ខេត្តបាត់ដំបង ៖ «ខ្លឹមសារ១០ចំណុចរបស់សម្តេចតេជោហ៊ុន សែន ក្នុងការអនុវត្ត ការពាររាល់អំពើណាដែលបង្កអសន្តិសុខដល់សង្គម និងគ្រប់សកម្មភាពដែលល្មើសច្បាប់ក្នុងប្រទេសកម្ពុជា ត្រូវទប់ស្កាត់ និងបង្ក្រាបជាបន្ទាន់ដោយមិនចាំបាច់រង់ចាំបទបញ្ជាឡើយ»។ នេះជាប្រសាសន៍លោកឧត្តមសេនីយ៍ទោ…
ខេត្តបាត់ដំបង ៖ «ខ្លឹមសារ១០ចំណុចរបស់សម្តេចតេជោហ៊ុន សែន ក្នុងការអនុវត្ត ការពាររាល់អំពើណាដែលបង្កអសន្តិសុខដល់សង្គម និងគ្រប់សកម្មភាពដែលល្មើសច្បាប់ក្នុងប្រទេសកម្ពុជា ត្រូវទប់ស្កាត់ និងបង្ក្រាបជាបន្ទាន់ដោយមិនចាំបាច់រង់ចាំបទបញ្ជាឡើយ»។
នេះជាប្រសាសន៍លោកឧត្តមសេនីយ៍ទោ ឯក សំអូន មេបញ្ជាការរង នាយសេនាធិការយោភូមិភាគទី៥ ក្នុងការប្រជុំបូកសរុបការងារយោធា សន្តិសុខ សម្រាប់ឆ្នាំ២០១៨ និងទិសដៅ ការងារ យោធា សន្តិសុខឆ្នាំ២០១៩ កាលពីវេលាព្រឹកថ្ងៃទី៣០ ខែមករាឆ្នាំ២០១៩ ក្នុងទីបញ្ជាការតំបន់ប្រតិបត្តិការសឹករងពោធិសាត់ ។
ដោយមានការចូលរួមពីលោក ចេង ឡៃ អភិបាលរងខេត្តពោធិសាត់ ហើយមានការចូលរួមពី លោកឧត្តមសេនីយ៍ តំណាងអគ្គមេបញ្ជាការប្រចាំទិសទី៤ ពោធិសាត់ លោកឧត្តមសេនីយ៍ទោ អ៊ុក ចន្ថា មេបញ្ជាការរងយោធភូមិភាគទី៥ ព្រមទាំងមេបញ្ជាការ មេបញ្ជាការរងតំបន់ប្រតិបត្តិការសឹករងពោធិសាត់ ស្នងការរងនគរបាលខេត្ត-កងរាជអាវុធហត្ថខេត្ត អាជ្ញាធរក្រុង-ឃុំ នឹងនាយទាហាន ថ្នាក់ ការិយាល័យយោធភូមិភាគ ការិយាល័យតំបន់ប្រតិបត្តិការសឹករងពោធិសាត់ ជាច្រើនរូប ផងដែរ។
ក្នុងមតិស្វាគមន៍ និងរបាយការណ៍ប្រចាំឆ្នាំ២០១៨ទិសដៅ ឆ្នាំ២០១៩ និងតាមរយៈរបាយការណ៍នៃការបញ្ចាំងស្លាយ លោកឧត្តមសេនីយ៍ទោ ប៉ែនណាវណ្ណ មេបញ្ជាការរងយោធភូមិភាគ មេបញ្ជាការតំបន់ប្រតិបត្តិការសឹករងពោធិសាត់ បានលើកឡើងពីគោលបំណង ការប្រជុំបូកសរុប ដោយបានបញ្ជាក់ថា នូវភារកិច្ចចម្បងរបស់កងយោធពលខេមរភូមិន្ទ ដែលត្រូវបំពេញ ការងារ ជាប្រវត្តិសាស្ត្រលើ កិច្ចការ សហការ នឹងការទទួលខុសត្រូវទាំងផ្ទៃក្នុង ភូមិសាស្ត្រ ក៏ដូចជា នៅតាមខ្សែបន្ទាត់ព្រំដែនបានល្អប្រសើរ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ