រាជធានីភ្នំពេញ ៖ លោក នុត សុខុម អនុប្រធានគណៈកម្មាធិការជាតិរៀបចំការបោះឆ្នោត(គជប) បានថ្លែងថា រាជរដ្ឋាភិបាលកម្ពុជាបានកំណត់យកថ្ងៃបោះឆ្នោតជ្រើសរើសក្រុមប្រឹក្សា រាជធានី ខេត្ត…
រាជធានីភ្នំពេញ ៖ លោក នុត សុខុម អនុប្រធានគណៈកម្មាធិការជាតិរៀបចំការបោះឆ្នោត(គជប) បានថ្លែងថា រាជរដ្ឋាភិបាលកម្ពុជាបានកំណត់យកថ្ងៃបោះឆ្នោតជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ ធ្វើនៅថ្ងៃទី២៦ ឧសភា ឆ្នាំ២០១៩ អាណត្តិទី៣នេះ។
សម្រាប់អាណត្តិទី៣ ឆ្នាំ២០១៩នេះ មានអាសនសមាជិកក្រុមប្រឹក្សារាជធានី ខេត្ត ក្រុង ស្រុកខណ្ឌ ចំនួន៥៥៩អាសន ហើយអាសនសមាជិកក្រុមប្រឹក្សាខណ្ឌ៣៥៥៥អាសន ។ ការថ្លែងបានធ្វើឡើងក្នុងកិច្ចប្រជុំជាមួយតំណាងគណបក្សនយោបាយ និងសង្គមស៊ីវិល អ្នកពាក់ព័ន្ធចំនួន៧ ដែលមានអ្នកចូលប្រមាណ១០០នាក់ ។
គួរបញ្ជាក់ថា កាលពីអាណត្តិទី១ ឆ្នាំ២០០៩ ឃុំ- សង្កាត់ មានចំនួន១៦២១ មានក្រុមប្រឹក្សាឃុំសង្កាត់១១.៣៥៣នាក់ រាជធានី ខេត្ត មាន២៤ ។ មានចំនួនក្រុង ស្រុកខណ្ឌ ទូទាំងប្រទេស១៩៣ និងមានអាសន ក្រុមប្រឹក្សាចំនួន៣៧៤នាក់ ។ ក្រុមប្រឹក្សាក្រុងស្រុកខណ្ឌ២៨៦១នាក់ ។ ដោយឡែកក្នុងឆ្នាំ២០១១ គជប បានរៀបចំការបោះឆ្នោតឡើងវិញ ដើម្បីជ្រើសរើសក្រុមប្រឹក្សាខណ្ឌពោធិ៍សែនជ័យ ដែលមានសមាជិកចំនួន១៩រូប ។
លោក នុត សុខុម បានលើកឡើងថា ក្នុងអាណត្តិទី២ ឆ្នាំ២០១៤ មានឃុំ-សង្កាត់ចំនួន១៦៣៣មានសមាជិកក្រុមប្រឹក្សាចំនួន១១,៤៥៩នាក់ ។ រាជធានី ខេត្តមានទូទាំងប្រទេសមាន២៥ មានអាសន ។ ចំនួនក្រុង ស្រុកខណ្ឌចំនួនទូទាំងប្រទេសមាន១៩៧ និងមានអាសន២៩៣១ ៕
ចែករំលែកព័តមាននេះ