ដឹងទេ! កីឡារល្បីឈ្មោះសេន ប៊ុនថេន និងភរិយា ឥឡូវនេះយ៉ាងណាហើយ
- ភ្នំពេញ
រាជធានីភ្នំពេញ ៖ រយៈពេលចុងក្រោយគេកត់សម្គាល់ថា កីឡាករល្បីឈ្មោះ លោក សេន ប៊ុនថេន និងភរិយា គឺអ្នកនាង ឃឹម…
រាជធានីភ្នំពេញ ៖ រយៈពេលចុងក្រោយគេកត់សម្គាល់ថា កីឡាករល្បីឈ្មោះ លោក សេន ប៊ុនថេន និងភរិយា គឺអ្នកនាង ឃឹម…
រាជធានីភ្នំពេញ ៖ រយៈពេលចុងក្រោយគេកត់សម្គាល់ថា កីឡាករល្បីឈ្មោះ លោក សេន ប៊ុនថេន និងភរិយា គឺអ្នកនាង ឃឹម ចាន់សោភ័ណ្ឌ បានទទួលជោគជ័យយ៉ាងខ្លាំង ក្នុងមុខរបរលក់ផលិតផលប្រដាល់ ដែលមុខរបរនេះ ត្រូវគេចាត់ទុកថាកម្រឃើញ ហើយក៏ជាមុខរបរលើកស្ទួយដល់វិស័យប្រដាល់ផងដែរ ។
មុខរបរថ្មីរបស់អ្នកទាំងពីរ បានរួមចំណែកយ៉ាងខ្លាំងក្នុងការជួយជំរុញដល់វិស័យប្រដាល់មិនតិចនោះទេ ជាពិសេសសម្រាប់កីឡាករថ្មី ដែលមិនសូវដឹងថាគួរទៅរកទិញសម្លៀកបំពាក់ និងសម្ភារកីឡាប្រដាល់នៅឯណា?
គ្មានអ្នកណាមិនចាប់អារម្មណ៍នោះទេ បន្ទាប់ពីភរិយារបស់កីឡាករ សេន ប៊ុនថេន បានងាកទៅបើកមុខរបរដាក់លក់ខោ ហ្គង់ និងសម្ភារគ្រប់ប្រភេទពាក់ព័ន្ធនឹងវិស័យប្រដាល់ ។ ភរិយារបស់លោកមិនត្រឹមតែកុម្ម៉ង់ផលិតផលកីឡាករដោយដាក់អក្សរខ្មែរ និងផ្លាកសញ្ញាខ្មែរប៉ុណ្ណោះទេ លោក និងភរិយា ក៏ទទួលបោះពុម្ពរូបសញ្ញាផ្សេងៗលើខោប្រដាល់ និងលើសម្ភារប្រដាល់ ដើម្បីឱ្យការប្រកួតប្រដាល់ដែលបានធ្វើឡើង កាន់តែសោភ័ណភាព និងមានអត្តសញ្ញាណជាខ្មែរ ។
អ្នកនាង ឃឹម ចាន់សោភ័ណ្ឌ មិនត្រឹមតែLive និងប្រកាសលក់ខោ និងសម្ភារប្រដាល់ នៅលើហ្វេសប៊ុកធ្វើឱ្យមានភាពទាក់ទាញប៉ុណ្ណោះទេ ប៉ុន្តែអ្នកនាងក៏សកម្មនឹងការដាក់ស្តង់តាំងលក់ក្នុងវេទិកាពិព័រណ៍តូចធំ និងក្បែរស្ថានីយទូរទស្សន៍ ដែលកាន់តែធ្វើឱ្យមុខរបរអ្នកនាង និងស្វាមី មានការដឹងឮ និងទទួលស្គាល់ទ្វេដង ។
អ្នកនាង សោភ័ណ្ឌ ធ្លាប់បាននិយាយថា ដោយសារតែអ្នកនាងស្រឡាញ់វិស័យប្រដាល់ ទើបអ្នកនាង សម្រេចចិត្តរៀបការជាមួយកីឡាករ សេន ប៊ុនថេន និងសម្រេចចិត្តឈប់ធ្វើការ ហើយបោះទុនរកស៊ីជាមួយនឹងមុខរបរបើកលក់សម្ភារប្រដាល់។
ហេតុផលដែលនាំឱ្យអ្នកនាងដឹកដៃស្វាមីបើកមុខរបរនេះ គឺដោយសារតែមុខរបរនេះ មិនសូវមានអ្នកបោះទុនរក និងដោយសារតែអ្នកនាងយល់ថា បើកលក់សម្ភារប្រដាល់ ក៏មិនខុសពីរួមចំណែកលើកស្ទួយវិស័យប្រដាល់ដែលជាការចង់បានរបស់ស្វាមីនោះដែរ ។
អ្នកនាងថា មុខរបររបស់ខ្លួនមិនពិបាកក្នុងការបោះជំហានទៅមុខនោះទេ ដោយសារតែស្វាមីរបស់អ្នកនាង បើទោះជាផ្អាកប្រដាល់លើរេញ តែលោកគឺជាគ្រូបង្វឹកផ្នែកប្រដាល់ដែលមានកូនសិស្សច្រើនក្រោមបង្គាប់ ខណៈដែលសិស្សភាគច្រើនក៏តម្រូវឱ្យមានខោប្រដាល់ និងសម្ភារប្រដាល់ ដែលស្ទើរតែរកផលិតផលមកលក់បំពេញតម្រូវការមិនបាននោះផង។
អ្នកនាងធ្លាប់បានប្រកាសថា សម្ភារប្រដាល់ដែលអ្នកនាងបើកធ្វើអាជីវកម្មនេះ មួយចំណែកជាការផលិតក្នុងស្រុក ហើយមួយចំណែកផ្សេងទៀត គឺមានការបោះពុម្ព និងផលិតពីក្រៅប្រទេស ។ ក្នុងនោះ អ្នកនាងក៏ទទួលឱកាសមានការកុម្ម៉ង់ចេញទៅក្រៅប្រទេស ដែលមិនខុសពីការផ្សព្វផ្សាយក្បាច់គុនខ្មែររបស់ខ្លួន លើឆាកអន្តរជាតិ ដែលមានពលរដ្ឋខ្មែររស់នៅ។
កីឡាករ សេន ប៊ុនថេន បានអះអាងថា ប្រាក់ចំណូលដែលរកបានពីការលក់ដូរសម្ភារប្រដាល់ បានធ្វើឱ្យលោក និងភរិយា កាក់កបមិនចាញ់បើកលក់មុខរបរផ្សេងនោះទេ ទើបលោកក៏សកម្មក្នុងការប្រកាសលក់សម្ភារទាំងនេះ ដើម្បីឱ្យកូនសិស្ស និងមិត្តភក្តិរួមអាជីពរបស់លោកជួយគាំទ្រ ។ លោកថា អ្នកទិញសម្ភារទាំងនេះ មិនមែនសុទ្ធទាល់តែអ្នកប្រដាល់អាជីពនោះទេ គឺអ្នកស្រឡាញ់កីឡាប្រដាល់ និងអ្នកចង់ក្លាយជាអ្នកប្រដាល់អាជីពក៏កុម្ម៉ង់ទិញប្រើមិនខុសគ្នាដែរ ទើបធ្វើសម្ភារប្រដាល់ដែលលោក និងភរិយាបើកលក់ ទទួលបានការចាប់អារម្មណ៍ច្រើន ។
លោកប្រកាសថា មិនចោលប្រដាល់នោះទេ ប៉ុន្តែបណ្ដាលមកពីលោកមិនទាន់ត្រៀមខ្លួនសម្រាប់ឡើងរេញ ហើយមមាញឹកច្រើននឹងរបរលក់ជាមួយភរិយា ហើយក៏ដកឃ្លាមិនរួចពីការបង្វឹកសិស្សរាល់ថ្ងៃ ទើបលោកមិនទាន់ទទួលការប្រដាល់។
លោកអះអាងថា គម្រោងពង្រីកអាជីវកម្មបើកលក់សម្ភារប្រដាល់របស់ខ្លួន និងភរិយាឱ្យកាន់តែរឹងមាំ ជាពិសេសក្នុងពេលដែលការលក់ដូរសម្ភារអ្នកប្រដាល់ អាចចាត់ទុកថាជាមុខរបរថ្មី ដែលមិនសូវមានអ្នករក ។ លោកបង្ហាញការរំពឹងយ៉ាងខ្លាំងថា មុខរបររបស់ខ្លួន និងភរិយា នឹងកាន់តែមានការឈានឡើង ជាពិសេសនៅក្នុងកាលៈទេសៈដែលមុខទំនិញរាប់មិនអស់ដែលបានប្រកាសលក់ សុទ្ធតែមានអ្នកកុម្ម៉ង់ច្រើន។
អ្នកគាំទ្រជាច្រើនបានសរសើរដល់កីឡាករ សេន ប៊ុនថេន ដែលមានសុភមង្គលក្រោយរៀបមង្គលការ ដោយក្រៅពីមានការលើកឡើងថា លោកមានភរិយាក្មេងស្អាត ភរិយារបស់លោកក៏ត្រូវគេលាន់មាត់ថា ឆ្លាត និងពូកែរកស៊ី និងជានារីដែលមានទឹកចិត្តលើកស្ទួយវិស័យប្រដាល់គួរឱ្យសរសើរផងដែរ ។ អ្នកទាំងពីរត្រូវគេដឹងថា មានកូនស្រីម្នាក់ និងចាត់ទុកថាជាគ្រួសារអ្នកប្រដាល់ ដែលក្រៅពីមានកូនស្រីមួយគួរឱ្យ
ស្រឡាញ់ ក៏មានជីវភាពរស់នៅខុសគ្នាដាច់ឆា្ងយពីអ្នប្រដាល់ដែលមានគ្រួសារផ្សេងទៀតផងដែរ៕
ចែករំលែកព័តមាននេះ