊ើបការជាតិអាមេរិក លោកDAN COSTSវាយតម្លៃកាលពីថ្ងៃទី២៩មករាថា មានលទ្ធភាពតិចតួចណាស់ដែលកូរ៉េខាងជើង បោះបង់ចោលសមត្ថភាពនុយក្លេអ៊ែរយោធារបស់ខ្លួន ទោះបីជាមានបណ្ដាវិធានការនាពេលថ្មីៗនេះ ឬសេចក្ដីថ្លែងការណ៍នានាដែលថា ប្រទេសនោះត្រៀមរំលាយចោលនុយក្លេអ៊ែរក្ដី។
លោកធ្វើការកត់សម្គាល់ថា កូរ៉េខាងជើងបានបញ្ឈប់ឥរិយាបថបង្កហេតុទាំងឡាយ លើបញ្ហាអាវុធសម្លាប់រង្គាល រួចក៏ពុំមានសាកល្បងមីស៊ីលនុយក្លេអ៊ែរដែរ ចាប់តាំងពីជាង១ឆ្នាំមកហើយ រួចក៏បានកម្ទេចចោលហេដ្ឋារចនាសម្ព័ន្ធនុយក្លេអ៊ែរមួយចំនួន។ តែលោកថានាពេលបច្ចុប្បន្ន យើងវាយតម្លៃថាកូរ៉េខាងជើងនឹងស្វែងរករក្សាទុកសមត្ថភាព ខាងអាវុធសម្លាប់រង្គាល រួចមានលទ្ធភាពតិចណាស់ ដែលប្រទេសនោះបោះបង់ចោលទាំងស្រុងអាវុធនុយក្លេអ៊ែររបស់ខ្លួន ព្រមទាំងសក្ដានុពលនៃការផលិត ពីព្រោះបណ្ដាមេដឹកនាំប្រទេសនេះ ចាត់ទុកថាអាវុធនុយក្លេអ៊ែរសំខាន់បំផុត សម្រាប់ការរស់រាននៃរបបរបស់ពួកគេ។
ការលាតត្រដាងនោះត្រូវបានពង្រឹងតាមរយៈការពិនិត្យឃើញសកម្មភាពមួយចំនួន ដែលផ្ទុយទៅនឹងការរំសាយនុយក្លេអ៊ែរទាំងស្រុង។ សេតវិមានប្រកាសកាលពី១០ថ្ងៃមុននេះថាលោកដូណាល់ត្រាំនឹងជួប មេដឹកនាំកូរ៉េខាងជើងលោកគីមជុងអ៊ុន នាដំណាច់ខែកុម្ភៈជាលើកទី២ បន្ទាប់ពីការជួបគ្នាកំពូលកាលពីខែមិថុនា២០១៨នៅសិង្ហបុរី។ នាឱកាសនោះក្រុងព្យុងយ៉ាងនិងក្រុងវ៉ាសិុនតោន បានព្រមព្រៀងគ្នាក្នុងន័យទូលំទូលាយ លើការរំសាយនុយក្លេអ៊ែរនៅឧបទ្វីបកូរ៉េ៕
ចែករំលែកព័តមាននេះ